Click it and Unblock the Notifications
Just In
Don't Miss
-
'ആർട്സ് ക്ലബ്ബ് ഉദ്ഘാടനത്തിന് ക്ഷണിക്കാൻ പോയപ്പോൾ കിട്ടിയ വേഷമാണ്, ആദ്യ സീൻ വിജയ്ക്കൊപ്പമായിരുന്നു'; പൂർണിമ -
വിവാഹസമ്മാനമായി സഹോദരിക്ക് മോതിരവും ടിവിയും; ഭാര്യയ്ക്ക് ഇഷ്ടമായില്ല, യുവാവിനെ അടിച്ചുകൊന്നു -
IPL 2024: ഹാര്ദിക് അല്ല, ലോകകപ്പ് കളിക്കേണ്ടത് ശിവം ദൂബെ; താരത്തിന് പിന്നില് അണിചേര്ന്ന് ആരാധകര് -
വെറും 2.99 ലക്ഷം മാത്രം! വർക്കിലും ലുക്കിലും നിഞ്ചയെ തൂക്കും മാക് 2 പതിപ്പുമായി അൾട്രാവയലറ്റ് -
സ്ത്രീകൾക്ക് സാമ്പത്തിക സുരക്ഷിതത്വം ഉറപ്പാക്കാൻ 4 പോസ്റ്റ് ഓഫീസ് പദ്ധതികൾ -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം -
തീ തുപ്പും തുപ്പാക്കി പോലെ ഉശിരന്മാർ! റിയൽമി നാർസോ 70x 5ജിയും നാർസോ 70 5ജിയും എത്തി
അണ്ഡവും ബീജവും ചേരാതെ നശിപ്പിക്കും കോപ്പര്‍ടി; അറിയാം മറ്റ് മാര്‍ഗ്ഗങ്ങള്‍
ഗര്‍ഭനിരോധനം പലപ്പോഴും അല്‍പം വെല്ലുവിളികള്‍ നിറഞ്ഞതാണ് ദമ്പതികള്‍ക്ക്. എന്നാല്‍ ഗര്‍ഭമാഗ്രഹിക്കാത്ത അവസ്ഥയില്‍ ഗര്‍ഭം ധരിക്കുമ്പോള്‍ അത് കൂടുതല്‍ അസ്വസ്ഥതകള്‍ ഉണ്ടാക്കുന്നുണ്ട്. ഇത്തരം കാര്യങ്ങള്‍ അല്‍പം ശ്രദ്ധിച്ചാല്‍ ദമ്പതികള്‍ ഗര്‍ഭനിരോധനത്തെ തടയുന്നതിന് വേണ്ടി മറ്റ് ചില മാര്‍ഗ്ഗങ്ങള്‍ തേടുന്നു. പലരും ഗര്‍ഭനിരോധന ഗുളികകളാണ് കഴിക്കുന്നത്. എന്നാല്‍ ഇത് കൂടാതെ നോണ്‍ ഹോര്‍മോണല്‍ മാര്‍ഗ്ഗങ്ങള്‍ ഗര്‍ഭനിരോധനത്തിന് സഹായിക്കുന്നുണ്ട് എന്നുള്ളതാണ് സത്യം. എല്ലാ സ്ത്രീകളും ഗര്‍ഭനിരോധന ഗുളികയെ ഇഷ്ടപ്പെടുന്നില്ല, കാരണം ഇത് അവരുടെ സ്വാഭാവിക പ്രത്യുത്പാദന ചക്രത്തെ ബാധിക്കുകയും നിരവധി പാര്‍ശ്വഫലങ്ങള്‍ക്ക് കാരണമാവുകയും ചെയ്യും. നിങ്ങളുടെ ഹോര്‍മോണുകളെ ബാധിക്കാതെ അനാവശ്യ ഗര്‍ഭധാരണം ഒഴിവാക്കാന്‍ നോണ്‍-ഹോര്‍മോണ്‍ ഗര്‍ഭനിരോധന നടപടികള്‍ നിരവധിയുണ്ട്.
നോണ്‍ഹോര്‍മോണ്‍ ഗര്‍ഭനിരോധന മാര്‍ഗ്ഗങ്ങള്‍ നിരവധിയാണ്. എന്നാല്‍ ഇവ എന്താണ് ഇവയെക്കുറിച്ച് കൂടുതല്‍ അറിയുന്നതിന് വേണ്ടി നമുക്ക് വായിക്കാവുന്നതാണ്. നോണ്‍-ഹോര്‍മോണ്‍ രീതികള്‍ക്ക് ഹോര്‍മോണുകളെയോ സ്വാഭാവിക പ്രത്യുത്പാദന ആര്‍ത്തവത്തേയോ ബാധിക്കാതെ ഗര്‍ഭം തടയുന്നുണ്ട്. ഹോര്‍മോണ്‍ ഗര്‍ഭനിരോധന മാര്‍ഗ്ഗങ്ങള്‍ അണ്ഡാശയത്തെ മുട്ടകള്‍ പുറത്തുവിടുന്നത് തടയുമ്പോള്‍, ഹോര്‍മോണ്‍ ഇതര ഗര്‍ഭനിരോധന മാര്‍ഗ്ഗങ്ങള്‍ ബീജസങ്കലനം സംഭവിക്കുന്നതില്‍ നിന്ന് ബീജത്തേയും അണ്ഡത്തേയും വേര്‍പെടുത്തുന്നുണ്ട്. ഗര്‍ഭനിരോധനത്തിന് ഇന്നത്തെ കാലത്ത് പല വിധത്തിലുള്ള മാര്‍ഗ്ഗങ്ങള്‍ നിലവിലുണ്ട്. എങ്കിലും മരുന്നുകള്‍ ഉപയോഗിക്കുന്നതിന് പല സ്ത്രീകളും വിമുഖത കാണിക്കുന്നുണ്ട്. ഈ അവസ്ഥയിലാണ് നോണ്‍ഹോര്‍മോണല്‍ മാര്‍ഗ്ഗങ്ങള്‍ ഉപയോഗിക്കുന്നത് വളരെയധികം സുരക്ഷിതമായി പലരും കണ്ടെത്തിയത്. ഇതിനെക്കുറിച്ച് കൂടുതല്‍ അറിയുന്നതിന് വേണ്ടി വായിക്കൂ.
കോണ്ടം
ഏറ്റവും സാധാരണമായ നോണ്‍ ഹോര്‍മോണ്‍ ഗര്‍ഭനിരോധന മാര്‍ഗ്ഗമാണിത്. ഇത് ഉപയോഗിക്കുന്നതിലൂടെ അത് ബീജത്തെ സ്ത്രീകളുടെ പ്രത്യുത്പാദന ഭാഗത്ത് എത്തുന്നതിനെ തടയുകയും ബീജസങ്കലനം നടക്കാതിരിക്കുകയും ചെയ്യുന്നു. ഇത് ശരിയായി ഉപയോഗിക്കുമ്പോള്‍, അത് വളരെ ഫലപ്രദമാണ്. ലൈംഗിക ബന്ധത്തില്‍ കോണ്ടം ഉപയോഗിക്കണം. ഒരൊറ്റ കോണ്ടം ഒരിക്കല്‍ മാത്രമേ ഉപയോഗിക്കാനാകൂ, വീണ്ടും ഉപയോഗിക്കാന്‍ കഴിയില്ല. ഇതിന് പ്രത്യേകിച്ച് പ്രിസ്‌ക്രിപ്ഷന്റെ ആവശ്യമില്ല എന്നുള്ളതാണ് സത്യം. ഇത് ഗര്‍ഭനിരോധനത്തിന് സഹായിക്കുന്നുണ്ട്.
സ്ത്രീ കോണ്ടം
പുരുഷന്‍മാരില്‍ മാത്രമല്ല സ്ത്രീകളിലും കോണ്ടം ഉപയോഗിക്കാവുന്നതാണ്. ബീജം സ്ത്രീയുടെ ശരീരത്തില്‍ പ്രവേശിക്കുന്നത് തടയാന്‍ നിര്‍മ്മിച്ച ലൂബ്രിക്കേറ്റഡ്, മൃദുവായ പോളിയുറീന്‍ കവചമാണിത്. നോണ്‍ ഹോര്‍മോണ്‍ ആയ ഈ ഗര്‍ഭനിരോധനം ഒരു പുരുഷ കോണ്ടം പ്രവര്‍ത്തിക്കുന്നതുപോലെ പ്രവര്‍ത്തിക്കുന്നു. ഇത് ശരിയായി ഉപയോഗിക്കുമ്പോള്‍ ഇത് 95% ഫലപ്രദമാണ്. ഒരു സ്ത്രീ കോണ്ടം ഒരു ലൂബ്രിക്കന്റ് കൊണ്ട് നിറഞ്ഞിരിക്കുന്നു. ഇത് ഗര്‍ഭനിരോധനത്തിന് സഹായിക്കുന്നുണ്ട്. ഇത് കൂടാതെ ലൈംഗിക രോഗങ്ങളില്‍ നിന്ന് പ്രതിരോധിക്കുന്നതിനും സഹായിക്കുന്നുണ്ട്.
ബീജനാശിനി
ബീജങ്ങളെ കൊല്ലുന്ന രാസ ഏജന്റുകള്‍ ബീജനാശിനികളില്‍ അടങ്ങിയിരിക്കുന്നു. ജെല്‍, ഫിലിം, ക്രീം, ടാബ്ലെറ്റ്, സ്‌പോഞ്ച് അല്ലെങ്കില്‍ മെല്‍റ്റിംഗ് സപ്പോസിറ്ററി ഉള്‍പ്പെടെ വിവിധ രൂപങ്ങളില്‍ അവ ലഭ്യമാണ്. ലൈംഗിക ബന്ധത്തിന് ഒരു മണിക്കൂര്‍ മുമ്പ് ശുക്ലനാശിനി സ്ത്രീ സ്വകാര്യഭാഗത്ത് വയ്ക്കുകയും ലൈംഗിക ബന്ധത്തിന് ശേഷം ഏകദേശം ആറ് മുതല്‍ എട്ട് മണിക്കൂര്‍ വരെ ഇത് അവിടെ തന്നെ വെക്കുകയും വേണം. സെര്‍വിക്കല്‍ ക്യാപ് അല്ലെങ്കില്‍ ഡയഫ്രം പോലുള്ള മറ്റ് ഗര്‍ഭനിരോധന മാര്‍ഗ്ഗങ്ങള്‍ക്കൊപ്പം ഇത് ഉപയോഗിക്കുന്നു.ഹോര്‍മോണ്‍ ഇതര ഗര്‍ഭനിരോധന മാര്‍ഗ്ഗം ഉപയോഗിക്കുന്നതിന് മുമ്പ് നിങ്ങളുടെ ഡോക്ടറെ സമീപിക്കേണ്ടതാണ്.
സെര്‍വിക്കല്‍ ക്യാപ്പ്
മൃദുവായ, നേര്‍ത്ത സിലിക്കണ്‍ കൊണ്ട് നിര്‍മ്മിച്ച കപ്പ് ആണ് ഇത്. ബീജസങ്കലനത്തിനായി ബീജം ഗര്‍ഭപാത്രത്തില്‍ പ്രവേശിക്കുന്നത് തടയാന്‍ ഈ നോണ്‍-ഹോര്‍മോണ്‍ ഗര്‍ഭനിരോധന മാര്‍ഗ്ഗം ഗര്‍ഭാശയത്തെ മൂടുന്ന തരത്തിലേക്ക് വരുന്നു. ശരിയായി ഉപയോഗിക്കുമ്പോള്‍ ഇത് 92 മുതല്‍ 96% വരെ ഫലപ്രദമാണ്. ഇത് വ്യത്യസ്ത വലുപ്പങ്ങളില്‍ ലഭ്യമാണ്, നിങ്ങള്‍ ലൈംഗിക ബന്ധത്തില്‍ ഏര്‍പ്പെടുമ്പോള്‍ ഇത് ഉപയോഗിക്കണം. ലൈംഗിക ബന്ധത്തിന് ശേഷം ഏകദേശം ആറ് മണിക്കൂറോ അതില്‍ കൂടുതലോ കപ്പ് ഉണ്ടായിരിക്കണം. എന്നാല്‍ ഇത് 30 മണിക്കൂറില്‍ കൂടുതല്‍ യോനിക്കുള്ളില്‍ വയ്ക്കരുത്. എന്നാല്‍ ഇത് വാങ്ങിക്കുന്നതിന് ഒരു ഡോക്ടറുടെ പ്രിസ്‌ക്രിപ്ഷന്‍ ആവശ്യമാണ്.
ഗര്‍ഭനിരോധന സ്‌പോഞ്ച്
മൃദുവായ, തലയിണയുടെ ആകൃതിയിലുള്ള ഈ സ്‌പോഞ്ചില്‍ ബീജത്തെ കൊല്ലുന്ന ഒരു ബീജനാശിനി (നോണോക്‌സിനോള്‍ -9) അടങ്ങിയിട്ടുണ്ട്. ഇത് യോനിയില്‍ വെക്കുന്നതിന് മുമ്പ് നനയ്ക്കണം. ഇത് സ്ത്രീ സ്വകാര്യഭാഗത്ത് സെര്‍വിക്‌സിനു മുകളിലായാണ് വെക്കേണ്ടത്. ലൈംഗിക ബന്ധത്തിന് ശേഷം കുറഞ്ഞത് ആറ് മണിക്കൂറെങ്കിലും സ്‌പോഞ്ച് 24 മണിക്കൂറും സ്ത്രീ സ്വകാര്യഭാഗത്ത് സൂക്ഷിക്കണം. എന്നാല്‍ ശ്രദ്ധാപൂര്‍വ്വം ഉപയോഗിക്കേണ്ടതാണ്. അല്ലാത്ത പക്ഷം അത് ചെറിയ പാര്‍ശ്വഫലങ്ങള്‍ ഉണ്ടാക്കുന്നുണ്ട്. നിങ്ങളുടെ ആര്‍ത്തവ സമയത്ത് അല്ലെങ്കില്‍ നിങ്ങള്‍ക്ക് അണുബാധയുണ്ടെങ്കില്‍ ഗര്‍ഭനിരോധന സ്‌പോഞ്ച് ഉപയോഗിക്കരുത്. അലര്‍ജി പോലുള്ള പ്രശ്‌നങ്ങളെങ്കിലും ഇവ ഉപയോഗിക്കരുത്.
കോപ്പര്‍ ടി (IUD)
ഒരു ചെറിയ, ടി ആകൃതിയിലുള്ള ചെമ്പ് ഉപകരണമാണ് കോപ്പര്‍ ടി. ഇത് ഗര്‍ഭപാത്രത്തിലേക്ക് വെക്കുന്നതാണ്. ചെറിയ ഒരു മെഡിക്കല്‍ നടപടിക്രമത്തിലൂടെയാണ് ഇത് സ്ഥാപിക്കുന്നത്. ഇത് സുരക്ഷിതമായ ഗര്‍ഭനിരോധന മാര്‍ഗ്ഗമാണ്. ഇത് പരമാവധി 10 വര്‍ഷത്തേക്ക് വരെ ഗര്‍ഭപാത്രത്തില്‍ സൂക്ഷിക്കാവുന്നതാണ്. അതിനുശേഷം അത് മാറ്റണം. ബീജം അണ്ഡവുമായി കൂടിച്ചേരുന്നതില്‍ നിന്ന് ഇത് തടയുകയും ബീജസങ്കലനം ചെയ്ത അണ്ഡം സ്വയം ചേരാതിരിക്കാന്‍ ഗര്‍ഭാശയ പാളി മാറ്റുകയും ചെയ്യുന്നു. എന്തെങ്കിലും തരത്തിലുള്ള പാര്‍ശ്വഫലങ്ങള്‍ ഉണ്ടായാല്‍ ഉടനേ തന്നെ ഡോക്ടറെ സമീപിക്കേണ്ടതാണ്.
