ഒരു നേരം ഭക്ഷണം കഴിയ്ക്കാതിരുന്നാല്‍...

മാനസിക സമ്മര്‍ദ്ദം

വിശക്കുമ്പോള്‍ നമ്മുടെ സ്‌ട്രെസ് ഹോര്‍മോണായ കോര്‍ട്ടിസോളിന്റെ പ്രവര്‍ത്തനവും ഉത്പാദനവും വര്‍ദ്ധിക്കുന്നു. ഇത് മാനസിക സമ്മര്‍ദ്ദം വര്‍ദ്ധിക്കാന്‍ കാരണമാകുന്നു.

കൊഴുപ്പ് വര്‍ദ്ധിക്കും

ശരീരഭാരവും വണ്ണവും കുറയ്ക്കാന്‍ വേണ്ടി ഒരു നേരത്തെ ഭക്ഷണം ഒഴിവാക്കുന്നവരുണ്ട്. എന്നാല്‍ ഇത്തരത്തില്‍ ചെയ്യുന്നത് ശരീരത്തില്‍ കൊഴുപ്പ് അടിയാന്‍ കാരണമാകും. ഇത് പലപ്പോഴും അമിതവണ്ണത്തിന് തന്നെയാണ് കാരണമാകുന്നത്.

പ്രമേഹം വര്‍ദ്ധിക്കുന്നു

പ്രമേഹം വര്‍ദ്ധിക്കുന്നതിനും ഇത് കാരണമാകും. പലപ്പോഴും രക്തത്തിലെ പഞ്ചസാരയുടെ അളവ് വര്‍ദ്ധിക്കുകയും അതിലൂടെ പ്രമേഹത്തിന്റെ സാധ്യത വര്‍ദ്ധിക്കുകയും ചെയ്യുന്നു.

വായ്‌നാറ്റം

വായ്‌നാറ്റത്തിനും പലപ്പോഴും ഭക്ഷണം ഒഴിവാക്കുന്നത് കാരണമാകുന്നു. ഭക്ഷണം കഴിയ്ക്കുമ്പോള്‍ ഉമിനീര്‍ വര്‍ദ്ധിക്കുന്നു. എന്നാല്‍ ഭക്ഷണം കഴിയ്ക്കാതിയ്ക്കുമ്പോള്‍ ഉമിനീരിന്റെ അളവ് കുറയുകയാണ് ചെയ്യുന്നത്. ഇത് വായ് നാറ്റത്തിന് കാരണമാകുന്നു.

ശാരീരിക പ്രവര്‍ത്തനങ്ങളെ പ്രശ്‌നത്തിലാക്കും

ശാരീരിക പ്രവര്‍ത്തനങ്ങളെ പ്രശ്‌നത്തിലാക്കാനും പലപ്പോഴും ഭക്ഷണം കഴിയ്ക്കാതിരിക്കുന്നത് കാരണമാകുന്നു. ശാരീരിക പ്രവര്‍ത്തനങ്ങള്‍ ശരിയായ രീതിയില്‍ നടന്നില്ലെങ്കില്‍ അത് പല വിധത്തിലുള്ള ആരോഗ്യപ്രശ്‌നങ്ങള്‍ക്ക് കാരണമാകുന്നു.