വെളുപ്പു നിറത്തിന് വെളിച്ചെണ്ണയില്‍ നെല്ലിക്കാനീര്

വെളിച്ചെണ്ണ, കറ്റാര്‍ വാഴ ജെല്‍

വെളിച്ചെണ്ണ, കറ്റാര്‍ വാഴ ജെല്‍ എന്നിവ ചര്‍മം വെളുക്കാനും ചെറുപ്പം നല്‍കാനും ഏറെ നല്ലതാണ്. കറ്റാര്‍വാഴയിലെ വൈററമിന്‍ ഇ ഈ ഗുണം നല്‍കുന്നു. വെളിച്ചെണ്ണ, ജെല്‍ കലര്‍ത്തി മുഖത്തു പുരട്ടി അല്‍പം കഴിയുമ്പോള്‍ കഴുകിക്കളയാം. മുഖത്തിന് നിറം മാത്രമല്ല, തിളക്കവും ലഭിയ്ക്കും. ചര്‍മപ്രശ്‌നങ്ങള്‍ക്കുള്ള നല്ലൊരു പരിഹാരവുമാണ്.

ചെറുനാരങ്ങാനീരു

വെളിച്ചെണ്ണ ചെറുതായി ചൂടാക്കി ഇതില്‍ ചെറുനാരങ്ങാനീരു കലര്‍ത്തി പുരട്ടാം. ഇത് നല്ല ബ്ലീച്ചിംഗ് ഇഫക്ട് നല്‍കും.സ്വാഭാവിക ബ്ലീച്ചിംഗ് ഏജന്റാണ് ചെറുനാരങ്ങ. ഇതിലെ വൈറ്റമിന്‍ സി, സിട്രിക് ആസിഡ് എന്നിവ ഏറെ നല്ലതാണ്.

വെളിച്ചെണ്ണ, ചെറുനാരങ്ങാനീര്, തേന്‍, കടലമാവ്

വെളിച്ചെണ്ണ, ചെറുനാരങ്ങാനീര്, തേന്‍, കടലമാവ് എന്നിവയെല്ലാം തന്നെ ചര്‍മം വെളുപ്പിയ്ക്കുന്ന സ്വാഭാവിക ഏജന്റുകളാണ്. വെളിച്ചെണ്ണ, തേന്‍, ചെറുനാരങ്ങാനീര്, ഒരു നുള്ളു കടലമാവ് എന്നിവ കലര്‍ത്തി മുഖത്തു പുരട്ടി അല്‍പം കഴിയുമ്പോള്‍ കഴുകിക്കളയാം.ചര്‍മത്തിനു മൃദുത്വവും തിളക്കവും ലഭിയ്ക്കുകയും ചെയ്യും.

രക്തചന്ദനം

വെളിച്ചെണ്ണയ്‌ക്കൊപ്പം രക്തചന്ദനം അരച്ചു ചേര്‍ത്തു മുഖത്തിടാം. ഇത് അടുപ്പിച്ചു ചെയ്യുന്നത് മുഖത്തിന് നിറം നല്‍കുമെന്നു മാത്രമല്ല, മുഖത്തെ പിഗ്മന്റേഷനുളള നല്ലൊരു പരിഹാരം കൂടിയാണിത്. രക്തചന്ദനം ചര്‍മത്തിന് ഏറെ നല്ലതാണ്.

നുള്ളു മഞ്ഞളിട്ടു മുഖത്തു പുരട്ടാം

വെളിച്ചെണ്ണ ചെറുതായി ചൂടാക്കി ഇതില്‍ നുള്ളു മഞ്ഞളിട്ടു മുഖത്തു പുരട്ടാം. ഇതും ചര്‍മത്തിനു നിറം വര്‍ദ്ധിപ്പിയ്ക്കുന്നതിനുള്ള നല്ലൊരു വഴി തന്നെയാണ്. മുഖത്തെ കരിമാംഗല്യം മാറുന്നതിനും ഇതു നല്ലതാണ്. മഞ്ഞള്‍ സ്വാഭാവികമായി ചര്‍മത്തെ വെളുപ്പാക്കാന്‍ സഹായിക്കുന്നു.

നെല്ലിക്ക

നെല്ലിക്കയും വൈറ്റമിന്‍ സിയാല്‍ സമ്പുഷ്ടമാണ്. ചര്‍മത്തിന് തിളക്കവും വെളുപ്പും നല്‍കാനും ചുളിവുകള്‍ അകറ്റാനും നെല്ലിക്കയുടെ നീരും ഏറെ നല്ലതാണ്. നല്ല ശുദ്ധമായ വെളിച്ചെണ്ണയില്‍ അല്‍പം നെല്ലിക്കയുടെ നീരു കൂടി ചേര്‍ത്തു മുഖത്തു പുരട്ടുന്നതും നിറം വര്‍ദ്ധിയ്ക്കാനും മുഖത്തെ ചെറുപ്പം നില നിര്‍ത്താനും ഏറെ നല്ലതാണ്.