വരണ്ട ചര്‍മ്മവും ചൊറിച്ചിലും; പരിഹാരം തൈര്

വരണ്ട ചര്‍മ്മത്തിന് പരിഹാരം

വേനല്‍ക്കാലത്ത് ചര്‍മ്മം വരണ്ടിരിയ്ക്കുന്നത് സൗന്ദര്യസംരക്ഷണത്തില്‍ ശ്രദ്ധിക്കുന്ന എല്ലാവരേയും പ്രതിസന്ധിയിലാക്കുന്ന പ്രശ്‌നമാണ്. എന്നാല്‍ തൈരിലൂടെ ഈ പ്രശ്‌നത്തിന് പരിഹാരം കാണാം. കാരണം തൈര് മുഖത്ത് പുരട്ടുന്നത് നല്ലൊരു മോയ്‌സ്ചുറൈസിന്റെ ഗുണം ചെയ്യും എന്ന കാര്യത്തില്‍ സംശയം വേണ്ട.

ചര്‍മ്മത്തിന് ഈര്‍പ്പം

ചര്‍മ്മത്തിന് ഈര്‍പ്പം നല്‍കാനും തൈര് മുന്നിലാണ്. ഇത് ചര്‍മ്മത്തിന്റെ വരള്‍ച്ച മാറ്റി ചര്‍മ്മത്തിന് തിളക്കവും മൃദുത്വവും നല്‍കുന്നു. അതിലുപരി ചര്‍മ്മത്തിന്റെ നിറം വര്‍ദ്ധിപ്പിക്കാനും തൈര് ഉപയോഗിക്കാം.

ചര്‍മ്മത്തിന്റെ ചൊറിച്ചില്‍

ചര്‍മ്മത്തിലുണ്ടാവുന്ന ചൊറിച്ചില്‍ ഇല്ലാതാക്കാനും തൈര് തന്നെയാണ് നല്ലത്. പ്രത്യേകിച്ച് മുഖത്തേയും കൈ കാലുകളിലേയും ചര്‍മ്മത്തിന് വേനല്‍ക്കാലത്ത് ചൊറിച്ചിലും അസ്വസ്ഥതയും കൂടുതലാണ്. എന്നാല്‍ അതിനെ ഇല്ലാതാക്കാന്‍ ഏറ്റവും സഹായിക്കുന്ന ഒന്നാണ് തൈര്.

ആരോഗ്യമുള്ള ചര്‍മ്മം

ആരോഗ്യമുള്ള ചര്‍മ്മത്തിനും തൈര് നല്ലതാണ്. മുഖത്തും കാലിലും കൈകളിലും തൈര് തേച്ച് പിടിപ്പിച്ച് നല്ലതു പോലെ മസ്സാജ് ചെയ്യാവുന്നതാണ്. അതിനു ശേഷം 10 മിനിട്ട് കഴിഞ്ഞ് കഴുകിക്കളയാം.

തൈരും പപ്പായയും

തൈരും നല്ലതു പോലെ പഴുത്ത പപ്പായയും മിക്‌സ് ചെയ്ത് മുഖത്ത് തേച്ച് പിടിപ്പിച്ചാല്‍ മതി അരമണിക്കൂറിന് ശേഷം കഴുകിക്കളയാം. ഇത് മുഖത്തിന് തിളക്കം നല്‍കും.

തേനും തൈരും

തൈരും തേനും മിക്‌സ് ചെയ്തും ഫേസ്പാക്ക് ആയി ഉപയോഗിക്കാം. ഇത് മുഖത്തിന് തിളക്കവും ചര്‍മ്മത്തിന് നിറവും വര്‍ദ്ധിപ്പിക്കുന്നു.

അള്‍ട്രാവയലറ്റ് രശ്മികള്‍

അള്‍ട്രാവയലറ്റ് രശ്മികളില്‍ നിന്ന് നമ്മളെ സംരക്ഷിക്കാനും തൈരിന് കഴിയും. നല്ലൊരു സണ്‍സ്‌ക്രീന്‍ ആണ് തൈര്. ഇത് സൂര്യപ്രകാശം മൂലമുണ്ടാകുന്ന കറുത്ത പാടുകളെ ഇല്ലാതാക്കുന്നു.