വിസ്ഡം ടീത്ത് വേദന മാറ്റാന്‍ ആയുര്‍വേദം

ഗ്രാമ്പൂ ഓയില്‍

ഒരു പ്രധാന ആയുര്‍വേദ ഔഷധമായ ഗ്രാമ്പൂ ഓയില്‍ പണ്ടുകാലം മുതല്‍ക്കേ വിസ്‍ഡം ടൂത്ത് വേദനയ്ക്ക് പരിഹാരമായി ഉപയോഗിച്ചിരുന്നു. ഇതില്‍ ആന്‍റിസെപ്റ്റിക്, ആന്‍റിബാക്ടീരിയല്‍ ഘടകങ്ങള്‍ അടങ്ങിട്ടുണ്ട്. ഏതാനും തുള്ളി ഗ്രാമ്പൂ ഓയില്‍ ഒരു കോട്ടണ്‍ ബോളില്‍ മുക്കി വേദനയുള്ളിടത്ത് വെച്ചാല്‍ ആശ്വാസം ലഭിക്കും.

ടീ ട്രീ ഓയില്‍

ഏതാനും തുള്ളി ടീ ട്രീ ഓയില്‍

ഒരു കോട്ടണ്‍ ബോളില്‍ മുക്കി വിസ്‍ഡം ടൂത്തിന് മുകളില്‍ അല്‍പസമയം വെയ്ക്കുക. തേയില ഓയില്‍ കടുപ്പമുള്ളതാണെങ്കില്‍ അല്‍പം ഒലിവ് ഓയില്‍ ചേര്‍ത്ത് നേര്‍പ്പിക്കുക. ഇത് വേദനയ്ക്ക് ആശ്വാസം നല്‍കും.

പുതിന ഓയില്‍

പണ്ടുകാലം മുതല്‍ക്കേ വിസ്‍ഡം ടൂത്തിന്‍റെ വേദന അകറ്റാനായി ഉപയോഗിച്ച് വരുന്നതാണ് പുതിന ഓയില്‍. ഇതില്‍ ആന്‍റിബാക്ടീരിയല്‍ ഘടകങ്ങള്‍ അടങ്ങിയിട്ടുണ്ട്. ഏതാനും തുള്ളി പുതിന ഓയില്‍ ഒരു കോട്ടണ്‍ ബോളില്‍ പുരട്ടി വേദനയുള്ള ഭാഗത്ത് വെയ്ക്കുക.

പേരയ്ക്ക ഇലകള്‍

ഇളം പേരയിലകള്‍ ചവച്ച് അതിന്‍റെ നീര് വേദനയുള്ള ഭാഗത്ത് നിലനിര്‍ത്തുന്നതും, ഇലകള്‍ ഏതാനും മിനുട്ട് വെള്ളത്തിലിട്ട് തിളപ്പിച്ച് ആ വെള്ളം മൗത്ത് വാഷായി ഉപയോഗിക്കുന്നതും ഫലം നല്‍കും.

വീറ്റ് ഗ്രാസ്സ് ജ്യൂസ്

വീറ്റ് ഗ്രാസ്സ് മികച്ച ആന്‍റിബാക്ടീരിയല്‍ ഘടകങ്ങള്‍ അടങ്ങിയതാണ്. വീറ്റ് ഗ്രാസ് ജ്യൂസ് വായില്‍ കൊണ്ട് അല്‍പ്പസമയത്തിന് ശേഷം തുപ്പിക്കളയുക.

പെരുങ്കായം

ആയുര്‍വേദത്തില്‍ ഔഷധമായി ഉപയോഗിക്കുന്ന പെരുങ്കായം വിസ്‍ഡം ടീത്തിന്‍റെ വേദന അകറ്റാന്‍ ഫലപ്രദമാണ്. ഈ പൊടി വായിലിട്ട് ചവയ്ക്കുന്നതും പല്ലിന്‍റെ കീഴില്‍ വെയ്ക്കുന്നതും വേദനയ്ക്ക് ആശ്വാസം നല്‍കും.

ഉള്ളി

ആന്‍റി ഇന്‍ഫ്ലമേറ്ററി, ആന്‍റിമൈക്രോബയല്‍ ഘടകങ്ങള്‍ അടങ്ങിയതാണ് ഉള്ളി. ഉള്ളി കഷ്ണങ്ങള്‍ ചവയ്ക്കുന്നതും വേദനയുള്ള വിസ്ഡം ടീത്തിന് താഴെ കടിച്ച് പിടിക്കുന്നതും വേദനയ്ക്ക് ശമനം നല്‍കും.