മുടികൊഴിച്ചില്‍ തടയാനുള്ള വഴികള്‍

ഹോട്ട് ഓയില്‍ ട്രീറ്റ്‌മെന്റ്

ഒലീവ ഓയില്‍്, വെളിച്ചെണ്ണ, കനോള ഇവയില്‍ ഏതെങ്കിലുമൊരു എണ്ണ എടുത്ത് ചൂടാക്കുക. ചെറുതായി ചൂട് തണിച്ച് തലയില്‍ പുരട്ടണം. തലയോട്ടിയില്‍ ഈ എണ്ണ മൃദുവായി തേച്ച് പിടിപ്പിക്കുക. ഒരു മണിക്കൂറോളം ഇത് വച്ച ശേഷം ഷാംപൂ ഉപയോഗിച്ച് കഴുകിക്കളുയുക.

ജ്യൂസ്

വെളുത്തുള്ളി, ഉള്ളി, ഇഞ്ചി എന്നിവ കൊണ്ട് ജ്യൂസുണ്ടാക്കി ഏതെങ്കിലും ഒന്ന് രാത്രിയില്‍ കിടക്കുന്നതിന് മുന്‍പ് തലയില്‍ പുരട്ടുക. രാവിലെ വൃത്തിയായി കഴുകിക്കളയുക.

ഹെഡ് മസാജ്

ദിവസവും തലയോട്ടി അഞ്ച് മിനിട്ടെങ്കിലും മസാജ് ചെയ്യുന്നത് രക്തയോട്ടം വര്‍ദ്ധിക്കാന്‍ കാരണമാകും. തലയോട്ടിയിലെ രക്തചംക്രമണം വര്‍ധിച്ചാല്‍ അത് മുടിക്ക് കരുത്ത് പകരും. ഓയിലുകളെന്തെങ്കിലും ഉപയോഗിച്ചാണ് മസാജെങ്കില്‍ വളരെ നല്ലത്.

ആന്റിയോക്‌സിഡന്റ്‌സ്

ഒരു കപ്പ് വെള്ളത്തില്‍ രണ്ട് ബാഗ് ഗ്രീന്‍ ടീ ഇട്ട് ചൂടാക്കുക. ഇത് തലയോട്ടിയില്‍ തേച്ച് പിടിപ്പിക്കുക. ഒരു മണിക്കൂര്‍ വച്ചശേഷം കഴുകിക്കളയുക. മുടികൊഴിച്ചില്‍ തടയുകയും മുടി വളര്‍ച്ച മെച്ചപ്പെടുത്തുകയും ചെയ്യുന്ന ആന്റിഓക്‌സിഡന്റ്‌സ് അടങ്ങിയിട്ടുള്ള ഒന്നാണ് ഗ്രീന്‍ ടീ.

ടെന്‍ഷന്‍ കുറയ്ക്കാം

ടെന്‍ഷനും സ്‌ട്രെസ്സുമാണ് മുടികൊഴിച്ചിലിന്റെ പ്രധാന കാരണം. അതിനാല്‍ തന്നെ ദിവസം അരമണിക്കൂറെങ്കിലും കണ്ണടച്ചിരുന്നു ധ്യാനിച്ചാല്‍ മുടികൊഴിച്ചിലിന് പരിഹാരമാകും.