അനീമിയ സ്ത്രീകളെ ഭയപ്പെടുത്തും ചെകുത്താന്‍

ഇരുമ്പ് അടങ്ങിയ ഭക്ഷണങ്ങള്‍

ഇരുമ്പ് സത്ത് കൂടുതല്‍ അടങ്ങിയ ഭക്ഷണങ്ങള്‍ കഴിയ്ക്കുന്നതാണ് ഏറ്റവും നല്ലത്. റെഡ് മീറ്റ്, ബീന്‍സ്, ഉലുവ, ഇലക്കറികള്‍, പാവയ്ക്ക തുടങ്ങിവയെല്ലാം ധാരാളം കഴിയ്ക്കുന്നത് നല്ലതാണ്.

വിറ്റാമിന്‍ സി

ശരീരത്തില്‍ വിറ്റാമിന്‍ സിയുടെ അഭാവം മൂലവും അനീമിയ ഉണ്ടാവും. ഓറഞ്ച്, നാരങ്ങ, മാതള നാരങ്ങ, നെല്ലിക്ക, ചീര തുടങ്ങിയവയെല്ലാം ഭക്ഷണത്തില്‍ സ്ഥിരമാക്കുക.

വിറ്റാമിന്‍ ബി 12

വിറ്റാമിന്‍ ബി 12 ശരിയായ രീതിയില്‍ ലഭിച്ചില്ലെങ്കില്‍ ഇത് മരണകാരണമായേക്കാവുന്ന അനീമിയയ്ക്ക് വരെ വഴിവെയ്ക്കും. പാലും പാലുല്‍പ്പന്നങ്ങളും, മത്സ്യം, കക്ക തുടങ്ങിയവയെല്ലാം കഴിയ്ക്കുന്നത് ശീലമാക്കുക.

വിറ്റാമിന്‍ ബി 9

നട്‌സ്, ബീന്‍സ്, തോടുള്ള കടല്‍വിഭവങ്ങള്‍, മത്സ്യം തുടങ്ങിയവയെല്ലാം ശീലമാക്കുക.

നന്നായി പഴുത്ത പഴം

നന്നായി പഴുത്തപഴം തേനില്‍ ചേര്‍ത്ത് കഴിയ്ക്കുന്നതും സ്ത്രീകളിലെ അനീമിയയെ തടയുന്നു.

നാരങ്ങാനീരും ആപ്പിള്‍ സിഡാര്‍ വിനീഗറും

നാരങ്ങാ നീരും ആപ്പിള്‍ സിഡാര്‍ വിനീഗറും മിക്‌സ് ചെയ്ത് തേനില്‍ ചേര്‍ത്ത് കഴിയ്ക്കുന്നത് എന്തുകൊണ്ടും നല്ലതാണ്. ഇത് ശാരീരികോര്‍ജ്ജം പ്രദാനം ചെയ്യുന്നു.

അത്തിപ്പഴം

അത്തിപ്പഴം നമ്മുടെ നാട്ടില്‍ സ്ഥിരമായി ലഭിയ്ക്കുന്ന ഒന്നാണ്. അത്തിപ്പഴം കഴിയ്ക്കുന്നത് അനീമിയയെ പ്രതിരോധിയ്ക്കും എന്നതാണ് സത്യം.

ബീറ്റ്‌റൂട്ട്

രക്തത്തിന്റെ കുറവ് പരിഹരിയ്ക്കാന്‍ ബീറ്റ്‌റൂട്ട് സഹായിക്കുന്നു. സാലഡ്, തോരന്‍ എന്നീ പരുവത്തില്‍ ബീറ്റ്‌റൂട്ട് കഴിയ്ക്കാവുന്നതാണ്.