അമ്മിഞ്ഞപ്പാലിനായി അമ്മിഞ്ഞയെ ഒരുക്കൂ

മോയിസ്ചര്‍

സ്തനങ്ങള്‍ നല്ലപോലെ മോയിസ്ചര്‍ പുരട്ടി സംരക്ഷിയ്ക്കുക. തികച്ചും പ്രകൃതിദത്തമായവ ഉപയോഗിയ്ക്കുന്നതാണ് നല്ലത്. ഇത് സ്തനങ്ങള്‍ വരണ്ട് വിണ്ടുപൊട്ടുന്നതു തടയും. പാലൂട്ടല്‍ സമയത്ത് സ്തനങ്ങളിലെ വരണ്ട തൊലി അമ്മയ്ക്കും കുഞ്ഞിനും ഒരുപോലെ അസുഖകരമായ അനുഭവമായിരിയ്ക്കും.

നിപ്പിളുകള്‍

നിപ്പിളുകള്‍ ഉള്ളിലേയ്ക്കു വലിഞ്ഞിരിയ്ക്കുന്നത് പാലൂട്ടലിന് തടസം നില്‍ക്കുന്ന ഒന്നാണ്. നിപ്പിളുകള്‍ വിണ്ടു പൊട്ടുന്നതിനും അസഹ്യമായ വേദനയുണ്ടാകുന്നതിനും കുഞ്ഞു പാലു വലിച്ചു കുടിയ്ക്കുമ്പോള്‍ രക്തം വരുന്നതിനുമെല്ലാം ഇതു കാരണമാകും. ഗര്‍ഭകാലത്തു തന്നെ നിപ്പിളുകള്‍ എണ്ണ പുരട്ടിയോ മറ്റോ പുറത്തേയ്ക്കു വലിയ്ക്കുക. ഇത് നിപ്പിളുകള്‍ പാലൂട്ടലിന് സജ്ജമാകാന്‍ സഹായിക്കും.

ടൈറ്റന്‍

നിപ്പിളുകള്‍ ടൈറ്റന്‍ ചെയ്യേണ്ടതിന്റെ, അതായത് നിപ്പിളുകള്‍ക്കു മുറുക്കം വര്‍ദ്ധിപ്പിയ്ക്കാനുള്ള വഴികള്‍ പണ്ടു കാലത്തു ചെയ്തു വരാറുണ്ട്. എന്നാല്‍ ഇതിന്റെ ആവശ്യമില്ല. ഇത് സ്വാഭാവികമായി വന്നു ചേരും. കുഞ്ഞിനു കുടിയ്ക്കാനും കുഞ്ഞു കുടിച്ചു തുടങ്ങുമ്പോഴും നിപ്പിളുകള്‍ സ്വാഭാവികമായി മുറുക്കം വയ്ക്കും. ഇതിനായി പ്രത്യേകിച്ചൊന്നും ചെയ്യേണ്ടതില്ലെന്നര്‍ത്ഥം.

മാറിടങ്ങള്‍ക്ക് സപ്പോര്‍ട്ട്

മാറിടങ്ങള്‍ക്ക് സപ്പോര്‍ട്ട് നല്‍കേണ്ടത് മാറിട സൗന്ദര്യത്തിനു മാത്രമല്ല, മുലയൂട്ടല്‍ സമയത്ത് അമ്മയ്ക്കുണ്ടാകുന്ന അസ്വസ്ഥകള്‍ വരെ ഒഴിവാക്കാന്‍ പ്രധാനമാണ്. മാറിട വലിപ്പം ഗര്‍ഭകാലത്ത് കൂടുന്നതു സാധാരണയാണ്. ഇതനുസരിച്ച് മാറിടത്തിന് സപ്പോര്‍ട്ട് നല്‍കുന്ന ബ്രാ ഉപയോഗിയ്ക്കുക. മാറിടത്തില്‍ പാല്‍ വന്നൂറുന്ന മസമയത്തും മാറിടത്തിന് സപ്പോര്‍ട്ട് നല്‍കണം. അല്ലെങ്കില്‍ മാറിടങ്ങള്‍ അയഞ്ഞു തൂങ്ങാന്‍ സാധ്യതയേറെയാണ്.

പാലൂട്ടലിന്

മാറിട ഭംഗി കളയുമെന്നതു മാത്രമല്ല, മാറിടത്തിന് വേദനയുണ്ടാകുവാനും പാലൂട്ടലിന് തടസമാകാനും ഇതു കാരണമാകും. ഇതു പോലെ പാലൂട്ടലിനു തടസമാകാത്ത വിധത്തിലെ നേഴ്‌സിംഗ് ബ്രാ പോലുള്ളവ അമ്മയ്ക്കു കുഞ്ഞിനും പാലൂട്ടലിന് സഹായിക്കും.

പാലുല്‍പാദനത്തിന്

പാലുല്‍പാദനത്തിന് സഹായിക്കുന്ന പല തരത്തിലെ ഭക്ഷണങ്ങളുണ്ട്. ഇവ അമ്മ നേരത്തെ കഴിച്ചു തുടങ്ങുക. കുഞ്ഞിന് മുലയൂട്ടല്‍ തുടങ്ങുന്ന സമയത്തല്ല, ഇതിനു മുന്‍പു തന്നെ ഇതു കഴിയ്ക്കുന്നതാണ് പാല്‍ ഉല്‍പാദനത്തിനു കൂടുതല്‍ സഹായകമാകുക. ഉലുവ, തേങ്ങാപ്പാല്‍ തുടങ്ങിയ ധാരാളം നാടന്‍ ഭക്ഷണങ്ങള്‍ ഇതിനു സാധിയ്ക്കും.

മാറിടങ്ങളുടെ വൃത്തിയും

ഗര്‍ഭകാലത്തു തന്നെ മാറിടങ്ങളുടെ വൃത്തിയും പ്രധാനപ്പെട്ടതാണ്. നല്ല വൃത്തിയായി മാറിടവും നിപ്പിളും ചുറ്റുമുള്ള ഭാഗങ്ങളും സംരക്ഷിയ്ക്കുക. വിയര്‍പ്പും അഴുക്കും അടിഞ്ഞു കൂടാതെ സൂക്ഷിയ്ക്കുക.