വെളുത്തുള്ളി കൊണ്ട് മുടി കൊഴിച്ചില്‍ നിര്‍ത്താം

മുടിക്ക് കട്ടിനല്‍കും

കട്ടിയുള്ള മുടിയാണ് എല്ലാവരുടേയും ആഗ്രഹം. എന്നാല്‍ പല വിധത്തിലുള്ള കാരണങ്ങള്‍ കൊണ്ട് മുടിക്ക് കട്ടി ലഭിക്കുന്നില്ല. പക്ഷേ വെളുത്തുള്ളിയിലുള്ള ആന്റിബയോട്ടിക് പ്രോപ്പര്‍ട്ടീസ് മുടി കൊഴിച്ചിലിനെ തടയുകയും മുടിക്ക് ആരോഗ്യം നല്‍കുകയും ചെയ്യുന്നു. ഇത് തലയോട്ടിയില്‍ ആരോഗ്യമുള്ള മുടി വളരാന്‍ സഹായിക്കുന്നു. മുടി വളര്‍ച്ചയെ ത്വരിതപ്പെടുത്തുകയും ചെയ്യുന്നു.

തലയോട്ടിയുടെ ആരോഗ്യം

തലയോട്ടിയുടെ ആരോഗ്യത്തിന്റെ കാര്യത്തിലും പലപ്പോഴും പല വിധത്തിലുള്ള പ്രശ്‌നങ്ങള്‍ ഉണ്ടാവും. ഇതും മുടി വളര്‍ച്ചയെ ഇല്ലാതാക്കുന്നു. തലയോട്ടിക്ക് ആരോഗ്യം നല്‍കാന്‍ സഹായിക്കുന്ന ഒന്നാണ് വെളുത്തുള്ളി. ഇത് തലയോട്ടിയിലെ വരള്‍ച്ചയെ ഇല്ലാതാക്കി മുടിക്ക് വളരാനുള്ള സാഹചര്യം ഉണ്ടാക്കിയെടുക്കുന്നു.

മുടി പൊട്ടുന്നത് തടയുന്നു

മുടി പൊട്ടുന്നത് തടയുന്നതിനും വെളുത്തുള്ളി സഹായിക്കുന്നു. ഇത് മുടിക്ക് ബലം നല്‍കി മുടിയുടെ ആരോഗ്യം സംരക്ഷിക്കാന്‍ സഹായിക്കുന്നു. മുടിയുടെ അറ്റം പിളരുന്നതും ഇല്ലാതാക്കാന്‍ എന്തുകൊണ്ടും സഹായിക്കുന്ന ഒന്നാണ് വെളുത്തുള്ളി. അതുകൊണ്ട് തന്നെ ഇത്തരം പ്രശ്‌നങ്ങള്‍ക്ക് വെളുത്തുള്ളിയിലൂടെ പരിഹാരം കാണാം.

രക്തയോട്ടം വര്‍ദ്ധിപ്പിക്കുന്നു

തലയോട്ടിയില്‍ രക്തയോട്ടം നല്ല രീതിയില്‍ ഉണ്ടെങ്കില്‍ അത് മുടി വളര്‍ച്ചക്ക് അനുകൂല സാഹചര്യം ഒരുക്കുന്നു. എന്നാല്‍ പലപ്പോഴും തലയില്‍ രക്തയോട്ടം കുറവായാല്‍ അത് മുടി മുരടിക്കാനും മുടിയുടെ ആരോഗ്യത്തിനും ദോഷകരമായി ബാധിക്കുന്ന ഒന്നാണ്.

വെളുത്തുള്ളി ഷാമ്പൂ തയ്യാറാക്കാം

10-15 വെളുത്തുള്ളിയല്ലി, ഒരു ടീസ്പൂണ്‍ ഒലീവ് ഓയില്‍, 3-5 തുള്ളി കര്‍പ്പൂര തുളസിയെണ്ണ, 3-5 ടീ ട്രീ ഓയില്‍, ഒരു ഫുള്‍ ബോട്ടില്‍ ഷാമ്പൂ എന്നിവയാണ് ആവശ്യമുള്ള സാധനങ്ങള്‍.

തയ്യാറാക്കുന്ന വിധം

വെളുത്തുള്ളി അല്ലി ഓരോന്നായി തൊലി കളഞ്ഞ് ഇത് പേസ്റ്റ് രൂപത്തില്‍ അരച്ചെടുക്കുക. ഇതില്‍ അല്‍പം വെള്ളം ചേര്‍ത്ത് ഈ പേസ്റ്റ് ക്രീം പരുവത്തില്‍ ആക്കാം. ഒരു ടീസ്പൂണ്‍ ഒലീവ് ഓയില്‍ രണ്ട് തുള്ളി പെപ്പര്‍ മിന്റ് ഓയില്‍, കര്‍പ്പൂര തുളസിയെണ്ണ എന്നിവയില്‍ മിക്‌സ് ചെയ്യുക. ഇവ എല്ലാം കൂടി അലിഞ്ഞ് ചേരുന്നത് വരെ ഇളക്കണം. ഇത് പിന്നീട് ഷാമ്പൂവിലേക്ക് ചേര്‍ക്കാം. ഇങ്ങനെയാണ് വെളുത്തുള്ളി ഷാമ്പൂ തയ്യാറാക്കുന്നത്.

പേനിനെ തുരത്താന്‍

പേനും ഈരും കൊണ്ട് കഷ്ടപ്പെടുന്നവര്‍ക്ക് നല്ലൊരു പരിഹാര മാര്‍ഗ്ഗമാണ് വെളുത്തുള്ളി ഷാമ്പൂ. ആഴ്ചയില്‍ വെറും മൂന്ന് തവണ ഉപയോഗിച്ചാല്‍ തന്നെ പേനും ഈരും എല്ലാം പോവും എന്ന കാര്യത്തില്‍ സംശയം വേണ്ട.

മുടി കൊഴിച്ചിലിന് പരിഹാരം

മുടി കൊഴിച്ചില്‍ സ്വിച്ചിട്ട പോലെ നില്‍ക്കുന്നു വെളുത്തുള്ളി ഷാമ്പൂവിലൂടെ. വെളുത്തുള്ളിക്ക് പല വിധത്തിലുള്ള ഗുണങ്ങളും ഉണ്ടെങ്കിലും മുടി കൊഴിച്ചിലിനെ ഇല്ലാതാക്കും എന്നത് തന്നെയാണ് ഏറ്റവും വലിയ ഗുണം.

മുടിക്ക് കരുത്ത്

മുടിക്ക് കരുത്ത് നല്‍കാന്‍ ഏറ്റവും അധികം സഹായിക്കുന്ന ഒന്നാണ് വെളുത്തുള്ളി. വെളുത്തുള്ളി ഷാമ്പൂ ഉപയോഗിച്ച് മുടിയുടെ ആരോഗ്യവും നമുക്ക് സംരക്ഷിക്കാം. മുടിക്ക് ആരോഗ്യവും തിളക്കവും മുടിയിഴകള്‍ക്ക് കരുത്തും നല്‍കാന്‍ സഹായിക്കുന്ന ഒന്നാണ് വെളുത്തുള്ളി എന്ന കാര്യത്തില്‍ സംശയം വേണ്ട.

താരന് പരിഹാരം

താരന്‍ കൊണ്ട് പൊറുതിമുട്ടുന്നവര്‍ക്കും നല്ലൊരു പരിഹാരമാര്‍ഗ്ഗമാണ് വെളുത്തുള്ളി ഷാമ്പൂ. ആഴ്ചയില്‍ മൂന്ന് തവണ ഇത് ഉപയോഗിക്കണം. പൂര്‍ണമായും ഫലം ലഭിക്കും എന്ന കാര്യത്തില്‍ സംശയമേ ഇല്ല. ഇത്തരത്തില്‍ താരനേയും മറ്റ് കേശസംരക്ഷണത്തിന് വില്ലാനാവുന്ന പ്രശ്‌നങ്ങളേയും ഇല്ലാതാക്കാന്‍ വെളുത്തുള്ളി ഷാമ്പൂ നല്ലൊരു ഒറ്റമൂലിയാണ്.