മുത്തശ്ശി പറഞ്ഞ മരുന്നുകള്‍..

കൊളസ്‌ട്രോള്‍

ആറ് അല്ലി വെളുത്തുള്ളി ചുട്ട് കിടക്കുന്നതിനുമുന്‍പ് കഴിച്ചാല്‍ വെറും ഒരു മാസത്തിനുള്ളില്‍ കൊളസ്‌ട്രോള്‍ കുറയ്ക്കാന്‍ സാധിക്കും.

രക്തസമ്മര്‍ദ്ദം

രക്തസമ്മര്‍ദ്ദത്തെയും പിടിച്ചപിടിയില്‍ നിര്‍ത്താന്‍ വെളുത്തുള്ളിക്ക് സാധിക്കും.

ജലദോഷം

ചെറുനാരങ്ങാനീരില്‍ മൂന്ന് നുള്ള് രാസ്‌നാദി ചൂര്‍ണം ചാലിച്ച് പഴുത്ത പ്ലാവില കുമ്പിളിലാക്കി ചൂടാക്കുക. ഇത് ചൂടാറിയശേഷം നെഞ്ചില്‍ വയ്ക്കുക. ഒരു മണിക്കൂര്‍ പ്ലാവില വയ്ക്കുക.

ചുമ,കഫക്കെട്ട്

ചുക്ക്, കുരുമുളക്,ഗ്രാമ്പൂ, ഏലയ്ക്ക ഇവ വറുത്തു പൊടിച്ച് അരിച്ചെടുത്ത് കല്‍ക്കണ്ടത്തില്‍ ചേര്‍ത്ത് ഇടയ്ക്കിടെ കഴിക്കുന്നത് നല്ലതാണ്. ഒച്ചയടപ്പിനും ശ്വാസം മുട്ടലിനും നല്ല മരുന്നാണ്.

മൂത്രത്തിലെ പഴുപ്പ്

ചെറൂള എന്നൊരു ഔഷധം ചെറുതായി അരിഞ്ഞ് അര ലിറ്റര്‍ വെള്ളത്തില്‍ തിളപ്പിക്കുക. ഇത് അരിച്ചെടുത്ത് ദിവസവും കുടിച്ചാല്‍ മൂത്രത്തിലെ പഴുപ്പ് മാറികിട്ടും.

ആര്‍ത്തവം

അമിതമായി ആര്‍ത്തവം പോകുന്നത് മറ്റൊരു പ്രശ്‌നമാണ്.

നെല്ലിക്ക കുരു വലുപ്പത്തില്‍ ചന്ദനവും ഒരു ടീസ്പൂണ്‍ തേനും ചേര്‍ത്ത് ആര്‍ത്തവ ദിവസങ്ങളില്‍ രാവിലെ കഴിക്കുക.

കേശ സംരക്ഷണം

ചെമ്പരത്തി താളി ദിവസവും തലയില്‍ തേക്കുക. 10 ദിവസം കൊണ്ട് താരന്‍, മുടി കൊഴിച്ചില്‍, തല ചൊറിച്ചില്‍ എന്നിവയൊക്കെ മാറി കിട്ടും. പണ്ടത്തെ സ്ത്രീകളുടെ മുടി അഴകിന്‍രെ പ്രധാന രഹസ്യം ഇതായിരുന്നു.

പൊണ്ണത്തടി

പത്ത് ഗ്രാം ചുവന്ന വേങ്ങ കാതല്‍ അരലിറ്റര്‍ വെള്ളത്തില്‍ തിളപ്പിച്ച് ചൂടാറിയശേഷം ഒരു ടീസ്പൂണ്‍ തേന്‍ ചേര്‍ത്ത് കഴിക്കുക. ഈ ദിവസങ്ങളില്‍ പകല്‍ ഉറങ്ങാതിരിക്കുക. ഒരുമാസം കൊണ്ട് അഞ്ച് കിലോ തൂക്കം കുറയും.

ശരീരം വണ്ണം വയ്ക്കാന്‍

അശ്വഗന്ധം ഒരു ലിറ്റര്‍ പാലില്‍ പുഴുങ്ങി വറ്റിക്കുക. ഇത് ഉണക്കി പൊടിച്ച ശേഷം ഒരു ടീസ്പൂണ്‍ പൊടി പാലില്‍ കാച്ചി ദിവസവും കുടിക്കുക.