പുകവലി വരുത്തും രോഗങ്ങള്‍

പുകവലി വരുത്തും രോഗങ്ങള്‍

ക്യാന്‍സറാണ് പുകവലി വരുത്തി വയ്ക്കുന്ന വലിയൊരു രോഗം. തൊണ്ട, വായ, ലംഗ്‌സ് ക്യാന്‍സര്‍ സാധ്യത പുകവലിക്കുന്നവര്‍ക്കു കൂടുതലാണെന്നു പറയാം. ഇതിനു പുറമെ ശരീരത്തിന്റെ ഏതു ഭാഗത്തെ വേണമെങ്കിലും ക്യാന്‍സര്‍ ബാധിക്കാന്‍ പുകവലിയ്ക്കുന്നവര്‍ക്ക് സാധ്യത കൂടുതലാണ്.

പുകവലി വരുത്തും രോഗങ്ങള്‍

ശ്വാസം മുട്ടല്‍, ബ്രോങ്കൈറ്റിസ് തുടങ്ങിയ രോഗങ്ങള്‍ക്കും പുകവലി കാരണമാകും. നിക്കോട്ടിന്‍ സാധാരണമായുള്ള ശ്വസനപ്രക്രിയയെ തടയും.

പുകവലി വരുത്തും രോഗങ്ങള്‍

ഹൃദയസംബന്ധമായ അസുഖങ്ങള്‍ക്കും പുകവലി വഴി വയ്ക്കും. കൊളസ്‌ട്രോള്‍ തോത് ഉയരുന്നത് പുകവലി കാരണമാകും. ഇത് രക്തപ്രവാഹത്തെ തടസപ്പെടുത്തും. ഹൃദയാഘാത സാധ്യത വര്‍ദ്ധിക്കും.

പുകവലി വരുത്തും രോഗങ്ങള്‍

സ്ത്രീയുടേയും പുരുഷന്റേയും പ്രത്യുല്‍പാദന ശേഷിയെ പുകവലി ദോഷകരമായി ബാധിയ്ക്കും. വന്ധ്യതയ്ക്കു വരെ കാരണമായേക്കാവുന്ന ഒരു ദുശീലമാണിത്.

പുകവലി വരുത്തും രോഗങ്ങള്‍

അല്‍ഷീമേഴ്‌സ് പോലുള്ള രോഗങ്ങള്‍ക്കും പുകവലി കാരണമാകും. നിക്കോട്ടിന്‍ തലച്ചോറിനെ ബാധിയ്ക്കുന്നതാണ് ഇതിന് കാരണം.

പുകവലി വരുത്തും രോഗങ്ങള്‍

അണുബാധകള്‍ക്കും പുകവലി കാരണമാകും. സൈനസൈറ്റിസ്, ന്യൂമോണിയ പോലുള്ള രോഗങ്ങള്‍ പെട്ടെന്നു പിടികൂടാന്‍ ഈ ശീലം കാരണമാകും. ലംഗ്‌സിലും ശ്വാസകോശത്തിലും നിക്കോട്ടിന്‍ അവശിഷ്ടങ്ങള്‍ അടിഞ്ഞു കൂടുന്നതാണ് ഇതിന് കാരണം.

പുകവലി വരുത്തും രോഗങ്ങള്‍

വന്ധ്യതയ്ക്കു പുറമെ പുകവലിയ്ക്കുന്ന സ്ത്രീയ്ക്കുണ്ടാകുന്ന കുഞ്ഞിന് ശരീരഭാരം കുറയാന്‍ സാധ്യതയുണ്ട്. ഇത് പുക ശ്വസിക്കുന്നവര്‍ക്കുണ്ടാകുന്ന കുഞ്ഞുങ്ങള്‍ക്കുമുണ്ടാകാം.

പുകവലി വരുത്തും രോഗങ്ങള്‍

ആരോഗ്യത്തിനു മാത്രമല്ല, സൗന്ദര്യത്തിനു പുകവലി ദോഷം വരുത്തും. ചുണ്ടുകള്‍ കറുക്കും. രക്തസഞ്ചാരം കുറയുന്നതു കൊണ്ട് ചര്‍മം കരുവാളിക്കാനും സാധ്യത കൂടുതലാണ്.

പുകവലി വരുത്തും രോഗങ്ങള്‍

നിക്കോട്ടിന്‍ പല്ലുകളുടെ ആരോഗ്യത്തെയും ദോഷകരമായി ബാധിയ്ക്കുന്ന ഒന്നാണ്. ഇത് പല്ലുകള്‍ കേടു വരുന്നതിനും കറുക്കുന്നതിനും ഇട വരുത്തും.