വെള്ളം കുടിയുടെ ആരോഗ്യവശങ്ങള്‍

1. ശരീരത്തിലെ ദ്രവങ്ങള്‍

ശരീരത്തിന്‍റെ 60 ശതമാനവും ജലമാണ്. ദഹനം, രക്തചംക്രമണം, ഉമിനീര്, പോഷകങ്ങളുടെ വ്യാപനം, ശരീരത്തിന്‍റെ താപനില നിയന്ത്രണം എന്നിവയൊക്കെ ജലത്തെ ആധാരമാക്കിയാണ് നടക്കുന്നത്.

2. കലോറി നിയന്ത്രണം

പലരും തിരിച്ചറിയാത്ത ഒരു ഗുണമാണ് ജലമുപയോഗിച്ച് ശരീരഭാരം കുറയ്ക്കാമെന്നത്. ഏറെയാളുകള്‍ ജലത്തെ ശരീരഭാരം കുറയ്ക്കാനുള്ള ഉപാധിയാക്കുന്നുണ്ട്. വെള്ളം ധാരാളം കുടിക്കുക വഴി കലോറി അല്പം പോലും ശരീരത്തിലെത്താതെ വിശപ്പ് മാറുകയും, അതിനൊപ്പം ദഹനം സുഗമമാകുകയും ചെയ്യുന്നു.

3. ഹങ്ങോവര്‍

മദ്യപാനികള്‍ ദിവസവും നേരിടുന്ന പ്രശ്നമാണ് ഹാങ്ങോവര്‍. ശരീരത്തിലെ ജലാംശം നഷ്ടപ്പെടുന്നത് മൂലമാണ് ഇത് സംഭവിക്കുന്നത്. ധാരാളം വെള്ളം കുടിച്ചാല്‍ ഈ പ്രശ്നം പരിഹരിക്കാം.

4. ഊര്‍ജ്ജം

വെള്ളത്തില്‍ പോഷകഘടകങ്ങളൊന്നുമില്ലെങ്കിലും ഇതിന്‍റെ അഭാവം നിങ്ങള്‍ക്ക് മന്ദതയും, ക്ഷീണവുമുണ്ടാക്കും. ശാരീരികക്ഷീണത്തെയും, ഉറക്കംതൂങ്ങലിനെയും മറികടക്കാനുള്ള മാര്‍ഗ്ഗമാണ് വെള്ളം കുടിക്കുക എന്നത്. തണുത്ത വെള്ളം കുടിക്കുന്നത് വഴി ശരീരത്തിന് ഊര്‍ജ്ജം ലഭിക്കുകയും അതോടൊപ്പം അമിതമായ കലോറി ഇല്ലാതാകുന്നതിനാല്‍ ശരീരത്തിന്‍റെ താപനില കുറയാനും സഹായിക്കും.

5. ചര്‍മ്മകാന്തി

ചര്‍മ്മത്തിലൂടെ ജലാംശം വിയര്‍പ്പ് രൂപത്തില്‍ പുറന്തള്ളുകയും, ഒരു സംരക്ഷണ പാളി എന്ന നിലയില്‍ ജലം ആഗിരണം ചെയ്യുകയും ചെയ്യും. ആവശ്യത്തിന് വെള്ളം ലഭിക്കാതെ വന്നാല്‍ ചര്‍മ്മത്തില്‍ ചുളിവുകള്‍ ഉണ്ടാകാനിടയാകും.

6. വൃക്കകളുടെ സംരക്ഷണം

ശരീരത്തിലെ ദ്രവങ്ങള്‍ കോശങ്ങളില്‍ നിന്ന് മാലിന്യങ്ങള്‍ പുറത്തേക്ക് കൊണ്ടുപോകുന്നു. ഇത്തരത്തിലുള്ള പ്രധാന മാലിന്യം വെള്ളത്തില്‍ ലയിക്കുന്ന യൂറിയ നൈട്രജനാണ്. ഇത് വൃക്കയിലൂടെ മൂത്രം വഴി പുറന്തള്ളപ്പെടുന്നു. ഈ പ്രവര്‍ത്തനം സുഗമമാക്കാന്‍ ജലം അത്യാവശ്യമാണ്.

7. മലബന്ധം തടയുന്നു

ശരിയായ വിധത്തില്‍ മലവിസര്‍ജ്ജനം നടക്കുന്നതിന് ആവശ്യത്തിന് ജലാംശം ശരീരത്തിലുണ്ടാവണം. ജലം ഫൈബറുകളെ ഒരു ചൂലെന്ന പോലെ ചലിപ്പിച്ച് കുടലിന്‍റെ പ്രവര്‍ത്തനം സുഗമമാക്കുകയും മലബന്ധം തടയുകയും ചെയ്യുന്നു.

8. വിഷാംശങ്ങളുടെ പുറന്തള്ളല്‍

ശരീരത്തിലുള്ള വിഷാംശങ്ങളെ പുറന്തള്ളാന്‍ ജലം ആവശ്യമാണ്. ശരീരത്തിലുത്പാദിപ്പിക്കപ്പെട്ട് അടിഞ്ഞ് കൂടുന്ന വിഷാംശങ്ങളെ ജലമാണ് പലരൂപങ്ങളില്‍ പുറന്തള്ളുന്നത്.

9. പേശികള്‍

ശരീരത്തിലെ പേശികളുടെ ചലനം സുഗമമാക്കുന്നതിന് ഏറെ ജലാംശം ആവശ്യമുണ്ട്. പേശികളുടെ ചലനം സുഗമമാക്കാന്‍ ജലം ഒരു എഞ്ചിന്‍ ഓയില്‍ പോലെ പ്രവര്‍ത്തിക്കുന്നു.

10. സന്ധികള്‍

ശരീരത്തിലെ സന്ധികളെ ആരോഗ്യത്തോടെയും ചലനക്ഷമമായും നിലനിര്‍ത്താന്‍ വെള്ളം വേണമെന്ന് പലര്‍ക്കും അറിവുള്ളതല്ല. സന്ധികള്‍ക്ക് കരുത്തും വഴക്കവും നല്കി ദീര്‍ഘായുസ് ലഭിക്കാന്‍ അവക്ക് ജലാംശം അത്യന്താപേക്ഷിതമാണ്.