കണ്‍തടങ്ങളിലെ കറുപ്പ് പുരുഷനും ഇല്ലാതാക്കാം

വെള്ളരിക്ക

വെള്ളരിക്ക കണ്‍തടത്തിലെ കറുത്ത പാട് നീക്കം ചെയ്യാന്‍ ഉത്തമമാണ്. ചര്‍മ്മത്തിന് നിറം നല്‍കാനും ഔഷധമായും വെള്ളരിക്ക ഉപയോഗിക്കാം. വെള്ളരിക്ക അരിഞ്ഞോ, അരച്ചോ പത്ത് മിനുട്ട് സമയം കണ്‍തടങ്ങളില്‍ വെയ്ക്കുക. ഒരു ദിവസം പല തവണ ഇത് ആവര്‍ത്തിക്കുക. കണ്ണിന് സുഖകരവും അതേ സമയം കറുത്ത പാട് നീക്കം ചെയ്യാനും ഇത് സഹായിക്കും. മുഖത്തിന് തിളക്കം നല്‍കാനും സഹായിക്കുന്നു.

ധാരാളം വെള്ളം

ദിവസവും വെള്ളം ധാരാളം കുടിക്കുക. ഇത് കണ്‍തടങ്ങളിലെ കറുപ്പ് അകറ്റാന്‍ സഹായിക്കും. ഏത് മരുന്നുകളേക്കാളും ഫലപ്രദമാകും വെള്ളം കുടി. വളരെ ലളിതമായ ഈ പരിപാടി വഴി ചര്‍മ്മത്തില്‍ ജലാംശം നിലനില്‍ക്കുകയും കറുത്ത പാടുകള്‍ അകറ്റുകയും ചെയ്യും.

നന്നായി ഉറങ്ങുക

ഏറെക്കാലത്തേക്ക് ശരിയായ ഉറക്കം ലഭിക്കാതിരുന്നാല്‍ പല രീതിയിലുള്ള പ്രത്യാഘാതങ്ങള്‍ ശരീരത്തിലുണ്ടാകും. കണ്‍തടങ്ങളില്‍ കറുപ്പ് രാശി പടര്‍ത്തുന്ന ഒരു പ്രധാന കാരണമാണിത്. കണ്ണിന് ചുറ്റുമുള്ള പേശികളിലും കോശങ്ങളിലും ഉണ്ടാകുന്ന ആയാസമാണ് ഇതിന് പിന്നില്‍. കണ്ണുകളുടെ സൗന്ദര്യം വീണ്ടെടുക്കുന്നതിന് ചെയ്യാവുന്ന ഏറ്റവും നല്ല നടപടി നേരത്തെ കിടക്കുകയും ആവശ്യത്തിന് ഉറങ്ങുകയുമാണ്.

ടീ ബാഗ്

ടീ ബാഗ് ഫ്രിഡ്ജില്‍ സൂക്ഷിച്ച് ഇത് കണ്‍തടത്തില്‍ വെക്കുക.ഇത് കണ്ണിനു ചുറ്റുമുള്ള കറുപ്പിനെ ഇല്ലാതാക്കുകയും കണ്ണിനു ചുറ്റും തിളക്കം നല്‍കുകയും കറുത്ത കുത്തുകള്‍ക്ക് പരിഹാരം കാണുകയും ചെയ്യുന്നു.

തക്കാളി

ചര്‍മ്മത്തിന് ശോഭ നല്‍കുന്ന ചില ഘടകങ്ങള്‍ തക്കാളിയിലുണ്ട്. ഒരു കപ്പില്‍ ഒരു ടീസ്പൂണ്‍ തക്കാളി നീരും, നീരങ്ങ നീരും എടുത്ത് കൂട്ടിക്കലര്‍ത്തി കറുപ്പ് നിറമുള്ളിടത്ത് തേക്കുക. പത്ത് മിനുട്ടിന് ശേഷം ശുദ്ധജലം ഉപയോഗിച്ച് ഇത് കഴുകിക്കളയുക. പുരുഷന്മാര്‍ക്ക് ഫലപ്രദമായ ചെയ്യാവുന്ന ഒരു രീതിയാണിത്.

ബദാം ഓയില്‍

കണ്‍തടങ്ങളിലെ കറുപ്പ് അകറ്റാന്‍ ഫലപ്രദമാണ് ബദാം ഓയില്‍. ഇത് പതിവായി ഉപയോഗിക്കുന്നത് വഴി ഇരുണ്ട നിറം മങ്ങും. ഉറങ്ങാന്‍ കിടക്കുന്നതിന് മുമ്പായി ബദാം എണ്ണ കണ്‍തടങ്ങളില്‍ തേച്ച് മസാജ് ചെയ്യുക. പിറ്റേന്ന് രാവിലെ മുഖം കഴുകി വൃത്തിയാക്കുക. ഇത് ഒരാഴ്ച കൃത്യമായി ചെയ്താല്‍ കണ്‍തടങ്ങളിലെ കറുപ്പകറ്റാം എന്ന കാര്യത്തില്‍ സംശയം വേണ്ട.

ഒലീവ് ഓയില്‍

കണ്‍തടങ്ങളിലെ കറുപ്പകറ്റാനുള്ള ഏറ്റവും മികച്ച മാര്‍ഗ്ഗങ്ങളില്‍ ഒന്നാണ് ഒലീവ് ഓയില്‍. ഏത് സൗന്ദര്യ പ്രശ്‌നത്തിനും പരിഹാരം നല്‍കാന്‍ ഒലീവ് ഓയിലിന് സാധിക്കുന്നു. ഒലിവ് ഓയില്‍ ഉപയോഗിക്കുകയോ അല്ലെങ്കില്‍ ഒലിവ് ഓയിലും ബദാം ഓയിലും കലര്‍ത്തി ഉപയോഗിക്കുകയോ ചെയ്യുന്നത് വഴിയും മികച്ച ഫലം ലഭിക്കും.

ഉരുളക്കിഴങ്ങ് നീര്

നല്ലൊരു ആസ്ട്രിജന്റ് ആണ് ഉരുളക്കിഴങ്ങ് നീര് എന്ന കാര്യത്തില്‍ സംശയം വേണ്ട. ഇത് സ്ത്രീകളിലും പുരുഷന്‍മാരിലും ഒരു പോലെ തന്നെ പ്രവര്‍ത്തിക്കും. ഉരുളക്കിഴങ്ങ് നീര് അല്‍പം പഞ്ഞിയില്‍ ആക്കി അത് കണ്‍തടങ്ങളില്‍ പുരട്ടുക. ഇത് കണ്ണിനു താഴെയുള്ള കറുത്ത പാടുകളെ ഇല്ലാതാക്കുന്നു.

പാല്‍

പാല്‍ നല്ലതു പോലെ ഫ്രീസറില്‍ വെച്ച് തണുപ്പിച്ച് ഉപയോഗിക്കുക. ഐസ് ക്യൂബ് ആക്കി ഉപയോഗിക്കുകയാണ് ഏറ്റവും ഉത്തമം. കാരണം ഐസ് ക്യൂബുകള്‍ കണ്ണിനു മുകളില്‍ വെച്ചാല്‍ അത് കണ്‍തടങ്ങളിലെ കറുപ്പിനെ എന്നന്നേക്കുമായി ഇ്‌ലാതാക്കുന്നു.

ഓറഞ്ച് ജ്യൂസ്

ഓറഞ്ച് ജ്യൂസ് ആണ് മറ്റൊരു പരിഹാര മാര്‍ഗ്ഗം. ഇത് കണ്ണിനു താഴെയുള്ള കറുപ്പുള്ള ഭാഗത്ത് പുരട്ടി നോക്കുക. നല്ലതു പോലെ ഉണങ്ങിക്കഴിഞ്ഞ ശേഷം കഴുകിക്കളയാവുന്നതാണ്. ഇത് കണ്ണിനു താഴെയുള്ള കറുപ്പിനെ ഇല്ലാതാക്കുന്നു. മാത്രമല്ല മുഖത്തിന് തിളക്കം വര്‍ദ്ധിപ്പിക്കാനും സഹായിക്കുന്നു.

യോഗ

യോഗയാണ് മറ്റൊരു പ്രധാന പരിഹാരമാര്‍ഗ്ഗം. ഇത് കണ്ണിനു താഴെയുള്ള ഡാര്‍ക്ക് സര്‍ക്കിള്‍സ് ഇല്ലാതാക്കുന്നു. യോഗ ചെയ്യുന്നതിലൂടെ ശരീരത്തിന്റെ എല്ലാ ഭാഗത്തേക്കും രക്തയോട്ടം എത്തുന്നു. ഇത് സ്ഥിരമായി ചെയ്താല്‍ പല വിധത്തിലുള്ള ആരോഗ്യ ഗുണങ്ങളും ലഭിക്കുന്നു. അതോടൊപ്പം തന്നെ സൗന്ദര്യസംരക്ഷണത്തിന്റെ കാര്യത്തിലും മുന്നിലാണ്.

കര്‍പ്പൂര തുളസിയില

കര്‍പ്പൂര തുളസിയുടെ ഇലയാണ് മറ്റൊരു പരിഹാരമാര്‍ഗ്ഗം. അല്‍പം ഇലകള്‍ എടുത്ത് വെറുതേ ചതച്ച് അത് കണ്ണിനു താഴെയായി വെക്കാം. ഇത്തരത്തില്‍ ചെയ്യുമ്പോള്‍ അത് കണ്ണിനു താഴെയുള്ള കറുപ്പ് നിറത്തെ വലിച്ചെടുക്കുന്നു. അത് പുരുഷന്‍മാര്‍ക്ക് മാത്രമല്ല സ്ത്രീകള്‍ക്കും പരീക്ഷിക്കാവുന്ന ഒന്നാണ് എന്ന കാര്യത്തില്‍ സംശയം വേണ്ട.

റോസ് വാട്ടര്‍

സ്ത്രീകളുടെ സൗന്ദര്യസംരക്ഷണ കിറ്റില്‍ സ്ഥിരമായി ഉണ്ടാവുന്ന ഒന്നാണ് റോസ് വാട്ടര്‍. അതുകൊണ്ട് തന്നെ ഇത്തരം പ്രതിസന്ധികളെ തരണം ചെയ്യാന്‍ സ്ത്രീകള്‍ക്ക് വളരെയധികം സഹായിക്കുന്ന ഒന്നാണ് റോസ് വാട്ടര്‍. എന്നാല്‍ ിതേ മാര്‍ഗ്ഗം തന്നെ പുരുഷനും യാതൊരു മടിയും ഇല്ലാതെ ഉപയോഗിക്കാവുന്നതാണ്. അതുകൊണ്ട് തന്നെ കണ്‍തടങ്ങളിലെ കറുപ്പിന് എത്രയും പെട്ടെന്ന് പരിഹാരം കാണാന്‍ സഹായിക്കുന്ന ഒന്നാണ് റോസ് വാട്ടര്‍.