തല ചൊറിയാതെ.....

നാരങ്ങ

തലയിലെ ചൊറിച്ചില്‍ മാറ്റാന്‍ സഹായിക്കുന്ന ഏറ്റവും മികച്ച മാര്‍ഗ്ഗം നാരങ്ങ തന്നെയാണ്. ഇതിലടങ്ങിയ സിട്രിക് ആസിഡ് ചൊറിച്ചില്‍ മാറ്റും. താരന്‍ അകറ്റാനും നാരങ്ങ ഫലപ്രദമാണ്. നാരങ്ങനീര് തലയില്‍ തേച്ച് അല്‍പസമയം കഴിഞ്ഞ് നന്നായി കഴുകിക്കളയുക.

ഒലിവ് ഓയില്‍, ബദാം ഓയില്‍

ഒലിവ് ഓയില്‍, ബദാം ഓയില്‍ പോലുള്ളവ തലയിലെ ചൊറിച്ചില്‍ മാറ്റാന്‍ ഉപയോഗിക്കാം. ഒലിവ് ഓയിലും ബദാം ഓയിലും തുല്യ അളവിലെടുത്ത് തലയോട്ടിയില്‍ തേച്ചുപിടിപ്പിക്കുക. മുടിയുടെ കട്ടി കൂടാനും ഇത് സഹായിക്കും.

ആപ്പിള്‍ സിഡെര്‍ വിനെഗര്‍

തലയിലെ ചൊറിച്ചിലില്‍ നിന്ന് വേഗത്തില്‍ മുക്തി നേടാനുള്ള ഒരു മാര്‍ഗ്ഗമാണ് ആപ്പിള്‍ സിഡെര്‍ വിനെഗര്‍. അല്പം വിനാഗിരി ചെറുചൂടുള്ള വെള്ളവുമായി ചേര്‍ത്ത് മുടി കഴുകുക. ഇത് ചൊറിച്ചിലില്‍ നിന്ന് ഉടന്‍ തന്നെ മോചനം നല്‍കും.

വെളിച്ചെണ്ണ

മുടിക്ക് പോഷണം നല്കാന്‍ വെളിച്ചെണ്ണ ഉത്തമമാണ്. തലയിലെ ചൊറിച്ചില്‍ മാറ്റാനും വെളിച്ചെണ്ണ സഹായിക്കും. അല്പം വെളിച്ചെണ്ണ ഉപയോഗിച്ച് തലയോട്ടിയില്‍ മസാജ് ചെയ്യുക. ഇത് വഴി താരന്‍ അകറ്റാനും തലയോട്ടിയിലെ നനവ് നിലനിര്‍ത്താനും സാധിക്കും.

റ്റീ ട്രീ ഓയില്‍

തലയിലെ ചൊറിച്ചില്‍ മാറ്റാനുള്ള മറ്റൊരു മികച്ച ഉപാധിയാണ് റ്റീ ട്രീ ഓയില്‍. ഇതിലടങ്ങിയ ആന്‍റി ബാക്ടീരിയല്‍ ഘടകങ്ങള്‍ ചൊറിച്ചില്‍ മാറ്റാന്‍ സഹായിക്കും.