മുടിസംരക്ഷണത്തിന് പാവയ്ക്ക

തിളക്കം

പാവയ്ക്കയുടെ നീര് തൈരുമായി ചേര്‍ത്ത് മുടിയില്‍ പുരട്ടി നോക്കൂ. മുടിയ്ക്ക് സ്വാഭാവിക തിളക്കം കൈവരും.

മുടിത്തുമ്പു പിളരുന്നതിന്‌

മുടിത്തുമ്പു പിളരുന്നതിനുള്ള നല്ലൊരു പരിഹാരമാര്‍ഗമാണിത്. മുടിയുടെ അറ്റം വരെ പാവയ്ക്കാ ജ്യൂസ് തേച്ചു പിടിപ്പിയ്ക്കുക. ഇത് അല്‍പം കഴിഞ്ഞ് കഴുകിക്കളയാം. ഇത് ആഴ്ചയില്‍ രണ്ടു തവണ ചെയ്യുക.

താരന്‍

താരന്‍ പലരേയും അലട്ടുന്ന ഒരു പ്രശ്‌നമാണ്. ജീരകം പൊടിച്ച് പാവയ്ക്കാ ജ്യൂസില്‍ ചേര്‍ത്ത് മുടിയില്‍ പുരട്ടുന്നത് താരന് ശമനം നല്‍കും.

വരണ്ട ശിരോചര്‍മത്തിന്

വരണ്ട ശിരോചര്‍മത്തിനുള്ള ഒരു പരിഹാരം കൂടിയാണിത്. പാവയ്ക്കയുടെ ജ്യൂസ് തലയോടില്‍ തേച്ചു പിടിപ്പിയ്ക്കാം. ഇത് ശിരോചര്‍മത്തിന് ഈര്‍പ്പം നല്‍കും.

വിയര്‍പ്പു കുരു

അമിതമായ വിയര്‍പ്പു മൂലം പലരുടേയും ശിരോചര്‍മത്തിലും വിയര്‍പ്പു കുരുവുണ്ടാകാറുണ്ട്. പാവയ്ക്കയും കുക്കുമ്പറും അരച്ചു തലയില്‍ പുരട്ടുന്നത് ഇതിനുള്ളൊരു പരിഹാരമാണ്.

ശിരോചര്‍മത്തിലെ ചൊറിച്ചില്‍

ശിരോചര്‍മത്തിലെ ചൊറിച്ചിലകറ്റുന്നതിനും പാവയ്ക്കാ ജ്യൂസ് നല്ലതാണ്. ഇത് പഴവുമായി ചേര്‍ത്ത് ശിരോചര്‍മത്തില്‍ പുരട്ടുന്നത് ഗുണം ചെയ്യും.

വരണ്ട മുടി

പാവയ്ക്കാ നീര് തലയില്‍ പുരട്ടി 15 മിനിറ്റു കഴിഞ്ഞ് കഴുകിക്കളയുന്നത് വരണ്ട മുടിയ്ക്കുള്ള നല്ലൊരു പരിഹാരമാണ്.

മുടി നര

മുടി നരയ്ക്കുള്ള ഒരു പരിഹാരം കൂടിയാണ് പാവയ്ക്കാ നീര് മുടിയില്‍ പുരട്ടുന്നത്.

അമിതമായ എണ്ണമയം

മുടിയിലെ അമിതമായ എണ്ണമയം അകറ്റാനും പാവയ്ക്കാ ജ്യൂസ് നല്ലതാണ്. ഇതും ആപ്പിള്‍ സിഡെര്‍ വിനെഗറും കലര്‍ത്തി മുടിയില്‍ പുര്ട്ടുന്നത് നല്ലതാണ്.

മുടി കൊഴിച്ചില്‍

മുടി കൊഴിച്ചില്‍ തടയുന്നതിനും പാവയ്ക്കാ ജ്യൂസ് നല്ലതാണ്. പാവയ്ക്കാ ജ്യൂസില്‍ അല്‍പം പഞ്ചസാര കലര്‍ത്തി മുടിയില്‍ പുരട്ടുന്നത് ഗുണം ചെയ്യും.