മുഖത്തെ തുറന്ന കുഴികൾ അടയ്ക്കാൻ ഫേസ്‌ പാക്കുകൾ

മുട്ടയുടെ വെള്ളയും നാരങ്ങാനീരും അടങ്ങിയ പാക്

ഒരു ബൗളിൽ ഒരു മുട്ടയുടെ വെള്ളയും ഒരു സ്പൂൺ നാരങ്ങാനീരും ചേർത്ത് മിക്സ് ചെയ്യുക.ഇത് മുഖത്ത് മുഴുവനും തേച്ചു 15 -20 മിനിട്ടിനു ശേഷം വെള്ളമൊഴിച്ചു കഴുകുക.

ബേക്കിങ് സോഡാ-കറ്റാർവാഴ ജെൽ പാക്

അര സ്പൂൺ ബേക്കിങ് സോഡയും ഒരു സ്പൂൺ കറ്റാർ വാഴ ജെല്ലുമായി മിക്സ് ചെയ്തു മുഖത്ത് പുരട്ടുക.10 മിനിട്ടിനു ശേഷം ചെറു ചൂടുവെള്ളത്തിൽ കഴുകുക.

ഫുള്ളേഴ്സ് എർത്തും ഒലിവ് ഓയിലും ചേർന്ന പാക്

അര സ്പൂൺ ഫുള്ളേഴ്സ് എർത്തും 2 സ്പൂൺ ഒലിവു എണ്ണയുമായി യോജിപ്പിക്കുക.നേർത്ത പാളിയായി മുഖത്തു പുരട്ടി 10 മിനിട്ടിനു ശേഷം ചെറു ചൂടുവെള്ളത്തിൽ കഴുകിക്കളയുക.

വെള്ളരിക്ക-ആപ്പിൾ സൈഡർ വിനാഗിരി പാക്

ഒരു കഷ്ണം വെള്ളരിക്കയെ പേസ്റ്റ് രൂപത്തിലാക്കി അതിലേക്ക് 4 -5 തുള്ളി ആപ്പിൾ സൈഡർ വിനാഗിരി ചേർത്ത് മിക്സ് ചെയ്തു മുഖത്ത് പുരട്ടി 5 -10 മിനിട്ടിനു ശേഷം കഴുകിക്കളയുക.

തേൻ-ടീ ട്രീ ഓയിൽ പാക്

2 സ്പൂൺ തേനും 3 -4 തുള്ളി ടീ ട്രീ ഓയിലും ചേർത്ത് മിക്സ് ചെയ്യുക.ഇത് ചെറുതായി നനവുള്ള മുഖത്തു പുരട്ടി 5 മിനിട്ടിനു ശേഷം ചെറു ചൂടുവെള്ളത്തിൽ കഴുകിക്കളയുക.

പഴം-ബദാം എണ്ണ പാക്

പഴുത്ത പഴം നന്നായി ഉടച്ചു അതിലേക്ക് 1 സ്പൂൺ ബദാം ഓയിൽ ചേർക്കുക.ഇത് മുഖത്ത് പുരട്ടി 15 മിനിട്ടിനു ശേഷം ചെറു ചൂടുവെള്ളത്തിൽ കഴുകിക്കളയുക.