പ്രമേഹമൊഴിവാക്കാന്‍ ചിട്ടകള്‍

കാര്‍ബോഹൈഡ്രേറ്റ്‌

കാര്‍ബോഹൈഡ്രേറ്റിന്റെ അളവു നിയന്ത്രിയ്ക്കുക. കൃത്യമായ അളവു കാത്തു സൂക്ഷിയ്ക്കുക. ഉദാഹരണത്തിന് രാത്രി ചോറു കഴിയ്ക്കുകയാണെങ്കില്‍ ഉരുളക്കിഴങ്ങ് ഒഴിവാക്കുക. ഇതേ രീതിയില്‍ നിയന്ത്രണം വയ്ക്കണം. പകരം പച്ചക്കറികളോ അനുവദനീയമായ പഴങ്ങളോ കഴിയ്ക്കാം.

തടി

തടി നിയന്ത്രിയ്ക്കാന്‍ ശ്രമിയ്ക്കുക. തടി കൂടുന്നത് പ്രമേഹത്തിലേയ്ക്കുള്ള പടിവാതിലാണ്.

ഉറക്കം

ആവശ്യത്തിനുള്ള ഉറക്കം പ്രമേഹം നിയന്ത്രിയ്ക്കാനുള്ള ഒരു പ്രധാന വഴിയാണ്. ദിവസം ഏഴെട്ടു മണിക്കൂറെങ്കിലും ഉറങ്ങുക. ഇത് രക്തത്തിലെ ഗ്ലൂക്കോസ് തോത് നിയന്ത്രിയ്ക്കാന്‍ പ്രധാനമാണ്.

സ്‌ട്രെസ്

സ്‌ട്രെസ് പ്രമേഹത്തിനുള്ള ഒരു പ്രധാന കാരണമാണ്. ഇത് ഒഴിവാക്കുക.

പുകവലി

പുകവലി മറ്റു രോഗങ്ങള്‍ക്കു മാത്രമല്ല, പ്രമേഹത്തിനും അനുകൂലമായ അന്തരീക്ഷമൊരുക്കുന്നു. പുകവലി ഉപേക്ഷിയ്ക്കുക.

ഉപ്പ്

ഉപ്പ് ബിപി കൂട്ടും. ഇതുവഴി രക്തത്തിലെ ഗ്ലൂക്കോസ് തോതും വര്‍ദ്ധിപ്പിയ്ക്കും. ഉപ്പിന്റെ ഉപയോഗം കുറയ്ക്കുക.

ആള്‍ക്കഹോള്‍ ഉപയോഗം

ആള്‍ക്കഹോള്‍ ഉപയോഗം കുറയ്ക്കുക. ഇതും പരോക്ഷമായി പ്രമേഹത്തിലേയ്ക്കു നയിക്കും.

കഴിയ്ക്കുന്ന ഭക്ഷണങ്ങള്‍

കഴിയ്ക്കുന്ന ഭക്ഷണങ്ങള്‍ ശ്രദ്ധയോടെ തെരഞ്ഞെടുക്കുക. ഒമേഗ 3 ഫാറ്റി ആസിഡുകള്‍, നാരുകളടങ്ങിയ ഭക്ഷണങ്ങള്‍ എന്നിവ കഴിയ്ക്കുക. മധുരവും എണ്ണയില്‍ വറുത്തതും പ്രോസസ്ഡ് ഭക്ഷണങ്ങളുമെല്ലാം ഒഴിവാക്കുകയും ചെയ്യുക.

രക്തത്തിലെ ഗ്ലൂക്കോസ്

രക്തത്തിലെ ഗ്ലൂക്കോസ് തോത് കൃത്യമായി പരിശോധിയ്ക്കുക. ഇതിന്റെ അളവു കൂടുകയാണെങ്കില്‍ നിയന്ത്രിയ്ക്കാനുള്ള വഴികള്‍ തേടാനാകും.

ദിവസവുമുള്ള വ്യായാമം

ദിവസവുമുള്ള വ്യായാമം പ്രമേഹം നിയന്ത്രിയ്ക്കാനുള്ള ഒരു പ്രധാന വഴിയാണ്.

മുന്‍കരുതലുകള്‍

പാരമ്പര്യമായി പ്രമേഹമുള്ളവരെങ്കില്‍ നേരത്തെ തന്നെ ഡോക്ടറെ കണ്ട് സാധ്യതകള്‍ വിലയിരുത്തുകയും പ്രമേഹം തടയാനുള്ള മുന്‍കരുതലുകള്‍ സ്വീകരിയ്ക്കുകയും ചെയ്യുക.