നിങ്ങളുടെ ലിവര്‍ തകരാറിലേയ്‌ക്കോ, അറിയാം

മൂത്രത്തിന്റെയും മലത്തിന്റേയും നിറത്തിലുള്ള വ്യത്യാസം

മൂത്രത്തിന്റെയും മലത്തിന്റേയും നിറത്തിലുള്ള വ്യത്യാസം ലിവര്‍ പ്രവര്‍ത്തനങ്ങള്‍ ശരിയല്ലെന്നതിന്റെ സൂചനയാണ്. മൂത്രം പ്രത്യേകിച്ചും ഇരുണ്ട നിറത്തില്‍ പോകും. ഇതുപോലെ മലം വല്ലാതെ ഇരുണ്ട നിറത്തിലോ തീരെ മങ്ങിയ നിറത്തിലോ കാണപ്പെടുന്നതും ലിവര്‍ ടോക്‌സിനുകളുടെ ലക്ഷണമാണ്.

വയറിന്റെ ആരോഗ്യാവസ്ഥ മോശമാകും.

ലിവര്‍ പ്രവര്‍ത്തനം ശരിയല്ലെങ്കില്‍ വയറിന്റെ ആരോഗ്യാവസ്ഥ മോശമാകും. വയര്‍ വന്നു വീര്‍ക്കാന്‍ ഇടയാകും. വയറ്റില്‍ എപ്പോഴും ഗ്യാസ് പോലുള്ള അസ്വസ്ഥതകളുണ്ടാകുകയും ചെയ്യും. വയറിന് വേദനയും സാധാരണയാണ്.

ചര്‍മത്തില്‍

ലിവറില്‍ വിഷാംശമുണ്ടാകുമ്പോള്‍ ചര്‍മത്തില്‍ അസ്വസ്ഥതകളുണ്ടാകും. വിഷാംശം വര്‍ദ്ധിയ്ക്കുന്നത് ചര്‍മത്തെ ബാധിയ്ക്കുന്നതാണ് കാരണം. ചര്‍മം വരളുക, ചര്‍മത്തില്‍ കുരു എന്നിവയെല്ലാം ലിവര്‍ പ്രശ്‌നത്തിലാകുമ്പോളുണ്ടാകുന്ന ചര്‍മപ്രശ്‌നങ്ങള്‍ തന്നെയാണ്.

ചര്‍മത്തില്‍ മഞ്ഞപ്പു വരുന്നത്

ചര്‍മത്തില്‍ മഞ്ഞപ്പു വരുന്നത് ലിവര്‍ തകരാറിലെന്നതിന്റെ സൂചനയാണ് നല്‍കുന്നത്. രക്തത്തില്‍ ബിലിറൂബിന്‍ എന്ന ഘടകം വര്‍ദ്ധിച്ചു വരും. ഇത് ലിവര്‍ സാധാരണ രീതിയില്‍ പുറന്തള്ളുന്നതാണ്. ഇതു ചെയ്യാതെ വരുമ്പോള്‍ ബിലിറൂബിന്‍ അളവു കൂടുകയും ഇത് ചര്‍മത്തില്‍ മഞ്ഞപ്പുണ്ടാക്കുകയും ചെയ്യും.

വിശപ്പു കുറയുന്നതാണ്

വിശപ്പു കുറയുന്നതാണ് മറ്റൊരു ലക്ഷണം. ലിവര്‍ തകരാറിലാകുമ്പോള്‍ വിശപ്പു കുറയും. അതും പ്രത്യേകിച്ചു കാരണങ്ങളില്ലാതെ. ഇത് ലിവറില്‍ വിഷാംശം നിറയുമ്പോഴുള്ള ഒന്നാണ്.

ശരീരത്തില്‍ വെള്ളം

ശരീരത്തില്‍ വെള്ളം കെട്ടിനില്‍ക്കുന്നതാണ് ലിവര്‍ തകരാറിലായതിന്റെ മറ്റൊരു ലക്ഷണം. കണങ്കാലിലും മറ്റും വീര്‍മതയുണ്ടാകും. കിഡ്‌നി പ്രശ്‌നമെങ്കിലും ഇത് സാധാരണയാണ്.

ഛര്‍ദി

കരള്‍ പ്രവര്‍ത്തനം തകരാറിലായവര്‍ക്ക് ദഹന പ്രശ്നവും ആസിഡ് ഉല്‍പ്പാദനവുമടക്കം പ്രശ്നങ്ങള്‍ ഉണ്ടാകാറുണ്ട്. ഇതുമൂലം ഛര്‍ദി സാധാരണമാണ്.

ദുര്‍ബലാവസ്ഥ

കടുത്ത തളര്‍ച്ചയും ശാരീരികവും മാനസികവുമായ ദുര്‍ബലാവസ്ഥയും ഓര്‍മ കുറവും ആശയകുഴപ്പവും കരള്‍ രോഗികളില്‍ കണ്ടുവരാറുണ്ട്. കരള്‍ പ്രവര്‍ത്തനം തകരാറിലാകുന്നതോടെ കോമാ സ്റ്റേജില്‍ വരെ കൊണ്ടുചെന്ന് എത്തിക്കുന്നു.

വയറ്റില്‍ കനവും

വയറ്റില്‍ കനവും തുടര്‍ന്ന്‌ അടിവയര്‍ വേദനയും കരള്‍ പ്രശ്‌നത്തിലാണെന്നതിന്റെ സൂചനയാണ്‌ നല്‍കുന്നത്‌. വയറ്റില്‍ ഫ്‌ളൂയിഡ്‌ അടിഞ്ഞു കൂടും. ഇത്‌ രക്തധമനികളിലെ ബിപി കൂട്ടും.