നിങ്ങള്‍ക്ക് ഡയബെറ്റിസ് മെലിറ്റസ് സാധ്യതയോ?

ഇടയ്ക്കിടെ മൂത്രം ഒഴിക്കല്‍

ഡയബെറ്റിസ് മെലിറ്റസ് ഉള്ളവര്‍ക്ക് ഉണ്ടാകുന്ന ലക്ഷണമാണ് ഇടയ്ക്കിടെ മൂത്രമൊഴിക്കുന്നത്. രാത്രി കിടക്കുമ്പോഴും ജോലി ചെയ്യുമ്പോഴും ഇടയ്ക്കിടെ മൂത്രമൊഴിക്കുന്നു. രക്തത്തിലെ ഗ്ലൂക്കോസ് അളവിലുണ്ടാകുന്ന വ്യത്യാസമാണ് ഇതിനു കാരണം.

അമിതമായ ദാഹം

അമിതമായ ദാഹം പ്രമേഹത്തിന്റെ ആദ്യ ലക്ഷണമാണ്. ശരീരത്തില്‍ നിന്നും വെള്ളം മൂത്രമായി ധാരാളം പുറത്തു പോകുമ്പോള്‍ സാധാരണ വെള്ളം കുടിക്കണമെന്ന തോന്നല്‍ ഉണ്ടാകും. ദാഹം കൂടുകയാണ് പ്രമേഹരോഗിയുടെ പ്രധാന ലക്ഷമം.

അമിതമായ വിശപ്പ്

എപ്പോഴും അനുഭവപ്പെടുന്ന മറ്റൊരു ലക്ഷണമാണ് അമിതമായ വിശപ്പ്. നന്നായി ഭക്ഷണം കഴിച്ചിട്ടും വിശപ്പ് മാറാത്ത ഒരു അവസ്ഥ ഉണ്ടെങ്കില്‍ അറിയുക നിങ്ങള്‍ ഡയബെറ്റിസ് മെലിറ്റസ് രോഗിയാണ്. രക്തത്തിലെ പഞ്ചസാരയുടെ അളവ് കൂടിയും കുറഞ്ഞും വരുന്നതാണ് വിശപ്പിനുള്ള കാരണം.

വായ വരളുക

എങ്ങനെയാണ് നിങ്ങള്‍ ഒരു പ്രമേഹ രോഗിയാണെന്ന് തിരിച്ചറിയുന്നത്. വായയുടെ പ്രവര്‍ത്തനത്തിലൂടെയും ഇത് തിരിച്ചറിയാം. വായ അപ്പോഴും വരളുന്നത് ഇതിന്റെ മറ്റൊരു ലക്ഷണമാണ്. വായ എന്നും വരണ്ടിരിക്കുകയും വെള്ളം കുടിക്കാന്‍ തോന്നുകയും ചെയ്യുന്നു. ഇത് നിങ്ങളുടെ പല്ലിനും മോണയ്ക്കും പ്രശ്‌നങ്ങള്‍ ഉണ്ടാക്കുന്നു.

തൂക്കം

ശരീരത്തിലുണ്ടാകുന്ന വ്യത്യാസമാണ് മറ്റൊരു ലക്ഷണം. പെട്ടെന്ന് തടി കുറയുകയും കൂടുകയും ചെയ്യുന്നു.

ക്ഷീണം

പെട്ടെന്നുള്ള ക്ഷീണവും ഇതിന്റെ സാധ്യതയാണ്. ജോലി ചെയ്യാന്‍പോലും ആകാത്തത്ര ക്ഷീണം ചിലപ്പോള്‍ അനുഭവപ്പെട്ടേക്കാം.

കണ്ണിന്റെ കാഴ്ച

രക്തത്തിലെ പഞ്ചസാരയുടെ തോത് കൂടുമ്പോള്‍ നിങ്ങള്‍ക്ക് കണ്ണിന്റെ കാഴ്ച കുറഞ്ഞേക്കാം. കണ്ണിന് ഒരു മങ്ങല്‍ അനുഭവപ്പെടുന്നു.

തലവേദന

നിങ്ങള്‍ക്ക് കഠിനമായ തലവേദന അനുഭവപ്പെടുന്നുണ്ടോ. എന്നാല്‍ നിങ്ങള്‍ എത്രയും പെട്ടെന്ന് അടുത്തുള്ള ഡോക്ടറെ കണ്ട് പരിശോധിക്കൂ.

മുറിവുകള്‍ ഉണങ്ങാന്‍ കാലതാമസം

ചില മുറിവുകള്‍ ഭേദമാകാന്‍ കാലതാമസമെടുക്കുന്നതും പ്രമേഹത്തിന്റെ മറ്റൊരു ലക്ഷണമാണ്. രക്തത്തില്‍ അളവില്‍ കൂടുതല്‍ പഞ്ചസാര അടങ്ങിയതാണ് ഇതിനു കാരണം.

അണുബാധ

മൂത്രനാളത്തിലെ അണുബാധയും ത്വക്കിന് ചൊറിച്ചിലും മറ്റ് ചില ലക്ഷണങ്ങളാണ്.

കാലുകള്‍

കാലുകളിലെ രക്തയോട്ടത്തില്‍ കുറവ് വരും. അപ്പോള്‍ കാലുകളിലുണ്ടാകുന്ന വ്രണങ്ങള്‍ പഴുക്കുകയും ഉണങ്ങാന്‍ കാലതാമസം ഉണ്ടാകുകയും ചെയ്യുന്നു. കാലുകള്‍ മുറിച്ച് മാറ്റേണ്ട അവസ്ഥ വരെ ഉണ്ടാകുന്നു.

ചര്‍മത്തിലെ മാറ്റം

പ്രമേഹ സാധ്യതയുള്ളവരില്‍ സാധാരണയായി കണ്ടുവരുന്ന ഒരു ത്വക്ക് രോഗമാണ് അക്കാന്തോസിസ് നീഗ്രിക്കന്‍സ്. ഇത് ചര്‍മം ചുളുങ്ങാനും കറുത്തപാടുകള്‍ ഉണ്ടാക്കാനും കാരണമാക്കുന്നു. കഴുത്തിന് താഴെയും, മുഖത്തിലും, വയറിന്റെ ഭാഗത്തും, കക്ഷത്തിലും കാണപ്പെടാം.

ലൈംഗിക പ്രശ്‌നങ്ങള്‍

ലൈംഗിക അവയവങ്ങളിലെ രക്ത ധമനികളെയും നാഡികളെയും നശിപ്പിക്കാന്‍ പ്രമേഹത്തിന് കഴിയുന്നതിനാല്‍ സംവേദനശേഷി കുറഞ്ഞു വരികയും ലൈംഗിക പ്രശ്ങ്ങള്‍ ഉണ്ടാകുകയും ചെയ്യുന്നു. സ്ത്രീകളില്‍ സോനി വരള്‍ച്ചക്കും പുരുഷന്‍മാരില്‍ വന്ധ്യതയ്ക്കും കാരണമാകാം.