വെളുത്തുള്ളിയും നാരങ്ങ നീരും താരന്റെ പൊടിപോലുമില്ല

ആസ്പിരിനും നാരങ്ങ നീരും

ആസ്പിരിനും നാരങ്ങ നീരും മിക്‌സ് ചെയ്ത് തലയില്‍ തേച്ച് പിടിപ്പിക്കാം. അരമണിക്കൂറിനു ശേഷം നല്ലതു പോലെ തണുത്ത വെള്ളത്തില്‍ കഴുകിക്കളയാവുന്നതാണ്. ഇത് താരനെ പൂര്‍ണമായും മാറ്റുന്നു. മാത്രമല്ല തലയുടെ ആരോഗ്യം മുഴുവനായി സംരക്ഷിക്കുകയും ചെയ്യുന്നു.

ടീ ട്രീ ഓയിലും നാരങ്ങ നീരും

കേശസംരക്ഷണത്തിന് വളരെയധികം സഹായകമാവുന്ന ഒന്നാണ് നാരങ്ങ നീര്. ടീ ട്രീ ഓയിലും നാരങ്ങ നീരും മിക്‌സ് ചെയ്ത് മുടിയിലും തലയോട്ടിയിലും തേച്ച് പിടിപ്പിക്കാം. ഇത് മുടിക്ക് തിളക്കവും ആരോഗ്യവും നല്‍കുന്നതോടൊപ്പം താരനെ പൂര്‍ണമായും ഇല്ലാതാക്കുകയും ചെയ്യുന്നു.

ബേക്കിംഗ് സോഡയും നാരങ്ങ നീരും

ബേക്കിംഗ് സോഡയും നാരങ്ങ നീരും മിക്‌സ് ചെയ്ത് തേക്കുന്നതും താരനെ പ്രതിരോധിക്കാനുള്ള മാര്‍ഗ്ഗങ്ങളില്‍ പ്രധാനപ്പെട്ട ഒന്നാണ്. അതുകൊണ്ട് തന്നെ ഇത്തരം പ്രതിസന്ധികള്‍ക്ക് പരിഹാരം കാണാന്‍ ബേക്കിംഗ് സോഡ ഉത്തമമാണ്. ഇത് എല്ലാ വിധത്തില്‍ മുടിയെ അസ്വസ്ഥമാക്കുന്ന പ്രശ്‌നങ്ങളെ പരിഹരിക്കുകയും ചെയ്യുന്നു.

ആപ്പിള്‍ സിഡാര്‍ വിനീഗര്‍ നാരങ്ങ

ആപ്പിള്‍ സിഡാര്‍ വിനീഗറും നാരങ്ങ നീരുമാണ് മറ്റൊരു പരിഹാരമാര്‍ഗ്ഗം. ഇതിലുള്ള അസിഡിക് അംശമാണ് താരനെ ഇല്ലാതാക്കാന്‍ സഹായിക്കുന്നത്. ഇത് രണ്ടും മിക്‌സ് ചെയ്ത് തേച്ച് പിടിപ്പിച്ചാല്‍ അല്‍പസമയം കഴിഞ്ഞ് കഴുകിക്കളയാം. ഇത് മുടിക്ക് യാതൊരു വിധത്തിലുള്ള പാര്‍ശ്വഫലങ്ങളും ഉണ്ടാക്കില്ല. ആപ്പിള്‍ സിഡാര്‍ വിനീഗര്‍ തേക്കുമ്പോള്‍ ഇതില്‍ രണ്ട് കപ്പ് വെള്ളം ഒഴിക്കാന്‍ ശ്രദ്ധിക്കണം.

മൗത്ത് വാഷ്

മൗത്ത് വാഷ് കൊണ്ടും താരനെ കളയാം. മൗത്ത് വാഷില്‍ നാരങ്ങ നീര് മിക്‌സ് ചെയ്ത് ഇത് നല്ലൊരു കണ്ടീഷണര്‍ ആണ്. ഇതിലുള്ള ആല്‍ക്കഹോള്‍ ഘടകമാണ് പലപ്പോഴും താരനെതിരെ പ്രതിരോധിക്കുന്നത്.

വെളിച്ചെണ്ണ

വെളിച്ചെണ്ണ ചെറുതായി ചൂടാക്കി അതില്‍ അല്‍പം നാരങ്ങ നീര് മിക്‌സ് ചെയ്ത് തലയില്‍ തേച്ച് പിടിപ്പിക്കാം. ഇത് നല്ലതു പോലെ മസ്സാജ് ചെയ്ത് അരമണിക്കൂറിനു ശേഷം വേണം കഴുകിക്കളയാന്‍. ആഴ്ചയില്‍ രണ്ട് മൂന്ന് പ്രാവശ്യം ഇത്തരത്തില്‍ ചെയ്താല്‍ താരന്‍ പൂര്‍ണമായും ഇല്ലാതാവും.

നാരങ്ങ നീര്

നാരങ്ങ നീര് തനിയേ തലയില്‍ നല്ലതു പോലെ മസ്സാജ് ചെയ്താലും മുടിയുടെ ആരോഗ്യം നിലനില്‍ക്കുകയും താരനെ പ്രതിരോധിക്കാന്‍ കഴിയുകയും ചെയ്യുന്നു. എന്നാല്‍ ദിവസവും രണ്ട് മൂന്ന് പ്രാവശ്യം ഇത്തരത്തില്‍ ചെയ്താല്‍ മതി. താരനെ പമ്പ കടത്താം.

ഉപ്പ്

ഉപ്പും നാരങ്ങ നീരും മിക്‌സ് ചെയ്ത് തേച്ചാലും താരനെ പ്രതിരോധിക്കാം. കല്ലുപ്പ് നല്ലതു പോലെ വെള്ളത്തില്‍ കലക്കി ഇതില്‍ നാരങ്ങ നീര് മിക്‌സ് ചെയ്ത് തലയില്‍ തേച്ച് പിടിപ്പിക്കാം. ഇത് 15 മിനിട്ടിനു ശേഷം കഴുകിക്കളയാവുന്നതാണ്. ഇത്തരത്തില്‍ താരനെ പ്രതിരോധിക്കാം.

കറ്റാര്‍ വാഴ

കറ്റാര്‍ വാഴയില്‍ നാരങ്ങ നീര് ചേരുമ്പോഴും ഇത്തരം പ്രശ്‌നത്തെ നമുക്ക് ഇല്ലാതാക്കാം. ഇതും താരനെതിരെ പൊരുതുന്നതിന് വളരെയധികം സഹായകമാവുന്ന ഒന്നാണ്. മാത്രമല്ല തലയോട്ടിയിലെ ചൊറിച്ചിലും മാറുന്നു.

വെളുത്തുള്ളി

വെളുത്തുള്ളി കൊണ്ടും താരനെ പ്രതിരോധിക്കാം. വെളുത്തുള്ളി ചതച്ച് അതില്‍ നാരങ്ങ നീര് മിക്‌സ് ചെയ്ത് അതിന്റെ നീര് കൊണ്ട് നല്ലതു പോലെ മസ്സാജ് ചെയ്യുക. അരമണിക്കൂര്‍ കഴിഞ്ഞാല്‍ മനസ്സിലാവും നിങ്ങള്‍ക്ക് താരന്‍ പോയെന്ന്. പെട്ടെന്നുള്ള പരിഹാരമാര്‍ഗ്ഗമാണിത്.