മെക്‌സിക്കന്‍ യൂത്തിന് കോണ്ടം ഇഷ്ടമില്ല

മെക്‌സിക്കോയുടെ നാഷണല്‍ യൂത്ത് സര്‍വേയിലാണ് യുവാക്കള്‍ക്ക് ഗര്‍ഭനിരോധന മാര്‍ഗമായി കോണ്ടം ഉപയോഗിക്കാന്‍ വിമുഖതയുണ്ടെന്ന് കണ്ടെത്തിയത്.

സര്‍വ്വേയില്‍ പങ്കെടുത്ത 95 ശതമാനം പുരുഷന്മാര്‍ക്കും 89 ശതമാനം സ്ത്രീകള്‍ക്കും ജനനനിയന്ത്രണമാര്‍ഗങ്ങളെക്കുറിച്ച് അറിയാമെങ്കിലും ഇതില്‍ 25 ശതമാനംപേര്‍ കോണ്ടം ഉപയോഗിക്കുന്നതില്‍ വിമുഖത പ്രകടിപ്പിക്കുന്നുവെന്നാണ് കണ്ടെത്തിയത്.

കോണ്ടം ഉപയോഗിക്കുന്നതുമൂലം യഥാര്‍ത്ഥമായ ലൈംഗികാനുഭൂതി ലഭിക്കില്ലെന്നാണ് ഇവരുടെ അഭിപ്രായം. 10 ദമ്പതിമാരില്‍ ആറുപേരും കോണ്ടം ഉപയോഗിച്ചും അല്ലാതെയുമുള്ള ജനനനിയന്ത്രണമാര്‍ഗങ്ങളെക്കുറിച്ച് യോജിച്ച തീരുമാനമെടുക്കുമ്പോള്‍ 15 ശതമാനംപേര്‍ ജനനനിയന്ത്രണമാര്‍ഗങ്ങളെ അനുകൂലിക്കുന്നില്ല.

സുരക്ഷിതമല്ലാത്ത ലൈംഗികബന്ധം വഴി മെക്‌സിക്കോക്കാരില്‍ എയ്ഡ്‌സ് ബാധ കൂടുന്നതായി അടുത്തിടെ കൂടുതതായി റിപ്പോര്‍ട്ട് ഉണ്ടായിരുന്നു. ഇതിന്റെ പശ്ചാത്തലത്തില്‍ സര്‍വേയിലെ കണക്കുകള്‍ വളരെ പ്രാധാന്യമര്‍ഹിക്കുന്നുവെന്ന് സര്‍വേ ചൂണ്ടിക്കാട്ടുന്നു

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.