Click it and Unblock the Notifications
Latest Updates
-
ഒക്ടോബർ 18-24: ഈ ആഴ്ച നിങ്ങളുടെ രാശിയിൽ ഭാഗ്യം തെളിയുമോ? അറിയാം സമ്പൂർണ്ണ വാരഫലം -
വിജയദശമിയിൽ സ്വർണം വാങ്ങുമ്പോൾ ഈ തെറ്റുകൾ വരുത്തരുത്; പണം നഷ്ടപ്പെടാം! -
തുലാം രാശിയില് ബുധാദിത്യ യോഗം: 12 രാശിക്കാര്ക്കും വരാനിരിക്കുന്നത് സുവർണ്ണകാലം, ശ്രദ്ധിക്കേണ്ട കാര്യങ്ങൾ ഇതാ -
മഴക്കാലത്ത് ചർമ്മവും മുടിയും നശിക്കുന്നുണ്ടോ? അണുബാധ തടയാൻ ഈ മുൻകരുതലുകൾ നിർബന്ധം -
ആയുധപൂജ 2026: വാഹനപൂജയും വാസ്തുവും; ഈ കാര്യങ്ങൾ ശ്രദ്ധിച്ചില്ലെങ്കിൽ പണി പാളും! -
ദസറ പൂജ: വീടിന്റെ എൻട്രൻസ് ഒരുക്കുമ്പോൾ ഈ തെറ്റുകൾ വരുത്തരുത്; വാസ്തുവും സുരക്ഷയും പ്രധാനം -
വിദ്യാരംഭം: വീട്ടിൽ കുഞ്ഞിനെ എഴുത്തിനിരുത്തുമ്പോൾ ഈ വാസ്തു നിയമങ്ങൾ ശ്രദ്ധിക്കൂ, പഠനത്തിൽ മിടുക്കരാക്കാം! -
ഡൽഹിയിൽ വായുമലിനീകരണം രൂക്ഷം; ചർമ്മത്തെയും ആരോഗ്യത്തെയും സംരക്ഷിക്കാൻ ഈ മുൻകരുതലുകൾ അനിവാര്യം -
വയറിലെ വീക്കം കുറച്ച് ക്യാമറയ്ക്ക് മുന്നിൽ തിളങ്ങാം; 24 മണിക്കൂർ കൊണ്ട് മാറ്റം വരുത്താൻ ഈ ടിപ്പുകൾ -
ശുക്രാസ്തമയം 2026: വിവാഹവും ശുഭകാര്യങ്ങളും മാറ്റിവെക്കണോ? ശ്രദ്ധിക്കേണ്ട കാര്യങ്ങൾ ഇതാ
ഗര്‍ഭഛിദ്രത്തിന് കാരണങ്ങള്‍
ഗര്‍ഭഛിദ്രത്തിനുള്ള കാരണങ്ങള്‍ പലതാണ്. ഗര്‍ഭിണിയാണെന്ന് മനസ്സിലാകും മുമ്പ് തന്നെ ഗര്‍ഭഛിദ്രം നടക്കുന്ന സംഭവങ്ങള്‍ ധാരാളമാണ്. മാസമുറ കൃത്യമായി നടക്കാതെ വരികയും അല്പം വൈകി ഉണ്ടാകുകയും ചെയ്യുമ്പോള്‍ മാസമുറ അല്പം വൈകിയെന്ന ധാരണയേ പലര്‍ക്കും ഉണ്ടാകൂ.
എന്നാല്‍ ഒരു പക്ഷെ ഗര്‍ഭിണിയായിരുന്നിരിക്കണം നിങ്ങള്‍, മാസമുറയുടെ പേരില്‍ വന്നത് ഗര്‍ഭഛിദ്രം മൂലമുള്ള രക്തപ്രവാഹം ആകാം. ഇത്തരത്തില്‍ നേരത്തെയുള്ള ഗര്‍ഭഛിദ്രങ്ങള്‍ക്ക് കാരണം എന്താകും? ഏകദേശം 15 മുതല്‍ 20 ശതമാനത്തോളം സ്ത്രീകള്‍ ഇത്തരം ഗര്‍ഭഛിദ്രം നേരിടേണ്ടി വന്നിട്ടുണ്ടാകും എന്നാണ് കണക്കുകള്‍.
അതിന് കാരണങ്ങള്‍ പലതാകാം. ജനിതകമാകാം. അണുബാധ മൂലമാകാം, പ്രതിരോധശേഷി സംബന്ധമാകാം, പാരിസ്ഥിതിക പ്രശ്‌നങ്ങള്‍ മൂലമാകാം, അല്ലെങ്കില്‍ ഘടനാപരമായ പ്രശ്‌നങ്ങളാകാം. ഇവ ഒരു സാധാരണ വ്യക്തിക്ക് പെട്ടെന്ന് മനസ്സിലാക്കാവുന്ന കാര്യങ്ങളല്ല. ഡോക്ടര്‍മാര്‍ക്ക് ഇത് കണ്ടെത്താനും സാധിക്കും. മേലെ പറഞ്ഞ കാരണങ്ങളെ അല്പം കൂടി വിശദമാക്കാം.
ജനിതക കാരണം: നേരത്തെയുള്ള ഗര്‍ഭഛിദ്രങ്ങളില്‍ പകുതിയും ജനിതക കാരണങ്ങള്‍ കൊണ്ടാണത്രെ സംഭവിക്കുന്നത്. ഗര്‍ഭസ്ഥ ശിശു അഥവാ ഭ്രൂണത്തിന് ജനിതകപരമായി എന്തെങ്കിലും അപര്യാപ്തത ഉണ്ടാകുകയും അത് ഭ്രൂണത്തിന്റെ നിലനില്‍പ് ഇല്ലാതാകാനും കാരണമാകും. ഇത് യാദൃശ്ചികമായി സംഭവിക്കുന്നതാണ്. ആ ഗര്‍ഭിണിയ്ക്ക് എക്കാലത്തും ഇതേ പ്രശ്‌നം നേരിടേണ്ടി വരികയില്ല. അതായത് ഇങ്ങനെ സംഭവിക്കുന്ന ഗര്‍ഭിണികളില്‍ അടുത്ത തവണ ഒരു സാധാരണ ഗര്‍ഭാവസ്ഥ ഉണ്ടാകുകയാണ് പതിവ്. അതിനാല്‍ തന്നെ ഇതൊരു സാധാരണസംഭവമായാണ് കണക്കാക്കുന്നതും.
രോഗപ്രതിരോധ ശേഷിയുമായി ബന്ധപ്പെട്ട്: ആന്റിബോഡികള്‍ രക്തത്തിലെ ദോഷവസ്തുക്കളുടെ വീര്യം കെടുത്തി ശരീരത്തെ സംരക്ഷിക്കുന്ന ഘടകമാണല്ലോ. എന്നാല്‍ ചില സാഹചര്യങ്ങളില്‍ ആന്റിബോഡികള്‍ നമ്മളുടെ ശരീരത്തിന് എതിരായും പ്രവര്‍ത്തിച്ചെന്ന് വരാം. അങ്ങനെ രക്തത്തിലെ ആന്റിബോഡികള്‍ കോശങ്ങളെ ആക്രമിക്കാനും സാധ്യതയുണ്ട്. ഇത്തരത്തിലുള്ള ആന്റിബോഡികള്‍ പ്ലാസന്റയെ ആക്രമിച്ചേക്കാം. ഭ്രൂണത്തിലേക്കുള്ള രക്തപ്രവാഹം തടയാനും ആന്റിബോഡികള്‍ ഇടയാക്കും. ഇത് ഭ്രൂണത്തിന്റെ വളര്‍ച്ചയെ ബാധിക്കുകയും തന്മൂലം അതിന്റെ നാശത്തില്‍ കലാശിക്കുകയും ചെയ്യുന്നു.
ശാരീരിക കാരണങ്ങള്‍: ഗര്‍ഭാശയത്തിനോ ഗര്‍ഭാശയസംബന്ധ അവയവങ്ങള്‍ക്കോ ഉണ്ടാകുന്ന ഘടനാപരമായ വ്യത്യാസം ഗര്‍ഭഛിദ്രത്തിലേക്ക് നയിക്കാറുണ്ട്. ഗര്‍ഭാശയഭിത്തിയില്‍ ഉണ്ടായേക്കാവുന്ന കാന്‍സര്‍ അല്ലാത്ത മുഴകള്‍ ഉണ്ടാകും. ഫൈബ്രോയ്ഡ്‌സ് എന്നാണ് ഇതിനെ സാധാരണ വിളിക്കുന്നത്. ഇന്ന് ധാരാളം സ്ത്രീകളില്‍ ഈ പ്രശ്‌നം കണ്ടുവരുന്നുണ്ട്. അണ്ഡവാഹിനിക്കുഴല്‍ തുറക്കുന്നതിന് ഫ്രൈബ്രോയ്ഡുകള്‍ തടസ്സം സൃഷ്ടിക്കുകയാണെങ്കില്‍ അത് വന്ധ്യതയ്്ക്കും കാരണമാകാറുണ്ട്. യൂട്ടറിന്‍ കാവിറ്റിയെ വിഭജിക്കുന്ന ഫൈബറസ് ഭിത്തി, അണ്ഡം ഗര്‍ഭാശയത്തില്‍ നിക്ഷേപിക്കപ്പെടുന്നത് ദുര്‍ബലമാകാനും തന്മൂലം എളുപ്പത്തില്‍ ഗര്‍ഭഛിദ്രത്തിനും ഇടയാക്കും.
രോഗബാധ കാരണം: സാധാരണമല്ലെങ്കില്‍ പോലും ശരീരത്തിന് രോഗബാധയുണ്ടാകുമ്പോഴും ഗര്‍ഭഛിദ്രം ഉണ്ടായേക്കാം. ബാക്റ്റീരിയ, വൈറസ്, പാരാസൈറ്റ്‌സ് എന്നിവ ശരീരത്തിലെത്തുമ്പോള്‍ അവ ചിലപ്പോള്‍ ഗര്‍ഭാവസ്ഥയെ ബാധിക്കും. അഞ്ചാംപനി, യൂറിയപ്ലാസ്മ എന്നീ അസുഖങ്ങളും ഗര്‍ഭഛിദ്രത്തിന് കാരണമാകാം.
അന്ധശ്രാവിഗ്രന്ധിയുടെ തകരാര്‍: ഒന്നിലേറെ മറ്റേര്‍ണല്‍ ഹോര്‍മോണുകളുടെ പരസ്പരപ്രവര്‍ത്തനമാണ് ഗര്‍ഭത്തിന്റെ ആദ്യഘട്ടം. ഈ പരസ്പരപ്രവര്‍ത്തനഫലമായാണ് ഭ്രൂണത്തിന് ശരിയായ രീതിയില്‍ വളരാന്‍ സാധിക്കുന്നത്. എന്നാല്‍ ആര്‍ത്തവസംബന്ധമായ പ്രശ്‌നങ്ങളോ പോളിസിസ്റ്റിക് ഓവറി ഡിഡീസ് ഉണ്ടെങ്കിലോ നേരത്തെയുള്ള ഗര്‍ഭധിദ്രത്തിന് ഇടയാക്കിയേക്കാം.
പാരിസ്ഥിതിക പ്രശ്‌നങ്ങള്‍: ആരോഗ്യത്തിന് ഹാനികരമായ മരുന്നുകള്‍, ആല്‍ക്കഹോള്‍, പുകവലി, കഫേന്റെ അമിതോപയോഗം, മാനസിക സമ്മര്‍ദ്ദം എന്നിവ ഭ്രൂണവളര്‍ച്ചയെ ബാധിക്കാറുണ്ട്.
അസാധാരണമായ ഹോര്‍മോണ്‍ തോതുകള്‍: തൈറോയ്ഡ്, അഡ്രനല്‍ ഗ്രന്ഥി പ്രശ്‌നങ്ങള്‍, ഡയബെറ്റിക് എന്നിവ ഗര്‍ഭഛിദ്രം ഉണ്ടാകാനുള്ള കാരണങ്ങളില്‍ പെടുത്താം. അബോര്‍ഷന്‍, ഇതു വായിച്ചു തീരുമാനിയ്ക്കൂ
Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.
Continue with Google
