ഹൃദയാരോഗ്യത്തിന് ചില വഴികള്‍

ഭക്ഷണം

വറുത്ത ഭക്ഷണങ്ങള്‍ രുചികരമെങ്കിലും ഹൃദയാരോഗ്യത്തിന് ഏറെ ദോഷകരമാണ്. ഇത്തരം ഭക്ഷണങ്ങള്‍ ഒഴിവാക്കുക തന്നെ വേണം.

കൊളസ്‌ട്രോള്‍

കൊളസ്‌ട്രോള്‍ രണ്ടു തരമുണ്ട്. എച്ച്ഡിഎല്‍ കൊളസ്‌ട്രോളും എല്‍ഡിഎല്‍ കൊളസ്‌ട്രോളും. എല്‍ഡിഎല്‍ കൊളസ്‌ട്രോള്‍ ചീത്ത കൊളസ്‌ട്രോളാണ്. ഹൃദയത്തിന് ദോഷകരമായ ഒന്ന്. ഇത് ഒഴിവാക്കുക. നല്ല കൊളസ്‌ട്രോളായ എച്ച്ഡിഎല്‍ കൊളസ്‌ട്രോള്‍ തോത് വര്‍ദ്ധിപ്പിക്കുക.

ശരീരഭാരം

തടി കൂടുന്തോറും അസുഖങ്ങളും കൂടും. ഹൃദയപ്രശ്‌നങ്ങള്‍ക്ക് സാധ്യത കൂടും. ശരീരഭാരം നിയന്ത്രിക്കാന്‍ ശ്രമിക്കുക.

വ്യായാമം

നല്ല വ്യായാമം വളരെ പ്രധാനം. ഇത് ശരീരത്തിന്റെ ആരോഗ്യത്തിനും ഒപ്പം ഹൃദയാരോഗ്യത്തിനും ഗുണം ചെയ്യും. അസുഖങ്ങളെ ഒരു പരിധി വരെ ഒഴിവാക്കാന്‍ വ്യായാമത്തിനു കഴിയും. കാര്‍ഡിയോ വ്യായാമങ്ങള്‍ ഹൃദയാരോഗ്യത്തിന് മികച്ചവയാണ്.

പുകവലി

പുകവലി ഹൃദയസംബന്ധമായ പ്രശ്‌നങ്ങള്‍ വര്‍ദ്ധിക്കാന്‍ ഇട വരുത്തും. ഹൃദയത്തെയും ഒപ്പം ലംഗ്‌സിനേയും ഇത് ബാധിയ്ക്കും.

സ്‌ട്രെസ്

സ്‌ട്രെസ്, ഡിപ്രഷന്‍ എന്നിവ ഹൃദയാരോഗ്യത്തെ ദോഷകരമായി ബാധിയ്ക്കും. ഇവ നിയന്ത്രിക്കുവാന്‍ യോഗ പോലുള്ളവ അഭ്യസിക്കുക.

വൈന്‍

ഹൃദയാരോഗ്യത്തിന് ചുവന്ന വൈന്‍ മികച്ചതാണ്. ഇത് അല്‍പം കുടിയ്ക്കുന്നത് നല്ല കൊളസ്‌ട്രോള്‍ തോത് വര്‍ദ്ധിപ്പിക്കാന്‍ സഹായിക്കും. എ്ന്നാല്‍ ഉപയോഗം മിതമാക്കുക.

ഉപ്പ്‌

ഉപ്പിന്റെ ഉപയോഗം കുറയ്ക്കുക. ഇത് ബിപി കൂട്ടും. ഹൃദയത്തെ ദോഷകരമായ ബാധിയ്ക്കുകയും ഹൃദയാഘാതത്തിനു വരെ വഴി വയ്ക്കുകയും ചെയ്യുന്ന ഒന്നാണ് ബിപി.

ട്രൈ ഗ്ലിസറൈഡുകള്‍

കൊളസ്‌ട്രോള്‍ പോലെ ഹൃദയാരോഗ്യത്തിനു ദോഷകരമായ ഒന്നാണ് ട്രൈ ഗ്ലിസറൈഡുകള്‍. ട്രാന്‍സ്ഫാറ്റടങ്ങിയ ഭക്ഷണങ്ങള്‍ ഒഴിവാക്കണം. ഇവയില്‍ ട്രൈ ഗ്ലിസറൈഡുകള്‍ ധാരാളം അടങ്ങിയിട്ടുണ്ട്.

തൈറോയ്ഡ്

തൈറോയ്ഡ് കാര്‍ഡിയോ വാസ്‌കുലാന്‍ രോഗങ്ങള്‍ക്കുള്ള സാധ്യത വര്‍ദ്ധിപ്പിക്കും. ഇവ അയോട്ടയെ കൂടുതല്‍ കട്ടിയുള്ളതാക്കും. സ്ത്രീകളിലാണ് തൈറോയ്ഡ് ഹൃദയപ്രശ്‌നങ്ങള്‍ക്കുള്ള സാധ്യത വര്‍ദ്ധിപ്പിക്കുന്നത്.