വെളുക്കാന്‍ ചില നാടന്‍ വൈദ്യങ്ങള്‍

കടലമാവ്, തൈര്, മഞ്ഞള്‍പ്പൊടി

കടലമാവ്, തൈര്, മഞ്ഞള്‍പ്പൊടി എന്നിവ കലര്‍ത്തിയ മിശ്രിതവും ചര്‍മത്തിന്റെ നിറം വര്‍ദ്ധിപ്പിയ്ക്കാന്‍ ഏറെ നല്ലതാണ്ഇവ കലര്‍ത്തി പുരട്ടി അര മണിക്കൂര്‍ കഴിയുമ്പോള്‍ ഇളം ചൂടുവെള്ളത്തില്‍ കഴുകാം.

പാല്‍

രണ്ട്‌ ടേബിള്‍ സ്‌പൂണ്‍ പാല്‍ ഒരു പാത്ത്രിലെടുത്ത്‌ അര ടേബിള്‍ സ്‌പൂണ്‍ നാരങ്ങ നീരും അര ടേബിള്‍സ്‌പൂണ്‍ മഞ്ഞള്‍ പൊടിയും രണ്ട്‌ ടേബിള്‍ സ്‌പൂണ്‍ കടലമാവും ചേര്‍ക്കുക. നന്നായി ഇളക്കിയ ഈ മിശ്രിതം മുഖത്ത്‌ പുരട്ടുക. ഉണങ്ങുന്നത്‌ വരെ 15 മിനുട്ട്‌ കാത്തിരിക്കുക. അതിന്‌ ശേഷം സാധാരണ വെള്ളത്തില്‍ മുഖം കഴുകിയിട്ട്‌ തുടയ്‌ക്കുക.

പാല്‍, തേനും

ഒരു ടേബിള്‍ സ്‌പൂണ്‍ പാല്‍ അല്ലെങ്കില്‍ പാല്‍ പൊടിയില്‍ ഒരു ടേബിള്‍ സ്‌പൂണ്‍ തേനും ഒരു ടേബിള്‍ സ്‌പൂണ്‍ പാലും ചേര്‍ത്തിളക്കുക. നന്നായി ഇളക്കിയതിന്‌ ശേഷം ഈ മിശ്രിതം മുഖത്ത്‌ പുരട്ടുക. പതിനഞ്ച്‌ മിനുട്ടിന്‌ ശേഷം സാധാരണ വെള്ളത്തില്‍ കഴുകി കളയുക.

കറ്റാര്‍ വാഴ ജെല്ലും മഞ്ഞളും

കറ്റാര്‍ വാഴ ജെല്ലും മഞ്ഞളും സൗന്ദര്യസംരക്ഷണത്തിന് പറ്റിയ ഫേസ് പാക്ക് തയ്യാറാക്കാന്‍ ഉള്ളതാണ്. ഒരു നുള്ള് മഞ്ഞള്‍, ഒരു ടേബിള്‍ സ്പൂണ്‍ കറ്റാര്‍ വാഴ, ഒരു ടീസ്പൂണ്‍ തേന്‍ അല്‍പം റോസ് വാട്ടര്‍ എന്നിവയാണ് ആവശ്യമുള്ള സാധനങ്ങള്‍. മുകളില്‍ പറഞ്ഞ മിശ്രിതങ്ങളെല്ലാം കൂടി നല്ലതു പോലെ മിക്‌സ് ചെയ്യുക. ഇത് മുഖത്ത് തേച്ച് പിടിപ്പിച്ച് 20 മിനിട്ടിനു ശേഷം കഴുകിക്കളയാവുന്നതാണ്.

തക്കാളി നീര്‌

ഒരു ടേബിള്‍ സ്‌പൂണ്‍ തൈര്‌, ഒരു ടേബിള്‍ സപൂണ്‍ തക്കാളി നീര്‌, ഒരു ടേബിള്‍ സ്‌പൂണ്‍ ഓട്‌സ്‌ എന്നിവ ചേര്‍ത്തിളക്കി കുഴമ്പ്‌ രൂപത്തിലാക്കുക. ഈ മിശ്രിതം മുഖത്ത്‌ പുരട്ടി ഉണങ്ങാന്‍ അനുവദിക്കുക. 15 അല്ലെങ്കില്‍ 20 മിനുട്ടിന്‌ ശേഷം സാധാരണ വെള്ളം ഉപയോഗിച്ച്‌ കഴുകുക.

തൈരില്‍ മഞ്ഞള്‍പ്പൊടി

തൈരില്‍ മഞ്ഞള്‍പ്പൊടി കലര്‍ത്തി മുഖത്തു പുരട്ടുന്നതും ചര്‍മത്തിന്റെ നിറം വര്‍ദ്ധിപ്പിയ്ക്കാന്‍ ഏറെ നല്ലതാണ്. മുഖക്കുരുവിനും പാടുകള്‍ക്കുമുള്ള നല്ലൊരു പരിഹാരം കൂടിയാണിത്. മഞ്ഞള്‍പ്പൊടിയ്ക്ക് ആന്റിബാക്ടീരിയല്‍, ആന്റിഫംഗല്‍ ഗുണങ്ങളുണ്ട്.

എള്ളെണ്ണയില്‍ ഒരു നുള്ള് മഞ്ഞള്‍

എള്ളെണ്ണയില്‍ ഒരു നുള്ള് മഞ്ഞള്‍ ചേര്‍ത്ത് അത് മുഖത്തും ദേഹത്തും തേച്ച് പിടിപ്പിച്ച് അരമണഇക്കൂറിനു ശേഷം കഴുകിക്കളയാവുന്നതാണ്. ഇത് മുഖത്തിനും ചര്‍മ്മത്തിനും നല്ല തിളക്കം നല്‍കുകയും മുഖത്തുണ്ടാകുന്ന കറുത്ത പുള്ളികളും കുത്തുകളും മാറ്റുകയും ചെയ്യുന്നു.

പപ്പായയില്‍ അല്‍പം തേന്‍ ചേര്‍ത്തു പുരട്ടുന്നതും ചര്‍മം വെളുക്കാനുള്ള നല്ലൊരു വഴിയാണ്. ഇത് അടുപ്പിച്ചു ചെയ്യുക.

ഓറഞ്ച് നീരില്‍ തേന്‍

ഓറഞ്ച് നീരില്‍ തേന്‍ കലര്‍ത്തി മുഖത്തു പുരട്ടുന്നതും നിറം നല്‍കും. ഇതിന് ബ്ലീച്ചിംഗ് ഇഫക്ടുണ്ട്. ഓറഞ്ച് തൊലി ഉണക്കിപ്പൊടിച്ചു തേയ്ക്കുന്നതും നല്ലതാണ്.

ചുവന്ന പരിപ്പു പൊടിച്ച്

ചുവന്ന പരിപ്പു പൊടിച്ച് പാലില്‍ കലക്കി ഒരു നുളളു മഞ്ഞള്‍പ്പൊടിയും ചേര്‍ത്തു പുരട്ടാം. ഇത് ചര്‍മത്തിനു നിറം നല്‍കുന്ന മറ്റൊരു വഴിയാണ്.