തൈരും കറിവേപ്പിലയും നിറം ഉറപ്പ്‌

മഞ്ഞള്‍പ്പൊടി

കറിവേപ്പില അരച്ചതും മഞ്ഞള്‍പ്പൊടിയും ചേര്‍ത്തു കലര്‍ത്തുക. ഇത് മുഖത്തു പുരട്ടി അല്‍പം കഴിയുമ്പോള്‍ കഴുക്കിക്കളയാം. മുഖത്തെ അഴുക്കുകള്‍ നീക്കുന്നതിനും മുഖത്തിനു തിളക്കം നല്‍കുന്നതിനും ഗുണം ചെയ്യും. ഇത് മുഖക്കുരു പോലുള്ള പ്രശ്‌നങ്ങള്‍ക്കു നല്ലൊരു പരിഹാരവുമാണ്.

പാലില്‍

കറിവേപ്പില തിളപ്പിയ്ക്കാത്ത ക്രീമോടു കൂടിയ പാലില്‍ അരച്ചു പുരട്ടുന്നത് മുഖത്തിന് നിറവും മൃദുത്വവും നല്‍കും. ഇത് പുരട്ടി ഉണങ്ങുമ്പോള്‍ കഴുകിക്കളയാം.

കറിവേപ്പില പനീനീരുമായി

കറിവേപ്പില പനീനീരുമായി ചേര്‍ത്തരയ്ക്കുക. ഇത് മുഖത്തു പുരട്ടി അല്‍പം കഴിയുമ്പോള്‍ കഴുകാം. ഇത് മുഖത്തിന് തിളക്കവും മൃദുത്വവും നല്‍കും.

കറിവേപ്പിലും ഒലീവ് ഓയിലും

വരണ്ട ചര്‍മത്തിനുളള നല്ലൊരു പരിഹാരമാണ് കറിവേപ്പിലും ഒലീവ് ഓയിലും. കറിവേപ്പില അരച്ച് അല്‍പം ഒലീവ് ഓയിലില്‍ കലര്‍ത്തി മുഖത്തു പുരട്ടാം. അല്‍പം കഴിയുമ്പോള്‍ കഴുകാം. ഇത് മുഖത്തിന് തിളക്കവും നല്‍കും. ചര്‍മത്തിന് ഈര്‍പ്പം നല്‍കി ചര്‍മത്തിലെ ചുളിവുകളും അയവുമല്ലൊം അകറ്റാനും ഇത് നല്ലതാണ്.

ബദാം

കറിവേപ്പില, 3 ബദാം കുതിര്‍ത്തത്, തൈര്, തേന്‍ എന്നിവ ചേര്‍ത്ത്ത അരയ്ക്കുക. ഇത് മുഖത്തു പുരട്ടി മസാജ് ചെയ്യാം. പിന്നീട് അല്‍പം കഴിയുമ്പോള്‍ കഴുകാം. നല്ലൊരു സ്‌ക്രബറാണിത്. മുഖത്തെ മൃതകോശങ്ങളെ നീക്കും. പോരാത്തതിന് മുഖത്തിന് തിളക്കവും മൃദുത്വവും നല്‍കും. നിറം നല്‍കാനും ഇത് നല്ലതാണ്.

കറിവേപ്പില, മുട്ടവെള്ള, തേന്‍

കറിവേപ്പില, മുട്ടവെള്ള, തേന്‍ എന്നിവ ചേര്‍ത്തരക്കുക. ഇത് മുഖത്തു പുരട്ടി അല്‍പം കഴിയുമ്പോള്‍ കഴുകാം. മുഖത്തെ ടാന്‍ മാറാന്‍ ഇത് ഏറെ നല്ലതാണ്.

കറിവേപ്പില, ചന്ദനപ്പൊടി

കറിവേപ്പില, ചന്ദനപ്പൊടി എന്നിവ ചേര്‍ത്ത് അരയ്ക്കുക. ഇത് മുഖത്തു പുരട്ടാം. ്അല്‍പം കഴിയുമ്പോള്‍ കഴുകാം. മുഖക്കുരുവിനും പാടുകള്‍ക്കുമെല്ലാം ഇത് ഏറെ നല്ലതാണ്.

കറിവേപ്പില നല്ല പുളിച്ച തൈരില്‍

കറിവേപ്പില നല്ല പുളിച്ച തൈരില്‍ കലക്കി മുഖത്തു പുരട്ടുന്നതും ഏറെ നല്ലതാണ്. ഇത് മുഖത്തിന് നിറം നല്‍കും. നല്ലൊരു ബ്ലീച്ചിംഗ് ഇഫക്ടാണ് ഇത് നല്‍കുന്നത്.