ഈ വേനലില്‍ വെയിലേറ്റു വാടാതിരിയ്ക്കാന്‍....

കറ്റാര്‍വാഴ

കറ്റാര്‍വാഴയും റോസ് വാട്ടറും ഗ്ലിസറിനും മിക്‌സ് ചെയ്ത് മുഖത്ത് പുരട്ടുക. ഇത് സൂര്യപ്രകാശം മൂലം മുഖത്തുണ്ടാകുന്ന എല്ലാ തരത്തിലുള്ള കറുത്ത പാടുകളും ഇല്ലാതാക്കുന്നു.

തൈര്

തൈര് ആരോഗ്യത്തിനു മാത്രമല്ല ഉപയോഗിക്കുന്നത് സൗന്ദര്യ സംരക്ഷണത്തിന്റെ കാര്യത്തിലും തൈര് അല്‍പം മുന്നില്‍ തന്നെയാണ്. സൂര്യപ്രകാശം മൂലം കരുവാളിച്ച സ്ഥലത്ത് തൈര് പുരട്ടുക. ഇത് ചര്‍മ്മത്തിന് തിളക്കവും മൃദുത്വവും നല്‍കുന്നു

മുള്‍ട്ടാണി മിട്ടി

മുള്‍ട്ടാണിമിട്ടിയും ഇത്തരത്തില്‍ നല്ലൊരു സൗന്ദര്യവര്‍ദ്ധക വസ്തുവാണ്. മുള്‍ട്ടാണി മിട്ടി ഉപയോഗിച്ചുള്ള ഫേസ്പാക്ക് മുഖത്ത് നല്ലപോലെ തേച്ചു പിടിപ്പിച്ച് പത്ത് മിനിട്ട് കഴിഞ്ഞ് കഴുകിക്കളയുക.

തക്കാളി നീര്

തക്കാളി നീര് സ്ഥിരമായി മുഖത്ത് പുരട്ടുന്നത് സൂര്യപ്രകാശം കൊണ്ടുണ്ടാകുന്ന കറുത്ത പാടുകള്‍ ഇല്ലാതാക്കുന്നു. ആഴ്ചകള്‍ കൊണ്ടു തന്നെ മുഖത്തിന്റെ സ്വാഭാവിക നിറം വീണ്ടെടുക്കാം എന്നതാണ് സത്യം.

ഓട്‌സ്

ഓട്‌സ് തേന്‍ തൈര് എന്നിവ മിക്‌സ് ചെയ്ത് സ്‌ക്രബ്ബറായി ഉപയോഗിക്കാം. ഇവ മൃതകോശങ്ങളെ പൂര്‍ണമായി മുഖത്ത് നിന്നും നീക്കുന്നു.

നാരങ്ങാ നീര്

പാര്‍ശ്വഫലങ്ങളൊന്നുമില്ലാതെ തന്നെ മുഖത്തെ കരുവാളിപ്പ് മാറ്റാന്‍ ഉപയോഗിക്കാം എന്നതാണ് നാരങ്ങയുടെ പ്രത്യേകത. നാരങ്ങാ നീര് മുഖത്ത് പുരട്ടി 15-20 മിനിട്ട് കഴിഞ്ഞ് കഴുകിക്കളയുക. ഇത് സൂര്യപ്രകാശം മൂലമുണ്ടാകുന്ന കരുവാളിപ്പിനെ ഇല്ലാതാക്കുന്നു.

വെള്ളരിക്ക നീര്

വെള്ളരിക്ക നീര് ഉപയോഗിച്ചും സൂര്യപ്രകാശം മൂലമുണ്ടാകുന്ന സൗന്ദര്യ പ്രശ്‌നങ്ങള്‍ക്ക് പരിഹാരം കാണാം.