പിങ്കിൽ അതിസുന്ദരിയായി ഭാമ; വിവാഹമേളത്തിന് തുടക്കം

പിങ്ക് ലെഹങ്കയിൽ ഭാമ

പിങ്ക് ലെഹങ്കയണിഞ്ഞാണ് വിവാഹ നിശ്ചയത്തിന് ഭാമ പ്രത്യക്ഷപ്പെട്ടത്. ഇതിൽ അതിസുന്ദരിയായിരുന്നു ഭാമ എന്ന് പ്രത്യേകം പറയേണ്ടതില്ലല്ലോ. ഏത് വസ്ത്രവും തനിക്ക് ചേരും എന്ന് ഭാമ തന്‍റെ ഓരോ സിനിമകളിലും പ്രേക്ഷകർക്ക് വെളിപ്പെടുത്തിയിട്ടുണ്ടായിരുന്നു.

ഡിസൈൻ ചെയ്തത്

കൊച്ചിയിലെ ടി ആന്‍റെ എം ബൈ മരിയ ടിയ മരിയ എന്നിവരാണ് ഭാമക്ക് വേണ്ടി പിങ്ക് നിറത്തിൽ ലെഹങ്ക ഡിസൈൻ ചെയ്തത്. ഭാമയുടെ നാച്ചുറൽ ബ്യൂട്ടി ഒന്ന് കൂടി എടുത്ത് കാണിക്കുന്നതായിരുന്നു ഈ ലെഹങ്ക എന്ന കാര്യം പ്രത്യേകം പറയേണ്ടതില്ലല്ലോ. മിറർ വർക്ക് കൊണ്ട് സുന്ദരമായിരുന്നു ലെഹങ്ക.

ആഭരണങ്ങള്‍ ഇത്രമാത്രം

സ്റ്റോൺ വർക്കിലുള്ള ഒരു കമ്മലായിരുന്നു ആകെ ധരിച്ച ഒരു ആഭരണം. ഇടത് കൈയ്യില്‍ വാച്ചും, വലത് കൈയ്യിൽ ഒരു വലിയ മോതിരവും ആയിരുന്നു എൻഗേജ്മെന്‍റ് ദിനത്തിൽ ഭാമയെ സുന്ദരിയാക്കിയത്. മുടി കേൾ ചെയ്ത് വിടർത്തിയിടുക കൂടി ചെയ്തതോടെ ഈ ലുക്കിൽ ഭാമയോട് കിടപിടിക്കാൻ ആരും ഇല്ലെന്ന് തന്നെ ആരാധക അഭിപ്രായം.

വിവാഹ നിശ്ചയ ചിത്രങ്ങൾ

വിവാഹനിശ്ചയ ചിത്രങ്ങൾ സോഷ്യൽ മീഡിയയില്‍ ഭാമ തന്നെയാണ് പങ്കു വെച്ചിരിക്കുന്നത്. ചെന്നിത്തല സ്വദേശി അരുൺ ആണ് ഭാമയുടെ വരൻ. കൊച്ചിയിൽ സ്ഥിരതാമസമാണ് അരുണും കുടുംബവും. ഭാമയുടെ കുടുംബ സുഹൃത്തുക്കൾ കൂടിയാണ് അരുണിന്‍റെ കുടുംബം. ജനുവരി 30നാണ് വിവാഹം. പ്രണയ വിവാഹമല്ലെന്നും വീട്ടുകാർ പറഞ്ഞുറപ്പിച്ച വിവാഹമാണെന്ന് ഭാമ.