ശരീരം പറയുന്നു, വെള്ളം കുടിയ്ക്കൂ

ദാഹം

ദാഹമനുഭവപ്പെടുകയെങ്കില്‍ നിങ്ങള്‍ കൂടുതല്‍ വെള്ളം കുടിയ്‌ക്കേണ്ടതുണ്ടെന്നു പറയാതെ പറയുകയാണ് ശരീരം ചെയ്യുന്നത്.

വായ വരണ്ടാല്‍

വായ വരണ്ടതായി തോന്നുന്നുവെങ്കില്‍ കൂടുതല്‍ വെള്ളം കുടിയ്ക്കൂ എന്നാണ് ശരീരം പറയുന്നത്.

മഞ്ഞ നിറത്തില്‍ മൂത്രം

കടുത്ത മഞ്ഞ നിറത്തില്‍ മൂത്രം പോകുന്നത് ശരീരത്തിന് ആവശ്യത്തിന് വെള്ളം ലഭിയ്ക്കുന്നതില്ലെന്നതിന്റെ മറ്റൊരു തെളിവാണ്.

കണ്ണുനീര്‍

കരയുമ്പോള്‍ കണ്ണുനീര്‍ വരുന്നില്ലേ, നിങ്ങളുടെ ശരീരത്തില്‍ വെള്ളത്തിന്റെ അളവു കുറവാണ്.

തളര്‍ച്ച

ഊര്‍ജത്തിന്റെ മറ്റൊരു ഉറവിടമാണ് വെള്ളം. തളര്‍ച്ച തോന്നുന്നതിന്റെ ഒരു കാരണം ആവശ്യത്തിന് വെള്ളം ലഭിയ്ക്കാത്തതു തന്നെയായിരിക്കും.

വിശപ്പ്‌

ഭക്ഷണം കഴിച്ചാലും ചിലപ്പോള്‍ വിശപ്പു കുറയുന്നില്ലെന്നു തോന്നിയേക്കാം. ഇത് ചിലപ്പോള്‍ വെള്ളം കുടിയ്ക്കാത്തതു കൊണ്ടായിരിക്കും. ഒരു ഗ്ലാസ് വെള്ളം കുടിച്ചു നോക്കൂ.

വരണ്ട ചര്‍മം

വരണ്ട ചര്‍മം ശരീരത്തില്‍ വെള്ളം കുറവാണെന്നതിന്റെ മറ്റൊരു തെളിവാണ്.

വിയര്‍പ്പ് കുറവ്‌

വെള്ളം കുറയുമ്പോള്‍ വിയര്‍പ്പും കുറയും. ശരീരത്തിന്റെ ചൂടും വിഷാംശവും നീക്കം ചെയ്യാനുള്ള ഒരു വഴി കൂടിയാണിത്.

മസിലുകള്‍ക്ക് വേദന

മസിലുകള്‍ക്ക് വേദനയും വെള്ളം കുറയുമ്പോള്‍ അനുഭവപ്പെടും.

രക്തപ്രവാഹം

രക്തപ്രവാഹം ശരിയായി നടക്കാന്‍ വെള്ളം അത്യാവശ്യമാണ്. ഹൃദയത്തിന്റെ പ്രവര്‍ത്തിനാകട്ടെ, രക്തം അത്യാവശ്യവും. വെള്ളത്തിന്റെ കുറവ് ഇതുവഴി ഹൃദയമിടിപ്പിനേയും ബാധിയ്ക്കും.

ചര്‍മത്തില്‍ ചുളിവ്

ചര്‍മത്തില്‍ ചുളിവ് വീഴാനും വെള്ളംകുറയുന്നത് ഇട വരുത്തും.

മലബന്ധം

മലബന്ധം വെള്ളംകുടിയ്ക്കാത്തിന്റെ ഒരു പ്രധാന ലക്ഷണമാണ്.

ശരീരോഷ്മാവ്

ആവശ്യത്തിന് വെള്ളം ലഭിയ്ക്കാതാകുമ്പോള്‍ ശരീരോഷ്മാവ് പെട്ടെന്നുയരുന്നതായി അനുഭവപ്പെടും.

തലവേദന

തലവേദനയ്ക്കും ശരീരത്തില്‍ വെള്ളത്തിന്റെ അംശം കുറയുന്നത് വഴിയൊരുക്കും.