മുടിയുടെ അറ്റം പിളരുന്നതിന് ഉടന്‍ പരിഹാരം

മുട്ട

പ്രോട്ടീനിന്റെ കലവറയാണ് മുട്ട. മുട്ടയുടെ വെള്ള എല്ലാ ആഴ്ചയും തലയോട്ടിയില്‍ തേച്ചു പിടിപ്പിക്കുക. ഇത് മുടിയുടെ അറ്റം പിളരുന്നതിനെ തടയുന്നു.

മയോണൈസ്

മയോണൈസ് നനഞ്ഞ മുടിയില്‍ തേച്ച് പിടിപ്പിയ്ക്കുക. പത്ത് മിനിട്ടിനു ശേഷം കഴുകിക്കളയുക.

വാഴപ്പഴം

വാഴപ്പഴവും ഇത്തരത്തില്‍ മുടി സംരക്ഷണത്തില്‍ മുന്നില്‍ നില്‍ക്കുന്നതാണ്. പൊട്ടാസ്യം, സിങ്ക്, വിറ്റാമിന്‍ ഇ തുടങ്ങിയവ കൊണ്ടെല്ലാം സമ്പുഷ്ടമാണ് വാഴപ്പഴം. പഴം ഉടച്ച് തൈരുമായി മിക്‌സ് ചെയ്ത് മുടിയില്‍ പുരട്ടുക. പതിനഞ്ച് മിനിട്ടിനു ശേഷം കഴുകിക്കളയുക.

പപ്പായ

സൗന്ദര്യസംരക്ഷണത്തില്‍ പപ്പായ വഹിയ്ക്കുന്ന പങ്ക് വളരെ വലുതാണ്. നല്ലതുപോലെ പഴുത്ത പപ്പായ മുടിയുടെ വേരില്‍ വരെ തേച്ചു പിടിപ്പിച്ച് തണുത്ത വെള്ളത്തില്‍ കഴുകിക്കളയുക.

പാലിന്റെ പത

പാലിന്റെ പതയും നല്ലൊരു കേശസംരക്ഷണ ഉപാധിയാണ്. പാലിന്റെ ക്രീമും ഒരുകപ്പ് പാലും മിക്‌സ് ചെയ്ത് നല്ലതുപോലെ തലയില്‍ തേച്ചു പിടിപ്പിക്കുക. ഇത് വരണ്ട മുടിയെ ഈര്‍പ്പമുള്ളതാക്കി മാറ്റുന്നു. ഇതിലെ കാല്‍സ്യം മുടിയ്ക്ക് ആരോഗ്യം നല്‍കുന്നു.

തേന്‍

മുടിയെ സോഫ്റ്റാക്കാന്‍ ഇത്രയും നല്ല ഒരു ഔഷധം വേറെയില്ല. ഒരു ടീസ്പൂണ്‍ തേനില്‍ ഒരു ടീസ്പൂണ്‍ തൈര് മിക്‌സ് ചെയ്ത് പുരട്ടുക. 20 മിനിട്ടിനു ശേഷം കഴുകിക്കളയാം.

ഉലുവ

ഒരു ടേബിള്‍ സ്പൂണ്‍ ഉലുവയും ഒരു കപ്പ് തൈരും മിക്‌സ് ചെയ്ത് തലയില്‍ പുരട്ടുക. ഇതും മുടിയുടെ അറ്റം പിളരുന്നതില്‍ നിന്ന് സംരക്ഷിക്കുന്നു.