ആരും കണ്ടാല്‍ കൊതിക്കും കാല്‍പാദം

ആദ്യം ചെയ്യേണ്ടത്

ഒരു വലിയ പാത്രത്തില്‍ ഇളം ചൂടുവെള്ളമെടുത്ത് അല്‍പം ഷാംപൂ ചേര്‍ത്ത് കാലുകള്‍ പത്തുമിനിട്ട് അതില്‍ മുക്കി വയ്ക്കാം. അതിനുശേഷം കാല്‍ പുറത്തെടുത്ത് ബ്രഷ് കൊണ്ട് നന്നായി വൃത്തിയാക്കണം.

മസാജ് ചെയ്യാം

അടുത്തതായി കാലുകളില്‍ നല്ലെണ്ണകൊണ്ട് മസാജ് ചെയ്യാം. ഇനി നെയില്‍പോളീഷ് തുടച്ചു മാറ്റി നഖങ്ങള്‍ വൃത്തിയാക്കാം.

വെണ്ണ കൊണ്ട് മസാജ്

അല്‍പം വെണ്ണയില്‍ ഇ ക്യാപ്‌സൂള്‍ പൊട്ടിച്ചൊഴിച്ച് അതുകൊണ്ട് കാല്‍പാദം നന്നായി മസാജ് ചെയ്യാം. ഇത് ചര്‍മത്തിന്റെ തിളക്കം കൂട്ടും. മൃദുവാകാനും സഹായിക്കും.

സ്‌ക്രബ്

ഇനി ഫൂട്ട് സ്‌ക്രബ് ഉപയോഗിച്ച് മസാജ് ചെയ്യണം. അല്‍പം റവയും പാല്‍പ്പാടയും നാരങ്ങാനീരും യോജിപ്പിച്ചാല്‍ നല്ലൊരു സ്‌ക്രബ് ലഭിക്കും.

മസാജ്

ചര്‍മം തുടച്ചുണക്കിയശേഷം അല്‍പം നല്ലെണ്ണയില്‍ പച്ചക്കര്‍പ്പൂരം പൊടിച്ചുചേര്‍ത്ത് ഹെര്‍ബല്‍ പായ്ക്ക് നല്‍കാം. 20 മിനിട്ട് വയ്ക്കണം.

കാല്‍പാദത്തിന്

ഹോം പെഡിക്യൂര്‍ മാസത്തില്‍ രണ്ടു തവണയെങ്കിലും ചെയ്യണം. ഇതോടൊപ്പം തന്നെ ദിവസവും കെയര്‍ നല്‍കുകയും ചെയ്യണം. മുട്ടയുടെ മഞ്ഞ, ബദാം ഓയില്‍, പനിനീര്‍, തേന്‍ ഇവ ചേര്‍ത്ത് ദിവസവും കുളിക്കും മുമ്പ് കാലുകളില്‍ പുരട്ടുന്നത് നല്ലതാണ്.

കാല്‍പാദത്തിന്

തേനും ഗ്ലിസറിനും നാരങ്ങാനീരും ചേര്‍ത്ത മിശ്രിതവും പാദത്തിന് പുരട്ടുന്നത് നല്ലതാണ്.

വെള്ളം

വെള്ളം നന്നായി കുടിക്കുക. ഇത് കാലിലെ വരള്‍ച്ചയ്ക്കും വിള്ളലിനും ആശ്വാസം നല്‍കും. കാലുകളിലെ കരിവാളിപ്പും മാറ്റും.

ചെരിപ്പ്

ഒരേ ചെരിപ്പ് തന്നെ സ്ഥിരമായി ഉപയോഗിക്കുന്നവരില്‍ കാലില്‍ നിറം മാറ്റം കാണാം. ചില ഭാഗങ്ങളില്‍ ചര്‍മം കട്ടിയാവും. ചെരിപ്പുകള്‍ മാറി മാറി ഉപയോഗിക്കുന്നത് നല്ലതാണ്.

കരുവാളിപ്പിന്

കരിവാളിപ്പുള്ള ഭാഗങ്ങളില്‍ വെള്ളരിക്കാനീരു പുരട്ടുന്നത് നല്ലതാണ്.

ചര്‍മം കട്ടിയായ ഭാഗം മാറ്റാന്‍

ചര്‍മം കട്ടിയായ ഭാഗങ്ങളില്‍ നാരങ്ങാത്തൊണ്ടും പഞ്ചസാരയും ചേര്‍ത്ത് ഉരസുന്നത് ഗുണം ചെയ്യും.