ബ്രഹ്മി എണ്ണ സംശയമില്ലാതെ മുടി വളര്‍ത്തും

ബ്രഹ്മി എണ്ണ

മുടിക്കുണ്ടാവുന്ന ഏത് പ്രശ്‌നത്തിനും പരിഹാരം കാണാന്‍ സഹായിക്കുന്ന ഒന്നാണ് ബ്രഹ്മി എണ്ണ. ബ്രഹ്മിയും വെളിച്ചെണ്ണയും കാച്ചി തേക്കുന്നത് മുടിക്കുണ്ടാവുന്ന എല്ലാ പ്രശ്‌നങ്ങള്‍ക്കും പരിഹാരം നല്‍കാന്‍ സഹായിക്കുന്നു. നമ്മുടെ നാട്ടിന്‍ പുറങ്ങള്‍ ഒരു കാലത്ത് ബ്രഹ്മി കൊണ്ട് സമ്പുഷ്ടമായിരുന്നു.

എണ്ണ കാച്ചുന്ന വിധം

ബ്രഹ്മി ഇലകളായി നുള്ളിയെടുത്ത് വെളിച്ചെണ്ണ ചൂടാക്കി അതില്‍ ഇട്ട് കാച്ചിയെടുക്കുക. ഇത് നല്ലതു പോലെ ചൂടാറിയെടുത്ത ശേഷം തലയില്‍ തേച്ച് പിടിപ്പിച്ച് ഒരു മണിക്കൂറിനു ശേഷം കഴുകിക്കളയാവുന്നതാണ്.

അകാല നരക്ക് പരിഹാരം

മുടി നരക്കുന്നത് ഇന്നത്തെ കാലത്ത് ചെറുപ്പക്കാരിലും കണ്ട് വരുന്ന ഒരു പ്രതിസന്ധിയാണ്. അതുകൊണ്ട് തന്നെ അകാല നരയെ ചെറുക്കാന്‍ സ്ഥിരമായി ബ്രഹ്മിയിട്ട് കാച്ചിയ എണ്ണ തേക്കുന്നത് നല്ലതാണ്. ഇത് ഒറ്റമുടി പോലും നരക്കാതെ സൂക്ഷിക്കും.

മുടി കൊഴിച്ചിലിന് പരിഹാരം

മുടി കൊഴിച്ചില്‍ എന്ന പ്രശ്‌നത്തെ വളരെ വിദഗ്ധമായി ഇല്ലാതാക്കാന്‍ ബ്രഹ്മി എണ്ണക്ക് സാധിക്കും. ബ്രഹ്മി എണ്ണ തേച്ച് പിടിപ്പിച്ച് അരമണിക്കൂര്‍ ശേഷം കഴുകിക്കളയാവുന്നതാണ്. ഇത് പല തരത്തിലും മുടി കൊഴിച്ചിലിനെ പ്രതിരോധിക്കുന്നു.

തലയോട്ടിയിലെ ചൊറിച്ചില്‍

തലയോട്ടിയിലെ ചൊറിച്ചിലിന് പരിഹാരം കാണാനും സഹായിക്കുന്നു ബ്രഹ്മിയിട്ട് കാച്ചിയ എണ്ണ. ഇത് തലയിലുണ്ടാക്കുന്ന ചൊറിച്ചില്‍ അണുബാധ എന്നിവയെ വളരെ നിശ്ശേഷം ഇല്ലാതാക്കുന്നു.

താരന് പരിഹാരം

താരന്‍ പരിഹരിക്കാന്‍ സഹായിക്കുന്ന ഒന്നാണ് ബ്രഹ്മി എന്ന കാര്യത്തില്‍ സംശയമില്ല. ബ്രഹ്മിയിട്ട് എണ്ണ കാച്ചി തേക്കുന്നത് താരന്‍ പോലുള്ള പ്രതിസന്ധിക്ക് പരിഹാരമാണ്.