മുടി വളര്‍ത്തുമെന്ന് ഉറപ്പുള്ള എണ്ണ

വരണ്ട മുടിക്ക്-ആർഗൻ എണ്ണ

ഇത് നിങ്ങളുടെ വരണ്ട മുടിക്ക് ആവശ്യമായ മോയിസ്ച്യുറൈസിങ് നൽകും.വരൾച്ച മാറ്റുക മാത്രമല്ല മുടിക്ക് മൃദുത്വവും നൽകും.

ഉപയോഗിക്കേണ്ട വിധം

ഒരു പഴം നന്നായി ഉടച്ചു അതിൽ എണ്ണ ചേർത്ത് കുഴയ്ക്കുക.ഇത് തലയോട്ടിൽ പുരട്ടി 40 -45 മിനിട്ടിനു ശേഷം ഷാമ്പൂ ഉപയോഗിച്ച് കഴുകുക.ഇത് മാസത്തിൽ രണ്ടു തവണ ചെയ്താൽ നിങ്ങളുടെ മുടി എപ്പോഴും മോയിസ്ചറായി ഇരിക്കും.

എണ്ണമയമുള്ള മുടിക്ക്-ബദാം എണ്ണ

ഒമേഗ 3 ഫാറ്റി ആസിഡ് അടങ്ങിയ ഈ എണ്ണ നിങ്ങളുടെ മുടിയെ പോഷിപ്പിക്കുകയും അധികമുള്ള എണ്ണമയം നീക്കുകയും ചെയ്യും.

ഉപയോഗിക്കേണ്ട വിധം

മുട്ടയുടെ വെള്ളയും ബദാം എണ്ണയുമായി ചേർത്ത് ഒരു മാസ്ക് തയ്യാറാക്കുക.ഇത് ആഴ്ചയിൽ ഒരിക്കൽ ചെയ്താൽ മുടിയിലെ അധിക എണ്ണമയം നീങ്ങും.

നേർത്ത മുടിക്ക് - ആവണക്കെണ്ണ

ധാരാളം പോഷകങ്ങളും വിറ്റാമിനും അടങ്ങിയ ആവണക്കെണ്ണ നിങ്ങളുടെ മുടിയുടെ വളർച്ച ത്വരിതപ്പെടുത്തി മുടിയുടെ അളവ് കൂട്ടും.

ഉപയോഗിക്കേണ്ട വിധം

കറ്റാർവാഴ ജെല്ലും എണ്ണയുമായി ചേർത്ത് തലയോട്ടിയിൽ പുരട്ടുക.ഇത് മാസത്തിൽ രണ്ടു തവണ ചെയ്താൽ മുടിയുടെ അളവ് വർധിക്കും.

മങ്ങിയ മുടിക്ക്-വിറ്റാമിൻ ഇ എണ്ണ

വിറ്റാമിൻ ഇ യിലെ ശക്തമായ ആന്റി ഓക്സിഡന്റ് മുടിക്ക് തിളക്കവും സൗന്ദര്യവും നൽകുന്നു.

ഉപയോഗിക്കേണ്ട വിധം

2 വിറ്റാമിൻ ഇ ഗുളികയിൽ നിന്നും എണ്ണയെടുത്തു ചെറുതായി ചൂടാക്കി തലയോട്ടിൽ പുരട്ടുക.രാത്രി മുഴുവൻ അങ്ങനെ വച്ച ശേഷം രാവിലെ കഴുകിക്കളയുക.ഇത് ആഴ്ചയിൽ ചെയ്താൽ മികച്ച ഫലം കിട്ടും.

കേടായ മുടിക്ക്- വെളിച്ചെണ്ണ

കേടായ മുടിയെ പുനർജ്ജീവിപ്പിക്കാൻ കഴിവുള്ള എണ്ണയാണിത്.ധാരാളം പോഷകങ്ങളും വിറ്റാമിനും അടങ്ങിയ ഈ പരമ്പരാഗത എണ്ണ മറ്റൊരു പ്രകൃതിദത്ത സാധനത്തിനും ചെയ്യാൻ കഴിയാത്ത വിധം നിങ്ങളുടെ മുടിയെ സംരക്ഷിക്കുന്നു.

ഉപയോഗിക്കേണ്ട വിധം

മൈക്രോവേവിൽ ചെറുതായി ചൂടാക്കിയ ശേഷം എണ്ണ തലയോട്ടിൽ തേച്ചു പിടിപ്പിക്കുക.ആഴ്ചയിൽ 2 -3 തവണ ചെയ്താൽ നല്ല ഫലം ലഭിക്കും.

ചുരുണ്ട മുടിക്ക്-ഒലിവ് എണ്ണ

ശക്തമായ ആന്റി ഓക്‌സിഡന്റുകൾ അടങ്ങിയ ഒലിവെണ്ണ നിങ്ങളുടെ മുടിയുടെ കട്ടിയും ചുരുളും മാറ്റാനുള്ള പ്രകൃതിദത്ത കണ്ടീഷണർ ആയി പ്രവർത്തിക്കും.

ഉപയോഗിക്കേണ്ട വിധം

രാത്രിയിൽ ഒലിവെണ്ണ തലയോട്ടിൽ പിടിപ്പിക്കുക.രാവിലെ സാധാരണ ഷാമ്പൂവും വെള്ളവും ഉപയോഗിച്ച് കഴുകുക.