അടുക്കളയിലെ ഈ സൂത്രങ്ങള്‍ മുഖം തിളങ്ങാന്‍

ഉരുളക്കിഴങ്ങ് അരച്ചത്

കറി വെക്കാന്‍ മാത്രമല്ല ഉരുളക്കിഴങ്ങ് ഉപയോഗിക്കുന്നത് സൗന്ദര്യ സംരക്ഷണത്തിന്റെ കാര്യത്തില്‍ ഏറ്റവും മുന്നില്‍ നില്‍ക്കുന്ന ഒന്ന് തന്നെയാണ് ഉരുളക്കിഴങ്ങ്. ഉരുളക്കിഴങ്ങ് നല്ലതു പോലെ അരച്ചെടുത്ത് മുഖത്ത് തേച്ച് പിടിപ്പിക്കുക. ഇത് മുഖത്തെ ചര്‍മ്മസംരക്ഷണത്തിന് വളരെയധികം സഹായിക്കുന്ന ഒന്നാണ്.

പപ്പായ

സൗന്ദര്യസംരക്ഷണത്തിന്റെ രാജാവ് എന്ന് തന്നെ പപ്പായയെ പറയാം. നല്ലതു പോലെ പഴുത്ത പപ്പായ മുഖത്ത് തേച്ച് പിടിപ്പിക്കാം. ഇത് മുഖത്തിന് തിളക്കവും സൗന്ദര്യവും ചര്‍മ്മത്തിന്റെ എല്ലാ പ്രശ്‌നങ്ങളേയും ഇല്ലാതാക്കുന്നു.

തക്കാളി

മുഖത്ത് തേക്കാന്‍ രണ്ടാമതൊന്ന് ആലോചിക്കാതെ ഉപയോഗിക്കാന്‍ പറ്റുന്ന ഒന്നാണ് തക്കാളി. തക്കാളി പേസ്റ്റ് രൂപത്തിലാക്കി മുഖത്ത് തേച്ച് പിടിപ്പിച്ചാല്‍ മതി. ഇത് മുഖത്തിന് തിളക്കവും ആരോഗ്യവും നല്‍കുന്നു.

ഗ്രീന്‍ടീ

ചര്‍മ്മത്തിന് ഉന്‍മേഷം ലഭിക്കുന്ന ഒന്നാണ് ഗ്രീന്‍ ടീ. ഗ്രീന്‍ ടീയില്‍ നിറയേ ആന്റി ഓക്‌സിഡന്റ് അടങ്ങിയിട്ടുണ്ട്. ഇത് മുഖത്ത് നല്ല തിളക്കവും ചര്‍മ്മത്തിന് ആരോഗ്യവും നല്‍കുന്നു.

മഞ്ഞള്‍

ആരോഗ്യത്തിന് ഒരിക്കലും ഒഴിവാക്കാന്‍ പാടില്ലാത്ത ഒന്നാണ് മഞ്ഞള്‍. അത് മാത്രമല്ല സൗന്ദര്യസംരക്ഷണത്തിന്റെ കാര്യത്തില്‍ രണ്ടാമതൊന്ന് ആലോചിക്കാതെ ഉപയോഗിക്കാന്‍ പറ്റുന്ന ഒന്നാണ് മഞ്ഞള്‍. മഞ്ഞള്‍ ഉപയോഗിച്ച് അകാല വാര്‍ദ്ധക്യത്തെ ഇല്ലാതാക്കാം. മാത്രമല്ല മുഖത്തെ പാടുകള്‍ക്ക് പരിഹാരം കാണാനും കഴിയും.

കസ്തൂരി മഞ്ഞള്‍

കസ്തൂരി മഞ്ഞള്‍ ഉപയോഗിച്ചുള്ള സൗന്ദര്യസംരക്ഷണം എത്രത്തോളം ഫലപ്രദമാണെന്ന് നമുക്കെല്ലാം അറിയാം. പല വിധത്തിലാണ് കസ്തൂരിമഞ്ഞള്‍ ചര്‍മ്മത്തിന് ഉപയോഗപ്പെടുത്തുന്നത്.

തേന്‍

സൗന്ദര്യസംരക്ഷണത്തിന് ഏറ്റവും ഫലപ്രദമായ ഒന്നാണ് തേന്‍. തേന്‍ ഉപയോഗിച്ച് ചര്‍മ്മത്തിന്റെ ചുളിവുകളും മറ്റും നിഷ്പ്രയാസം മാറ്റാം എന്നതാണ് സത്യം.