ആര്‍ത്തവ കാലത്ത് വിലക്കു വീണ ഭക്ഷണങ്ങള്‍....

ഐസ്‌ക്രീം

വളരെ കംഫര്‍ട്ട് ആയ ഭക്ഷണം എന്ന നിലയ്ക്കാണ് ഐസ്‌ക്രീം പലരും തിരഞ്ഞെടുക്കുന്നത്. ഏത് കാലാവസ്ഥയിലും ഏത് പ്രായക്കാര്‍ക്കും കഴിക്കാമെന്നതും ഐസ്‌ക്രീമിന്റെ പ്രത്യേകതയാണ്. ഐസ്‌ക്രീമില്‍ അടങ്ങിയിട്ടുള്ള മഝുരം ആര്‍ത്തവ കാലങ്ങളില്‍ ഭക്ഷണത്തോട് ആര്‍ത്തി വര്‍ദ്ധിപ്പിക്കുമെന്നുള്ളതാണ് പ്രശ്‌നം.

കാപ്പിക്കും നിരോധനം

ആര്‍ത്തവ സമയങ്ങളില്‍ കാപ്പി കുടിയ്ക്കുന്നത് നല്ലതല്ലെന്നാണ് ഒരു കൂട്ടം ആരോഗ്യവിദഗ്ധര്‍ പറയുന്നത്. ഈ സമയത്ത് കാപ്പി കുടിയ്ക്കുന്നത് ഡിപ്രഷനും മാനസിക സമ്മര്‍ദ്ദത്തിനും ഇടയാക്കും എന്നാണ് പറയുന്നത്.

ഉപ്പ്

ഉപ്പില്ലാതെ ഒരു നേരം പോലും ഭക്ഷണം കഴിക്കാന്‍ നമുക്ക് കഴിയില്ല. എന്നാല്‍ ആര്‍ത്തവ സമയങ്ങളില്‍ ഉപ്പിന്റെ ഉപയോഗം രക്തസമ്മര്‍ദ്ദത്തെ നേരിയ തോതിലെങ്കിലും ഉയര്‍ത്തുമെന്നാണ് പറയുന്നത്.

വൈറ്റ്‌റൈസ്

വൈറ്റ് റൈസ് ഉപയോഗിക്കുന്നവരാണ് ഇന്ന്് നമ്മളില്‍ പലരും. എന്നാല്‍ പലപ്പോഴും വൈറ്റ്‌റൈസ് ആരോഗ്യ പ്രശ്‌നങ്ങളുണ്ടാക്കുമെന്നാണ് പറയപ്പെടുന്നത്. ഇത് ആര്‍ത്തവം നീണ്ടു നില്‍ക്കാന്‍ പലപ്പോഴും കാരണമാകും.

ജങ്ക് ഫുഡ്

ജങ്ക് ഫുഡ് ആര്‍ത്തവ സമയത്ത് എന്നല്ല ഏത് സമയത്തും കഴിക്കുന്നത് നല്ലതല്ല. എന്നാല്‍ ആര്‍ത്തവ സമയത്തുണ്ടാകുന്ന വേദന വര്‍ദ്ധിപ്പിക്കാന്‍ ജങ്ക്ഫുഡ് കാരണമാകുന്നു.

വെണ്ണയും പാല്‍ക്കട്ടിയും

വെണ്ണയും പാല്‍ക്കട്ടിയുമാണ് മറ്റൊരു നിരോധിത ഭക്ഷണം. ഇത്തരത്തിലുള്ള ഭക്ഷണം കഴിക്കുന്നത് ശാരീരികോഷ്ണത്തിന് കാരണമാകും.

കേക്കിനും വിലക്ക്

കേക്ക് പോലുള്ള മറ്റു ബേക്കഡ് ഫുഡ് കഴിക്കുന്നതും ആര്‍ത്തവ സമയത്ത് നല്ലതല്ല. ഇതിലടങ്ങിയിട്ടുള്ള പഞ്ചസാരയുടെ അളവ് ശരീരത്തിലെ ഈസ്ട്രജന്റെ അളവ് വര്‍ദ്ധിപ്പിക്കുന്നു.

പഞ്ചസാര

പഞ്ചസാര ഉപയോഗിക്കുന്നതും അല്‍പം കുറയ്ക്കുന്നത് നല്ലതാണ്. പഞ്ചസാര എനര്‍ജി ലെവല്‍ ഉയര്‍ത്തുമെന്നുള്ളത് ശരി തന്നെയാണ് എന്നാല്‍ ആര്‍ത്തവ സമയത്ത് പഞ്ചസാര ഉപയോഗിക്കുന്നത് മറ്റ് ആരോഗ്യ പ്രശ്‌നങ്ങള്‍ക്ക് കാരണമാകുന്നു.

മദ്യം

സ്ത്രീകളില്‍ പലരും മദ്യം ഉപയോഗിക്കുന്നവരാണ്. ഇത്തരത്തില്‍ മദ്യം ഉപയോഗിക്കുന്നത് ആര്‍ത്തവ കാലം കൂടുതല്‍ പ്രശ്‌നത്തിലാക്കുന്നു. ഇത് നമ്മുടെ മാനസിക നിലയേയും ശാരീരിക നിലയേയും അവതാളത്തിലാക്കുന്നു.