നെല്ലിക്ക ഉപയോഗിക്കുന്നത് സൂക്ഷിച്ചില്ലെങ്കില്‍

അസിഡിക് സ്വഭാവം

നെല്ലിക്കയുടെ അസിഡിക് സ്വഭാവം തന്നെയാണ് ഏറ്റവും പ്രശ്‌നമുണ്ടാക്കുന്ന ഒന്ന്. വിഷാംശങ്ങളെ നീക്കം ചെയ്യാന്‍ വെറും വയറ്റില്‍ നെല്ലിക്ക കഴിക്കുമ്പോള്‍ അത് പലപ്പോഴും അസിഡിറ്റിക്ക് കാരണമാകുന്നു. എപ്പോഴും ദഹനസംബന്ധമായ പ്രശ്‌നം ഉള്ളവര്‍ നെല്ലിക്ക ഒഴിവാക്കുന്നതാണ് നല്ലത്.

പ്രമേഹത്തിന്റെ മരുന്ന്

പ്രമേഹത്തിന് നെല്ലിക്ക നല്ലതാണെങ്കിലും പ്രമേഹത്തിന് കഴിക്കുന്ന മരുന്നുകള്‍ക്കൊപ്പെ ഒരിക്കലും നെല്ലിക്ക കഴിക്കുന്നത് നല്ലതല്ല. ഇത് നെഗറ്റീവ് ഫലമാണ് ഉണ്ടാക്കുക.

അലര്‍ജിയുണ്ടാക്കുന്നു

ചുരുക്കം ചിലരിലെങ്കിലും നെല്ലിക്ക അലര്‍ജി ഉണ്ടാക്കാറുണ്ട്. നെല്ലിക്ക അലര്‍ജിയുള്ളവര്‍ നെല്ലിക്ക ഉപയോഗിച്ചാല്‍ അതിസാരം, വയറ് വേദന, അടിവയറ്റിലെ വേദന, മനംപിരട്ടല്‍, ഛര്‍ദ്ദി, വായ്ക്ക് ചുറ്റുമുള്ള വീക്കവും ചുവപ്പ് നിറവും, മുഖത്ത് ചുവപ്പ് നിറവും ചൊറിച്ചിലും വീക്കവും, ശ്വാസതടസ്സം, തലവേദന, മന്ദത എന്നിവയുണ്ടാകാനിടയുണ്ട്.

മൂത്രത്തിന് ദുര്‍ഗന്ധം

വിറ്റാമിന്‍ സിയുടെ വര്‍ദ്ധിച്ച സാന്നിധ്യമാണ് ഇവിടെ പ്രശ്‌നകാരണമാകുന്നത്. അസിഡിക് സ്വഭാവമുള്ള നെല്ലിക്ക അമിതമായി കഴിക്കുമ്പോള്‍ അമിതമായ മൂത്രവും, മൂത്രമൊഴിക്കുമ്പോഴുള്ള വേദനയും എരിച്ചിലും അനുഭവപ്പെടും. മൂത്രത്തിന് ദുര്‍ഗന്ധവും അനുഭവപ്പെടും.

പ്രമേഹത്തിന് ദോഷകരം

നെല്ലിക്ക കഴിക്കുന്നത് നിങ്ങളുടെ രക്തത്തിലെ പഞ്ചസാരയുടെ അളവിനെ ദോഷകരമായി ബാധിക്കും. ഹൃദയസംബന്ധമായ പ്രശ്‌നങ്ങള്‍ക്ക് മരുന്ന് കഴിക്കുന്നവര്‍ക്കും നെല്ലിക്ക ദോഷകരമാകും

രക്തസമ്മര്‍ദ്ദം

രക്തസമ്മര്‍ദ്ദത്തിന്റെ അളവില്‍ മാറ്റമുണ്ടാക്കാന്‍ നെല്ലിക്കയുടെ ഉപയോഗം കാരണമാകുന്നു. അതുകൊണ്ട് തന്നെ ബിപിക്ക് മരുന്ന് കഴിക്കുന്നുണ്ടെങ്കില്‍ നെല്ലിക്ക കഴിക്കുന്നത് ഒഴിവാക്കണം.

പ്രായം കൂടുന്നു

പ്രായാധിക്യത്തിന്റെ ലക്ഷണങ്ങള്‍ ഉടന്‍ തന്നെ ശരീരത്തില്‍ പ്രത്യക്ഷപ്പെടുന്നതിന് അമിതമായ നെല്ലിക്ക തീറ്റ കാരണമാകുന്നു. ഇത് ചര്‍മ്മത്തെ പ്രശ്‌നത്തിലാക്കുന്നു.

തലയോട്ട് വരണ്ടതാവാന്‍

തലയോട്ടി വരണ്ടതാവാന്‍ നെല്ലിക്കയുടെ ഉപയോഗം കാരണമാകുന്നു. മുടിയുടെ വളര്‍ച്ചക്ക് നല്ലതാണെങ്കിലും സ്ഥിരമായുള്ള ഉപയോഗം അല്‍പം ശ്രദ്ധിച്ച് മതി എന്നതാണ്.