മുഖത്ത് ഒരു കാരണവശാലും ഈ അഞ്ച് വസ്തുക്കള്‍ ഉപയോഗിക്കരുത്

ബാര്‍ സോപ്പ്

ഫേസ് വാഷിന്റെ അഭാവത്തില്‍ നിങ്ങള്‍ ബാര്‍ സോപ്പ് മുഖത്ത് ഉപയോഗിച്ചിട്ടുണ്ടോ അതോ കുളിക്കുമ്പോള്‍ സോപ്പിന് പകരം ബാര്‍സോപ്പ് ഉപയോഗിച്ചിട്ടുണ്ടോ? എന്നാല്‍ അത് ഒരു അപകടമാണ് എന്ന കാര്യത്തില്‍ സംശയം വേണ്ട. ഒരു ബാര്‍ സോപ്പിന് ആല്‍ക്കലൈന്‍ പിഎച്ച് ഉണ്ട്, നിങ്ങളുടെ ചര്‍മ്മത്തിന് അസിഡിറ്റി പിഎച്ച് ഉണ്ട്. അതിനാല്‍, ഇത് നിങ്ങളുടെ ചര്‍മ്മത്തിന്റെ ഈര്‍പ്പം തടസ്സപ്പെടുത്തുകയും നിങ്ങളുടെ ചര്‍മ്മത്തെ ശാശ്വതമായി സെന്‍സിറ്റീവ് ആക്കാനും വരള്‍ച്ചയും അടരുകളുമുള്ള ചര്‍മ്മ പ്രശ്നങ്ങള്‍ക്ക് കാരണമാകുന്നു. ഇത് ചര്‍മ്മത്തില്‍ ഉണ്ടാക്കുന്ന അസ്വസ്ഥതകള്‍ വര്‍ദ്ധിപ്പിക്കുകയും പ്രതിസന്ധികള്‍ ഉണ്ടാക്കുകയും അകാല വാര്‍ദ്ധക്യത്തിന് കാരണമാകുകയും ചെയ്യുന്നുണ്ട്.

പെട്രോളിയം ജെല്ലി

വരണ്ട ചര്‍മ്മത്തിന് പരിഹാരം കാണുന്നതിന് വേണ്ടി നമുക്ക് പെട്രോളിയം ജെല്ലി ഉപയോഗിക്കാവുന്നതാണ്. എന്നാല്‍ ഇത് മുഖത്ത് ഉപയോഗിക്കുന്നത് അല്‍പം ശ്രദ്ധിച്ച് വേണം. തണുത്ത കാലാവസ്ഥയില്‍ നിങ്ങള്‍ പെട്രോളിയം ജെല്ലി ചര്‍മ്മത്തില്‍ പുരട്ടുകയാണെങ്കില്‍, നിങ്ങള്‍ സ്വയം ക്ഷണിച്ചു വരുത്തുന്ന ചര്‍മ്മപ്രശ്‌നങ്ങള്‍ വര്‍ദ്ധിക്കുകയാണ് ചെയ്യുന്നത്. മുഖത്ത് പെട്രോളിയം ജെല്ലി ഉപയോഗിക്കരുത്, കാരണം ഇത് വളരെ കട്ടിയുള്ളതാണ്. ഇത് നിങ്ങളുടെ ചര്‍മ്മത്തില്‍ വളരെ കട്ടിയുള്ള പാളി ഉണ്ടാക്കുകയും അത് വീണ്ടും വിവിധ ചര്‍മ്മ പ്രശ്‌നങ്ങള്‍ക്ക് കാരണമാകുകയും ചെയ്യും. എണ്ണമയമുള്ള ചര്‍മ്മമുള്ള ആളുകള്‍ക്ക് അവരുടെ ചര്‍മ്മത്തില്‍ കൂടുതല്‍ മുഖക്കുരുവും പൊട്ടലും അനുഭവപ്പെടാുന്നതിനുള്ള സാധ്യതയുണ്ട്. നിങ്ങളുടെ ചര്‍മ്മത്തെ ശരിയായി മോയ്‌സ്ചറൈസ് ചെയ്യാന്‍, ചര്‍മ്മത്തിന് അനുയോജ്യമായ മോയ്‌സ്ചറൈസര്‍ തിരഞ്ഞെടുക്കുക. മോയ്‌സ്ചുറൈസര്‍ തിരഞ്ഞെടുക്കുമ്പോള്‍ ശ്രദ്ധിക്കണം. എന്നാല്‍ എക്സിമ പോലുള്ള ചര്‍മ്മ പ്രശ്നങ്ങളും അനുഭവപ്പെടുന്നില്ലെങ്കില്‍ ചര്‍മ്മത്തില്‍ പെട്രോളിയം ജെല്ലി ഉപയോഗിക്കുന്നതില്‍ തെറ്റില്ല.

ടൂത്ത് പേസ്റ്റ്

പലരും പറഞ്ഞ് കേട്ടിട്ടുണ്ടാവും ചര്‍മ്മ പ്രശ്‌നങ്ങള്‍ക്ക് പരിഹാരം കാണുന്നതിന് വേണ്ടി പേസ്റ്റ് ഉപയോഗിക്കാവുന്നതാണ് എന്നത്. ഇത് മുഖക്കുരുവിനും പരിഹാരം കാണുന്നതിന് സഹായിക്കുന്നുണ്ട് എന്നാണ് വിശ്വാസം. എന്നാല്‍ ഇത് അല്‍പം വെല്ലുവിളി ഉയര്‍ത്തുന്നതാണ.് കാരണം മുഖക്കുരു മാറുന്നതിന് വേണ്ടി പേസ്റ്റ് ഉപയോഗിക്കുമ്പോള്‍ അല്‍പം ശ്രദ്ധിക്കണം. കാരണം ഇത് മറ്റ് ചര്‍മ്മപ്രശ്‌നങ്ങള്‍ക്ക് വാതില്‍ തുറക്കുകയാണ് ചെയ്യുന്നത്. എന്നിരുന്നാലും, നിങ്ങളുടെ മുഖത്ത് ടൂത്ത് പേസ്റ്റ് പുരട്ടുന്നത് നിങ്ങള്‍ ചെയ്യുന്ന ഏറ്റവും മോശം ചര്‍മ്മസംരക്ഷണ മാര്‍ഗ്ഗങ്ങളില്‍ ഒന്നായിരിക്കും. പേസ്റ്റ് ഉപയോഗിക്കുമ്പോള്‍ സംഭവിക്കുന്നത് എന്താണെന്ന് നോക്കാം. ടൂത്ത്പേസ്റ്റിന് നിങ്ങളുടെ മുഖക്കുരു പടരുന്നത് തടയാന്‍ കഴിയില്ല. ഇത് ചിലപ്പോള്‍ മുഖക്കുരു വരണ്ടതാക്കും, മാത്രമല്ല നിങ്ങളുടെ മുഖത്ത് ഒരു പാട് അവശേഷിപ്പിക്കുകയും ചെയ്യും. അതുകൊണ്ട് മുഖത്ത് ഉപയോഗിക്കുമ്പോള്‍ അല്‍പം ശ്രദ്ധിക്കണം.

സ്പിരിറ്റ് ഉപയോഗിക്കുന്നത്

ചര്‍മ്മം ക്ലീന്‍ ചെയ്യാന്‍ പലരും സ്പിരിറ്റ് ഉപയോഗിക്കാറുണ്ട്. എന്നാല്‍ അത് മോശം ശീലങ്ങളില്‍ ഒന്നാണ് എന്നതാണ്. കാരണം ചര്‍മ്മത്തില്‍ സ്പിരിറ്റ് ഉപയോഗിക്കുന്നത് പലപ്പോഴും നിങ്ങളില്‍ ചര്‍മ്മത്തെ കൂടുതല്‍ വരണ്ടതാക്കുകയാണ് ചെയ്യുന്നത്. നിങ്ങളുടെ ചര്‍മ്മത്തെ സ്പിരിറ്റ് ഉപയോഗിച്ച് തടവിയാല്‍, ഇത് ചര്‍മ്മത്തെ കൂടുതല്‍ വരണ്ടതും സെന്‍സിറ്റീവുമാക്കും. ഇത് മറ്റ് ചര്‍മ്മ പ്രശ്നങ്ങളിലേക്ക് നിങ്ങളെ എത്തിക്കും. ഡോക്ടര്‍ ശുക്ലയുടെ അഭിപ്രായത്തില്‍, സ്പിരിറ്റ് ഉപയോഗിക്കുന്നത് നിങ്ങളുടെ ചര്‍മ്മത്തിന്റെ ഒഴുക്കിനെ കൂടുതല്‍ തടസ്സപ്പെടുത്തിയേക്കാം. അതിനാല്‍, ചര്‍മ്മത്തില്‍ ഇത് പുരട്ടുന്നത് ഒഴിവാക്കുന്നതാണ് നല്ലത്.

ബോഡി ലോഷന്‍

നിങ്ങള്‍ ബോഡി ലോഷന്‍ ഉപയോഗിക്കുന്നവരെങ്കില്‍ അത് നല്ലതാണ്. എന്നാല്‍ മുഖത്തെ ചര്‍മ്മം അല്‍പം സോഫ്റ്റ് ആണ്. മുഖത്തെ ചര്‍മ്മം വളരെ നേര്‍ത്തതും കൂടുതല്‍ അതിലോലവുമാണ് എന്നത് തന്നെയാണ് ഇതിന്റെ കാരണം. നിങ്ങളുടെ ബോഡി ലോഷന്‍ നിങ്ങളുടെ മുഖത്തെ മോയ്‌സ്ചറൈസറുമായി എത്ര സാമ്യമുള്ളതാണെങ്കിലും, ഇത് നിങ്ങളുടെ മുഖത്തിന് വേണ്ടി തയ്യാറാക്കിയതല്ല. സാധാരണയായി ബോഡി ലോഷനുകളില്‍ വെണ്ണയും എണ്ണയും പോലുള്ളവ അടങ്ങിയിട്ടുണ്ട്, ഇത് നിങ്ങളുടെ മുഖത്തെ ചര്‍മ്മത്തില്‍ പ്രശ്‌നങ്ങള്‍ ഉണ്ടാക്കുന്നതാണ്. ഈ ഭാരമുള്ള ചേരുവകള്‍ മുഖക്കുരു പോലുള്ള ചര്‍മ്മ പ്രശ്നങ്ങളെ വഷളാക്കുന്നു. അതുകൊണ്ട് ശ്രദ്ധിക്കണം.

most read:നെല്ലിക്കയിലും ചെമ്പരത്തിയിലും വര്‍ദ്ധിക്കുന്നത് നിറമല്ല പവന്‍ തിളക്കം