ജലദോഷത്തിന് ചില പ്രതിവിധികള്‍

വെള്ളം

ധാരാളം വെള്ളം, പ്രത്യേകിച്ചും ചൂടുവെള്ളം കുടിയ്ക്കുക. ഇത് വളരെ പ്രധാനം. കാരണം ജലദോഷമുള്ളപ്പോള്‍ ശരീരത്തില്‍ നിന്നും ജലനഷ്ടമുണ്ടാകാനുള്ള സാധ്യത വളരെക്കൂടുതലാണ്. ഇതു തടയാനുള്ള ഒരു വഴിയാണിത്.

ആവി പിടിയ്ക്കുന്നത്

ആവി പിടിയ്ക്കുന്നത് ജലദോഷത്തില്‍ നിന്നുള്ള മറ്റൊരു പരിഹാരമാര്‍ഗമാണ്. ഇത് കഫം പുറന്തുള്ളുവാനുള്ള നല്ലൊരു വഴിയാണ്.

മൂക്കു ചീറ്റുക

മൂക്കു ചീറ്റുക. ഇത് കുട്ടികളെ സംബന്ധിച്ചിടത്തോളം ഇത് അല്‍പം ബുദ്ധിമുട്ടാണെങ്കിലും കഫം പുറത്തു കളയാനുള്ള നല്ലൊരു വഴിയാണിത്.

ഉപ്പ്‌

ചൂടുവെള്ളത്തില്‍ അല്‍പം ഉപ്പു കലര്‍ത്തി കുടിയ്ക്കുന്നത് ജലദോഷത്തിനുള്ള മറ്റൊരു പരിഹാരമാര്‍ഗമാണ്. മൂക്കില്‍ സലൈന്‍ ഡ്രോപ്പുകളൊഴിയ്ക്കുന്നതും പരിഹാരമാണ്.

ചൂടു നല്‍കുക

ശരീരത്തിന് ചൂടു നല്‍കുകയെന്നതാണ് മറ്റൊരു വഴി. തലയില്‍ തൊപ്പിയോ മങ്കി ക്യാപ്പോ ധരിയ്ക്കുന്നത് ഗുണം ചെയ്യും.

ചൂടുകാപ്പി, സൂപ്പ്,

ചൂടുകാപ്പി, സൂപ്പ്, ചൂടുള്ള ഉപ്പിട്ട കഞ്ഞിവെള്ളം എന്നിവയെല്ലാം ജലദോഷത്തില്‍ നിന്നും ആശ്വാസം നല്‍കാനുള്ള മറ്റു വഴികളാണ്.

ചെറുനാരങ്ങ

ചെറുചൂടുവെള്ളത്തില്‍ ചെറുനാരങ്ങ പിഴിഞ്ഞൊഴിച്ചു കുടിയ്ക്കുന്നത് ഗുണം ചെയ്യും. ഇതിലെ വൈറ്റമിന്‍ സി ശരീരത്തിന് പ്രതിരോധശേഷി നല്‍കാനും സഹായിക്കും.

മസാലകള്‍

ഇഞ്ചി, മഞ്ഞള്‍പ്പൊടി, കുരുമുളക്, വെളുത്തുള്ളി തുടങ്ങിയ മസാലകള്‍ ജലദോഷത്തില്‍ നിന്നും ആശ്വാസം നല്‍കും. ഇവ കഴിയ്ക്കുക.

ഹോട്ട് ബാഗ്‌

നെറ്റിയില്‍ ചൂടുവെള്ളത്തില്‍ മുക്കിപ്പിഴിഞ്ഞ തുണി വയ്ക്കുന്നതും ചൂടു പിടിയ്ക്കുന്നതുമെല്ലാം ജലദോഷത്തില്‍ നിന്നും ആശ്വാസം നല്‍കും.