പനിക്കും കോള്‍ഡിനും വീട്ടുവൈദ്യം

ഇത്തരം കാലാവസ്ഥളിലെ അസുഖത്തെ ചെറുക്കാന്‍ ചൂടുള്ള പാനീയങ്ങള്‍ വളരെ ഗുണം ചെയ്യും. തിളപ്പിച്ച വെള്ളമോ ഗ്രീന്‍ ടീ, ഹെര്‍ബല്‍ ടീ എന്നിവയും ഉപയോഗിക്കാം. സൂപ്പുകള്‍ അസുഖം വന്നാലും ക്ഷീണം തോന്നാതിരിക്കാനുള്ള നല്ലൊരു വഴിയാണ്. കുരുമുളകു കാപ്പി, ഇഞ്ചിച്ചായ തുടങ്ങിയവ നല്ലതാണ്.

തേന്‍ നല്ലൊരു രോഗസംഹാരിയാണ്. ചുമ കാരണം രാത്രി ഉറങ്ങാന്‍ പറ്റുന്നില്ലെങ്കില്‍ കിടക്കും മുന്‍പ് ഒരു സ്പൂണ്‍ തേന്‍ കഴിച്ചാല്‍ മതി. പ്രത്യേകിച്ചും കുട്ടികള്‍ക്ക് ഇത് നല്ലൊരു മരുന്നായിരിക്കും. എന്നാല്‍ ഒരു വയസിന് താഴെയുള്ള കുട്ടികള്‍ക്ക് ഇത് നല്‍കരുത്.

തൊണ്ടയിലെ അസ്വസ്ഥതകള്‍ മാറ്റുവാന്‍ ചെറുചൂടുള്ള ഉപ്പുവെള്ളം ഗാര്‍ഗിള്‍ ചെയ്യുന്നത് വളരെ നല്ലതാണ്. തൊണ്ടയിലെ അണുബാധക്ക് ഏറ്റവും ചേര്‍ന്ന മരുന്നാണിത്.

ആവി പിടിക്കുന്നതും നേസല്‍ ഡ്രോപ്പുകള്‍ ഉപയോഗിക്കുന്നതും മൂക്കടപ്പു കുറയ്ക്കും. കിടക്കാന്‍ പോകുന്നതിന് മുന്‍പ് ഇത്തരം മാര്‍ഗങ്ങള്‍ ഉപയോഗിക്കുന്നതാണ് നല്ലത്.

ധാരാളം വെള്ളം കുടിയ്‌ക്കേണ്ടത് അത്യാവശ്യമാണ്. മഞ്ഞുകാലം ശരീരത്തില്‍ നിന്നു ജലം നഷ്ടപ്പെടുത്തുന്ന ഒരു സമയം കൂടിയാണ്. ശാരീരികപ്രവര്‍ത്തനങ്ങള്‍ക്ക് ആവശ്യമായ വെള്ളം ലഭിക്കാതെ വന്നാലും അസുഖങ്ങളുണ്ടാകും.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.