കഴുത്തിലെ ചുളിവകറ്റാം വളരെ എളുപ്പത്തില്‍

കറ്റാര്‍ വാഴയും വിറ്റാമിന്‍ ഇ ഓയിലും

കറ്റാര്‍ വാഴയും വിറ്റാമിന്‍ ഇ ഓയിലും കൊണ്ട് കഴുത്തിലെ ചുളിവിനെ ഇല്ലാതാക്കാവുന്നതാണ്. ഇത് ചര്‍മ്മത്തിലെ ഇലാസ്റ്റിസിറ്റി വര്‍ദ്ധിപ്പിക്കുകയും ചര്‍മ്മത്തിന് ചെറുപ്പം നല്‍കുന്നതിന് സഹായിക്കുകയും ചെയ്യുന്നു. ഇവ രണ്ടും മിക്‌സ് ചെയ്ത് കഴുത്തില്‍ പുരട്ടി 20 മിനിട്ട് കഴിഞ്ഞ ശേഷം മാത്രമേ കഴുകിക്കളയാന്‍ പാടുള്ളൂ. എന്നാല്‍ മാത്രമേ പൂര്‍ണഫലം ലഭിക്കുകയുള്ളൂ.

തേന്‍ പഞ്ചസാര സ്‌ക്രബ്ബ്

കഴുത്തിലെ കറുപ്പിന് പരിഹാരം നല്‍കാന്‍ ഏറ്റവും കൂടുതല്‍ സഹായിക്കുന്ന ഒന്നാണ് തേന്‍ പഞ്ചസാര സ്‌ക്രബ്ബ്. ഇത് ചര്‍മ്മത്തിലെ മൃതകോശങ്ങളെ നീക്കുന്നു. മോയ്‌സ്ചുറൈസറിന്റെ ഗുണം ചെയ്യുന്നതിനാല്‍ ചര്‍മ്മം എപ്പോഴും ഹൈഡ്രേറ്റഡ് ആയി നിര്‍ത്തുകയും ചെയ്യുന്നു. വെറും ചുരുങ്ങിയ ദിവസങ്ങള്‍ കൊണ്ട് തന്നെ ഇത് കഴുത്തിലെ കറുപ്പകറ്റുന്നതിന് സഹായിക്കുന്നു.

കരിമ്പും മഞ്ഞള്‍പ്പൊടിയും

കരിമ്പിന്റെ നീരും മഞ്ഞള്‍പ്പൊടിയും മിക്‌സ് ചെയ്ത് തേക്കുന്നതും കഴുത്തിലെ ചുളിവിന് പരിഹാരം കാണാന്‍ സഹായിക്കുന്നു. ഇത് അകാല വാര്‍ദ്ധക്യം പോലുള്ള പ്രശ്‌നങ്ങള്‍ക്കും പരിഹാരം കാണാന്‍ സഹായിക്കുന്നു. മാത്രമല്ല ചര്‍മ്മത്തിന് നിറം നല്‍കുന്നതിനും ഈ മിശ്രിതം സഹായിക്കുന്നു. 15 മിനിട്ടിനു ശേഷം തണുത്ത വെള്ളത്തില്‍ ഇത് കഴുകിക്കളയാവുന്നതാണ്.

പപ്പായയും ഒലീവ് ഓയിലും

പപ്പായയും ഒലീവ് ഓയിലും മിക്‌സ് ചെയ്ത് തേക്കുന്നതാണ് മറ്റൊരു പരിഹാര മാര്‍ഗ്ഗം. ഒരു ടേബിള്‍ സ്പൂണ്‍ നല്ലതു പോലെ പഴുത്ത പപ്പായ അല്‍പം ഒലീവ് ഓയില്‍ മിക്‌സ് ചെയ്ത് തേച്ച് പിടിപ്പിക്കാം. 20 മിനിട്ടിനു ശേഷം കഴുകിക്കളയാവുന്നതാണ്. വെറും ചുരുങ്ങിയ ദിവസങ്ങള്‍ക്കുള്ളില്‍ തന്നെ ഇത് കഴുത്തിലെ ചുളിവിനെ പൂര്‍ണമായും മാറ്റുന്നു.

ഗ്ലിസറിന്‍ മുട്ടയുടെ വെള്ള റോസ് വാട്ടര്‍

ഗ്ലിസറിന്‍ മുട്ടയുടെ വെള്ള റോസ് വാട്ടര്‍ എന്നിവ മിക്‌സ് ചെയ്ത് തേക്കുന്നതും നല്ലതാണ്. ഇത് പെട്ടെന്ന് തന്നെ കഴുത്തിലെ ചുളിവ് മാറ്റി കഴുത്തിന് നല്ല നിറവും സൗന്ദര്യവും നല്‍കുന്നു. എല്ലാ വിധത്തിലുള്ള സൗന്ദര്യ പ്രശ്‌നങ്ങള്‍ക്കും പരിഹാരം കാണുന്നതിന് സഹായിക്കുന്നു.

മുള്‍ട്ടാണി മിട്ടി, റോസ് വാട്ടര്‍

മുള്‍ട്ടാണിമിട്ടി റോസ് വാട്ടര്‍ തൈര് എന്നിവ മൂന്നും കൂടി നല്ലതു പോലെ മിക്‌സ് ചെയ്ത് ഇത് കഴുത്തില്‍ തേച്ച് പിടിപ്പിക്കാം. 20 മിനിട്ടിനു ശേഷം നല്ലതു പോലെ തണുത്ത വെള്ളത്തില്‍ കഴുകിക്കളയേണ്ടതാണ്. ഇത് കഴുത്തിലെ ചുളിവിനെ പെട്ടെന്ന് തന്നെ ഇല്ലാതാക്കുന്നതിന് സഹായിക്കുന്നു. മാത്രമല്ല ചര്‍മ്മത്തിന്റെ എല്ലാ വിധത്തിലുള്ള പ്രശ്‌നങ്ങള്‍ക്കും പരിഹാരം കാണുകയും ചെയ്യുന്നു. തൈര് നല്ലൊരു മോയ്‌സ്ചുറൈസര്‍ ആണ്.

എള്ളെണ്ണയും പഴവും

നല്ലതു പോലെ പഴുത്ത പഴവും എള്ളെണ്ണയും മിക്‌സ് ചെയ്ത് ഇത് കഴുത്തില്‍ നല്ലതു പോലെ തേച്ച് പിടിപ്പിക്കാം. മസ്സാജ് ചെയ്ത ശേഷം ഇരുപത് മിനിട്ട് കഴിഞ്ഞ് കഴുകിക്കളയാവുന്നതാണ്. നല്ല തണുത്ത വെള്ളത്തില്‍ വേണം കഴുക്കികളയാന്‍.

നാരങ്ങ നീരും ഒലീവ് ഓയിലും

ചര്‍മ്മത്തിന് നിറവും ആരോഗ്യവും നല്‍കുന്ന ഒന്നാണ് നാരങ്ങ നീരും ഒലീവ് ഓയിലും. ഇത് രണ്ടും മിക്‌സ് ചെയ്ത മിശ്രിതം കഴുത്തില്‍ തേച്ച് പിടിപ്പിക്കാം. നാരങ്ങ നീരിലുള്ള സിട്രിക് ആസിഡ് കഴുത്തിലെ ചുളിവിന് പരിഹാരം കാണാന്‍ സഹായിക്കുന്നു. പെട്ടെന്ന് തന്നെ ചര്‍മ്മത്തിന്റെ ഇത്തരത്തിലുള്ള പ്രശ്‌നങ്ങളെ പരിഹരിക്കുന്നതിന് ഈ മിശ്രിതം സഹായിക്കുന്നു.

പൈനാപ്പിള്‍ ഒലീവ് ഓയില്‍

പൈനാപ്പിളും ഒലീവ് ഓയിലും ഇത്തരത്തില്‍ ചര്‍മ്മത്തിന്റെ ആരോഗ്യത്തിനും നിറത്തിനും ചുളിവുകള്‍ മാറ്റുന്നതിനും പരിഹാരം നല്‍കുന്ന ഒന്നാണ്. ഇവ രണ്ടും മിക്‌സ് ചെയ്ത് മുഖത്തും കഴുത്തിലും തേച്ച് പിടിപ്പിക്കുക. ഇത് കണ്ണിനു താഴെയുള്ള കറുത്ത പാടിനെ ഇല്ലാതാക്കുകയും കഴുത്തിലെ ചുളിവുകളെ ഇല്ലാതാക്കുകയും ചെയ്യുന്നു.

വെളിച്ചെണ്ണ മസ്സാജ്

വെളിച്ചെണ്ണ കൊണ്ട് കഴുത്തിലെ ചര്‍മ്മത്തിന്റെ ചുളിവുകള്‍ നമുക്ക് ഇല്ലാതാക്കാം. താഴെ നിന്ന് മുകളിലേക്ക് വെളിച്ചെണ്ണ നല്ലതു പോലെ തേച്ച് പിടിപ്പിക്കാവുന്നതാണ്. ഇത് കഴുത്തിലെ ചുളിവുകള്‍ക്ക് പരിഹാരം കാണാന്‍ സഹായിക്കുന്നു. നല്ല തിളങ്ങുന്ന ചര്‍മ്മമായിരിക്കും വെളിച്ചെണ്ണ മസ്സാജിലൂടെ നല്‍കുന്നത്.