കറിവേപ്പില മോരില്‍ അരച്ച് മുടിയില്‍ തേക്കാം

അകാല നര

അകാല നര ഉണ്ടാക്കുന്ന പ്രശ്‌നങ്ങള്‍ക്ക് പരിഹാരം കാണാന്‍ സഹായിക്കുന്ന ഒന്നാണ് കറിവേപ്പില. കറിവേപ്പില അരച്ച് തൈരില്‍ മിക്‌സ് ചെയ്ത് മുടിയില്‍ തേച്ച് പിടിപ്പിക്കാം. ഇത് എല്ലാ വിധത്തിലും അകാല നരയെന്ന പ്രശ്‌നത്തെ ഇല്ലാതാക്കാന്‍ സഹായിക്കുന്നു.

മുടിയുടെ ആരോഗ്യം

മുടിയുടെ ആരോഗ്യം വര്‍ദ്ധിപ്പിക്കുന്ന കാര്യത്തില്‍ പല വിധത്തിലുള്ള മാര്‍ഗ്ഗങ്ങള്‍ ഉണ്ട്. കറിവേപ്പില കൊണ്ട് ഇത്തരത്തിലുള്ള പ്രശ്‌നങ്ങള്‍ പരിഹാരം കാണാന്‍ സഹായിക്കുന്നു. കറിവേപ്പിലയിട്ട് എണ്ണ കാച്ചി ഇത് തലയില്‍ തേച്ച് നല്ലതു പോലെ മസ്സാജ് ചെയ്ത് അരമണിക്കൂര്‍ കഴിഞ്ഞ് കുളിക്കണം. ആഴ്ചയില്‍ രണ്ട് ദിവസം ഇത് ചെയ്യാവുന്നതാണ്. ഇത് മുടിക്ക് ആരോഗ്യം നല്‍കുന്നു.

മുടി വളരാന്‍

മുടി വളര്‍ച്ച എല്ലാവരേയും പ്രശ്‌നത്തില്‍ ആക്കുന്ന ഒന്നാണ്. എന്നാല്‍ കറിവേപ്പില കൊണ്ട മുടി വളര്‍ച്ച വര്‍ദ്ധിപ്പിക്കാം. കറിവേപ്പില അരച്ച് ചെയ്ത് തലയില്‍ പുരട്ടുക. 20 മിനിട്ടിനു ശേഷം ഇത് കഴുകിക്കളയാം. ദിവസവും ഇത്തരത്തില്‍ ചെയ്താല്‍ ഇത് മുടി വളര്‍ച്ചയെ കാര്യമായി തന്നെ സഹായിക്കുന്നു.

കറിവേപ്പിലയിട്ട് തിളപ്പിച്ച വെള്ളം

മുടിയുടെ വേരുകള്‍ക്ക് ബലം നല്‍കുന്നതിനും കറിവേപ്പില മുന്നില്‍ തന്നെയാണ്. കെമിക്കല്‍ ട്രീറ്റ്‌മെന്റും ഷാമ്പൂവിന്റെ അമിത ഉപയോഗവും എല്ലാം മുടിയുടെ വേരിന്റെ ബലത്തെ കാര്യമായി തന്നെ ബാധിയ്ക്കും. എന്നാല്‍ കറിവേപ്പില ഇട്ട് വെള്ളം ചൂടാക്കി ഇത് കൊണ്ട് മുടി കഴുകുന്നത് മുടിയുടെ വേരുകള്‍ക്ക് ബലം നല്‍കുന്നു.

മുടി കൊഴിച്ചില്‍ ഇല്ലാതാക്കാന്‍

മുടി കൊഴിച്ചില്‍ കുറയ്ക്കുന്ന കാര്യത്തിലും കറിവേപ്പില മുന്നില്‍ തന്നെയാണ്. രണ്ടോ മൂന്നോ കറിവേപ്പില അല്‍പം പാലില്‍ അരച്ച് മിക്‌സ് ചെയ്യുക. ഇത് തലയില്‍ നല്ലതുപോലെ തേച്ചു പിടിപ്പിയ്ക്കാം. ഇത് മുടി കൊഴിച്ചില്‍ ഇല്ലാതാക്കുന്നു. മുടി കൊഴിച്ചില്‍ ഇല്ലാതാക്കി മുടിക്ക് ആരോഗ്യം നല്‍കുകയും ചെയ്യുന്നു.

മുടി വരുന്നതിന്

പുതിയ മുടി കിളിര്‍ക്കുന്നതിനും കറിവേപ്പില ഉപയോഗിക്കാം. മുടി കൊഴിഞ്ഞാല്‍ അത് പല വിധത്തില്‍ പ്രശ്‌നങ്ങള്‍ ഉണ്ടാക്കുന്നു. കൊഴിഞ്ഞ മുടിക്ക് പകരം പുതിയ മുടി വളരുന്ന കാര്യത്തില്‍ കറിവേപ്പില പല വിധത്തില്‍ സഹായിക്കുന്നു. കറിവേപ്പിലയിട്ട് കാച്ചിയ എണ്ണ തന്നെയാണ് ഇതിന് ഏറ്റവും മികച്ചത്.

മുടിക്ക് ബലം

മുടിയ്ക്ക് ബലം നല്‍കുന്ന കാര്യത്തിലും കറിവേപ്പില മുന്നില്‍ തന്നെയാണ്. വിറ്റാമിന്‍ ബി 6 ധാരാളം അടങ്ങിയിട്ടുണ്ട് എന്നതാണ് മുടി വളര്‍ച്ചയെ സഹായിക്കുന്നതിന് കറിവേപ്പിലിലുള്ളത്. അതുകൊണ്ട് തന്നെ ഭക്ഷണത്തില്‍ കൂടുതലായി കറിവേപ്പില ഉള്‍പ്പെടുത്തുന്നത് നല്ലതായിരിക്കും.

മുടിക്ക് കട്ടി വര്‍ദ്ധിപ്പിക്കുന്നു

മുടിക്ക് കട്ടി കുറയുന്നതാണ് മറ്റൊന്ന്. അതിന് പരിഹാരം കാണാന്‍ സഹായിക്കുന്ന ഒന്നാണ് കറിവേപ്പില. കറിവേപ്പിലയില്‍ ഉള്ള ബീറ്റ കരോട്ടിന്‍ ആണ് മുടിക്ക് കട്ടി വര്‍ദ്ധിപ്പിക്കുന്നതിന് സഹായിക്കുന്നത്. കറിവേപ്പിലയിലെ പ്രോട്ടീന്‍ പല വിധത്തില്‍ മുടിയുടെ ആരോഗ്യത്തിന് വളരെയധികം സഹായിക്കുന്നു.

മൃതകോശങ്ങള്‍

തലയിലെ മൃതകോശങ്ങള്‍ വര്‍ദ്ധിക്കുന്നതാണ് മറ്റൊന്ന്. ഇത് എല്ലാ വിധത്തിലും പ്രശ്‌നങ്ങള്‍ ഉണ്ടാക്കുന്നു. മുടി വളരാതിരിക്കാനും ഇത് കാരണമാകുന്നു. മൃതകോശങ്ങള്‍ പല വിധത്തില്‍ മുടിയെ നശിപ്പിക്കുകയാണ് ചെയ്യുന്നത്. എന്നാല്‍ അതിനെല്ലാം പരിഹാരം കാണാന്‍ കറിവേപ്പില അരച്ച് തലയില്‍ തേക്കുന്നത് ഉത്തമമാണ്.

വരണ്ട മുടിക്ക്

വരണ്ട മുടിക്ക് പരിഹാരം കാണുന്നതിനും സഹായിക്കുന്നു കറിവേപ്പില. വരണ്ട മുടിക്ക് പല വിധത്തില്‍ പ്രശ്‌നങ്ങള്‍ ഉണ്ടാക്കുന്ന കാര്യങ്ങള്‍ ഉണ്ട്. എന്നാല്‍ കറിവേപ്പില ഉപയോഗിച്ച് വരണ്ട മുടിയും അറ്റം പിളരുന്നതും സഹായിക്കുന്നു.