കുളിക്കാന്‍ കറിവേപ്പിലയിട്ട് തിളപ്പിച്ച വെള്ളം

കറിവേപ്പിലയും പാലും

പാലും കറിവേപ്പിലയും ചേര്‍ന്നാല്‍ ഏത് മായാത്ത പാടും ഉടന്‍ തന്നെ മായും എന്ന കാര്യത്തില്‍ സംശയം വേണ്ട. പലപ്പോഴും റാഷസ്, സണ്‍ബേണ്‍ തുടങ്ങിയവയൊക്കെ മുഖത്തും ശരീരത്തിലും കരുവാളിച്ച് കിടക്കും. എന്നാല്‍ ഇതിനെയെല്ലാം ഇല്ലാതാക്കാന്‍ കറിവേപ്പില അരച്ച് പാലില്‍ പുരട്ടി തേച്ചാല്‍ മതി.

ചര്‍മ്മത്തിലെ ചൊറിച്ചില്‍ മാറാന്‍

ചര്‍മ്മത്തിലുണ്ടാകുന്ന ചൊറിച്ചില്‍ മാറാനും പല തരത്തില്‍ കറിവേപ്പില ഉപയോഗിക്കാം. കറിവേപ്പില അരച്ച് മഞ്ഞളില്‍ മിക്‌സ് ചെയ്ത് തേച്ചാല്‍ മതി. ഇത് ചര്‍മ്മത്തിലെ ഏത് ചൊറിച്ചിലിനേയും ഇല്ലാതാക്കും.

തുടയിടുക്കിലെ ചൊറിച്ചില്‍

പലരേയും പ്രശ്‌നത്തിലാക്കുന്ന ഒന്നാണ് തുടയിടുക്കിലെ ചൊറിച്ചില്‍. തുടയിടുക്കിലെ ചൊറിച്ചിലിനും പരിഹാരം കാണാന്‍ കറിവേപ്പില ഉപയോഗിക്കാം. കറിവേപ്പില മോരില്‍ അരച്ച് കലക്കി തുടയിടുക്കില്‍ പുരട്ടിയാല്‍ മതി.

മുഖക്കുരു മാറാന്‍

മുഖക്കുരുവിന് പരിഹാരം വേണമെങ്കിലും കറിവേപ്പിലയിലുണ്ട്. മുഖക്കുരുവിനെ ഇല്ലാതാക്കാന്‍ അല്‍പം കസ്തൂരി മഞ്ഞളില്‍ കറിവേപ്പില അരച്ച് പുരട്ടിയാല്‍ മതി.

കറിവേപ്പിലയും മുള്‍ട്ടാണി മിട്ടിയും

കറിവേപ്പിലയും മുള്‍ട്ടാണി മിട്ടിയും അരച്ച് മുഖത്തും ശരീരത്തിലും തേച്ച് പിടിപ്പിക്കാം. ഇത് മുഖത്ത് തിളക്കവും സൗന്ദര്യവും നല്‍കുന്നു.

അകാലവാര്‍ദ്ധക്യം

അകാല വാര്‍ദ്ധക്യം മൂലം മുഖത്തും ശരീരത്തിലും ഉണ്ടാവുന്ന ചുളിവുകള്‍ക്ക് പരിഹാരം കാണാനും കറിവേപ്പില ഉപയോഗിക്കാം. കറിവേപ്പിലയിട്ട് തിളപ്പിച്ച് വെള്ളത്തില്‍ കുളിച്ചാല്‍ മതി. ഇത് അകാല വാര്‍ദ്ധക്യത്തെ ഇല്ലാതാക്കുന്നു.

താരന് പരിഹാരം

തലയിലെ താരന്‍ മൂലം കഷ്ടപ്പെടുന്നവരാണെങ്കില്‍ എന്നും കറിവേപ്പിലയിട്ട് തിളപ്പിച്ച വെള്ളം നല്ലതു പോലെ ചൂടാറിയ ശേഷം തല കഴുകാനായി ഉപയോഗിക്കാം. ഇത് താരനെ ഇല്ലാതാക്കും.