നാരങ്ങനീര് ഒരു തുള്ളി പോലും മുഖത്താവരുത്, കാരണം

നാരങ്ങ

നാരങ്ങ നിറയെ അസിഡിക് ആണ്. ഇത് ചര്‍മ്മത്തിന് കേടുപാടുണ്ടാക്കുന്ന കാര്യത്തില്‍ മുന്നിലാണ്. ഇത് ചര്‍മ്മത്തിന് കൂടുതല്‍ ചൊറിച്ചിലും മറ്റ് അസ്വസ്ഥതകളും ഉണ്ടാക്കുന്നു. ഇത് ചര്‍മ്മത്തിന്റെ പി എച്ച് ലെവലില്‍ മാറ്റം വരുത്തുന്നു. അതുകൊണ്ട് തന്നെ ഇനി മുഖത്ത് നാരങ്ങ ഉപയോഗിക്കുമ്പോള്‍ ശ്രദ്ധിക്കുക.

ഹെയര്‍സ്‌പ്രേ

പലരും മേക്കപ്പിന്റെ ദൈര്‍ഘ്യം കൂടുതലാക്കാന്‍ വേണ്ടി ഹെയര്‍സ്‌പ്രേ ഉപയോഗിക്കാറുണ്ട്. ഇതിലുള്ള ആല്‍ക്കഹോളിന്റെ അളവ് ചര്‍മ്മത്തിനും കണ്ണിനും പ്രശ്‌നമുണ്ടാക്കുന്നു. മാത്രമല്ല ചര്‍മ്മത്തിന് അലര്‍ജിയുള്ളവര്‍ ഇതുപയോഗിച്ചാല്‍ ചര്‍മ്മം പൊളിഞ്ഞിളകാനും മറ്റും കാരണമാകുന്നു.

പേസ്റ്റ്

സൗന്ദര്യസംരക്ഷണത്തിന് പലരും ടൂത്ത് പേസ്റ്റ് ഉപയോഗിക്കാറുണ്ട്. മുഖക്കുരു മാറാന്‍ പലരും ടൂത്ത് പേസ്റ്റ് ഉപയോഗിക്കാറുണ്ട്. എന്നാല്‍ അത്രയും ഭാഗത്തെ ചര്‍മ്മത്തെ അത് വരണ്ടതാക്കി മാറ്റുന്നു. ഇത് കറുത്ത പാടുകളും കുത്തും മുഖത്തുണ്ടാവാന്‍ കാരണമാകുന്നു.

പെട്രോളിയം ജെല്ലി

വരണ്ട ചര്‍മ്മത്തിന് പരിഹാരം കാണാന്‍ പലരും പെട്രോളിയം ജെല്ലി ഉപയോഗിക്കാറുണ്ട്. എന്നാല്‍ കൂടുതല്‍ സമയത്തിനായി പെട്രോളിയം ജെല്ലി ഉപയോഗിക്കുമ്പോള്‍ അത് ചര്‍മ്മത്തിന് പ്രശ്‌നമുണ്ടാക്കുന്നു. ഇത് ചര്‍മ്മത്തെ വരണ്ടതാക്കി മാറ്റുന്നു.

ചൂടുവെള്ളം

ചൂടുവെള്ളം സൗന്ദര്യസംരക്ഷണത്തില്‍ വളരെ ഫലപ്രദമായ പങ്കാണ് വഹിക്കുന്നത്. എന്നാല്‍ ചൂടുവെള്ളം കൊണ്ട് മുഖം കഴുകുമ്പോള്‍ ഇത് മുഖത്തെ സുഷിരങ്ങളെ തുറക്കുകയും അതിലേക്ക് അഴുക്ക് വീണ്ടും അടിഞ്ഞ് കൂടാന്‍ കാരണമാവുകയും ചെയ്യുന്നു. അതുകൊണ്ട് തന്നെ തണുത്ത വെള്ളത്തില്‍ തന്നെ മുഖം കഴുകാന്‍ ശ്രദ്ധിക്കുക.

ഹൈഡ്രജന്‍ പെറോക്‌സൈഡ്

ഹൈഡ്രജന്‍ പെറോക്‌സൈഡ് കൊണ്ട് ഒരിക്കലും മുഖം കഴുകരുത്. ഇത് പലപ്പോഴും മുഖത്ത് പൊള്ളലും മറ്റ് പാടുകളും ഉണ്ടാവാന്‍ കാരണമാകുന്നു.

ബോഡി ലോഷന്‍

ബോഡി ലോഷന്‍ ഒരിക്കലും മുഖത്ത് ഉപയോഗിക്കാന്‍ പാടില്ല. ഇത് ചര്‍മ്മത്തിന് വളരെ ദോഷകരമായി ബാധിക്കുന്ന ഒന്നാണ്. അതുകൊണ്ട് തന്നെയാണ് ഇത് ദേഹത്ത് മാത്രം ഉപയോഗിക്കണമെന്ന് നിര്‍ദ്ദേശിക്കുന്നത്.

ആല്‍ക്കഹോള്‍

പല സൗന്ദര്യസംരക്ഷണ വസ്തുക്കളിലും ആല്‍ക്കഹോള്‍ ഉപയോഗിക്കുന്നു. ഇത് ചര്‍മ്മത്തിന് പൊള്ളലും ഇന്‍ഫെക്ഷനും ഉണ്ടാക്കും എന്ന കാര്യത്തില്‍ സംശയം വേണ്ട. അതുകൊണ്ട് തന്നെ ആല്‍ക്കഹോള്‍ അടങ്ങിയ സൗന്ദര്യസംരക്ഷണ വസ്തുക്കള്‍ ഉപയോഗിക്കുമ്പോള്‍ ശ്രദ്ധിക്കുക.

ബേക്കിംഗ് സോഡ

ബേക്കിംഗ് സോഡ കൊണ്ട് സൗന്ദര്യസംരക്ഷണം കാര്യമായി നടക്കാറുണ്ട്. എന്നാല്‍ ഇതിലുള്ള ആല്‍ക്കലൈന്‍ ഘടകങ്ങള്‍ ചര്‍മ്മത്തിന്റെ മോയ്‌സ്ചുറൈസും സ്വാഭാവികമായ എണ്ണമയവും ഇല്ലാതാക്കുന്നു.

പഞ്ചസാര

പലരും സ്‌ക്രബ്ബ് ചെയ്യുന്നതിനായി പഞ്ചസാര ഉപയോഗിക്കാറുണ്ട്. ഇത് ചര്‍മ്മത്തിന് നിര്‍ജ്ജലീകരണം സംഭവിക്കാന്‍ കാരണമാകുന്നു. മാത്രമല്ല ചര്‍മ്മം ക്ലീനാകുന്നതോടൊപ്പം തന്നെ ചര്‍മ്മത്തിന് ഡാമേജ് സംഭവിക്കാനും കാരണമാകുന്നു.