പച്ചമഞ്ഞളിലെ ആയുര്‍വ്വേദം, നിറം ഗ്യാരണ്ടി

പച്ചമഞ്ഞള്‍

മഞ്ഞള്‍ സൗന്ദര്യസംരക്ഷണത്തിന് ഏറ്റവും മികച്ച ഗുണം നല്‍കുന്ന ഒന്നാണ്. പച്ചമഞ്ഞളാണെങ്കില്‍ ഗുണം ഇരട്ടിയ്ക്കുകയാണ് ചെയ്യുന്നത്. മഞ്ഞള്‍ അരച്ച് മുഖത്ത് പുരട്ടുന്നത് നിറം വര്‍ദ്ധിപ്പിക്കുന്നു.

മഞ്ഞളും ആര്യവേപ്പും

മഞ്ഞളിനോടൊപ്പം ആര്യവേപ്പ് അരച്ച് ചേര്‍ത്ത് അത് മുഖത്ത് തേച്ച് പിടിപ്പിക്കാം. മുഖത്തും ശരീരത്തിലും ഇത് തേച്ച് പിടിപ്പിക്കാം. അരമണിക്കൂറിനു ശേഷം കഴുകിക്കളയാവുന്നതാണ്. ആഴ്ചയില്‍ രണ്ട് തവണ ഇത് ചെയ്യാം. മുഖത്തിന്റെ നിറമെല്ലാം താനേ തിരിച്ച് വരും.

കുങ്കുമാദി തൈലം

കുങ്കുമാദി തൈലമാണ് മറ്റൊന്ന്. ആയുര്‍വ്വേദ വിധിപ്രകാരം കുങ്കുമാദി തൈലം മുഖത്ത് പുരട്ടി അരമണിക്കൂര്‍ കഴിഞ്ഞ് കഴുകിക്കളയാവുന്നതാണ്. ഇത് മുഖത്തെ കറുപ്പ് നിറത്തെ ഇല്ലാതാക്കുന്നു.

ഉലുവ അരച്ചത്

ഉലുവ അരച്ചതും ഒലീവ് ഓയിലും മിക്‌സ് ചെയ്ത് മുഖത്തും ശരീരത്തിലും തേച്ച് പിടിപ്പിക്കാം. ഇത് മുഖത്ത് ചുളിവുകള്‍ വീഴുന്നതും അകാല വാര്‍ദ്ധക്യവും ഇല്ലാതാക്കും.

ഏലാദി വെളിച്ചെണ്ണ

ഏലാദി വെളിച്ചെണ്ണയാണ് മറ്റൊരു പരിഹാരം. ഏലാദി വെളിച്ചെണ്ണ ദിവസവും മുഖത്ത് പുരട്ടുന്നത് മുഖത്തിന് നിറവും മൃദുത്വവും നല്‍കുന്നു.

കസ്തൂരിമഞ്ഞള്‍

മഞ്ഞള്‍ മാത്രമല്ല സൗന്ദര്യസംരക്ഷണത്തിന് കസ്തൂരി മഞ്ഞള്‍ നല്‍കുന്ന പങ്കും ചില്ലറയല്ല. കസ്തൂരി മഞ്ഞള്‍ പൊടിച്ചത് പാലില്‍ ചേര്‍ത്ത് മുഖത്ത് തേച്ച് പിടിപ്പിക്കാം.

രാമച്ചം

രാമച്ചവും ഇത്തരത്തില്‍ മുഖത്തിനും ശരീരത്തിനും നിറം നല്‍കുന്ന ഒന്നാണ്. രാമച്ചം പൊടിച്ചത് ചെറുചൂടുവെള്ളത്തില്‍ ചാലിച്ച് മുഖത്ത് പുരട്ടുക.