പ്രസവം സിസേറിയനോ നോര്‍മലോ, നേരത്തേയറിയാം

പ്രസവ വേദനയുടെ തുടക്കം

പ്രസവ വേദന തന്നെയാണ് ആദ്യ ലക്ഷണം. ഏകദേശം എട്ട് മുതല്‍ പതിനാല് മണിക്കൂര്‍ വരെ നീണ്ട് നില്‍ക്കുന്ന പ്രസവ വേദനയുണ്ട്. വേദന തുടങ്ങിക്കഴിഞ്ഞാല്‍ മനസ്സിലാക്കാം പ്രസവം അടുത്തെന്ന്.

സെര്‍വിക്‌സ് വികസിക്കുന്നു

നിങ്ങളുടെ സെര്‍വിക്‌സ് അഥവാ ഗര്‍ഭാശയഗളത്തിന്റെ വ്യാപ്തം ഒന്നു മുതല്‍ പത്ത് സെന്റി മീറ്റര്‍ വരെയാവുന്നു. കുഞ്ഞിന്റെ തലയാണ് ആദ്യം കാണുന്നതെങ്കില്‍ പ്രസവം സാധാരണ രീതിയില്‍ നടക്കും. എന്നാല്‍ കാല്‍ ഭാഗമോ മറ്റേതെങ്കിലും ഭാഗമോ ആണെങ്കില്‍ സിസേറിയന്‍ അത്യാവശ്യമായിരിക്കും.

സെര്‍വിക്‌സ് വികസിക്കാനുള്ള ബുദ്ധിമുട്ട്

പ്രസവ വേദന ഉണ്ടെങ്കിലും സെര്‍വിക്‌സ് വികസിക്കാതിരുന്നാല്‍ അതുണ്ടാക്കുന്ന ബുദ്ധിമുട്ട് അവസാനം സിസേറിയനിലേക്കാണ് എത്തുന്നത്.

പ്രസവസമയത്ത്

പ്രസവ സമയത്ത് വരെ സ്ത്രീകള്‍ക്ക് ഇഷ്ടമുള്ളത് പോലെ ചലിക്കാനും ഭക്ഷണം കഴിക്കാനും വരെ കഴിയും. അതിനര്‍ത്ഥം ഒരു സാധാരണ പ്രക്രിയയാണ് പ്രസവം എന്നത് തന്നെ.

സിസേറിയന്‍ ചെയ്യേണ്ടത്

ഗര്‍ഭം ധരിച്ചത് ഇരട്ടക്കുട്ടികള്‍ ആണെങ്കിലോ, കുഞ്ഞിനും അമ്മക്കും എന്തെങ്കിലും അപകടാവസ്ഥയുണ്ടെങ്കിലോ കുഞ്ഞിന്റെ പോസിഷനില്‍ മാറ്റമുണ്ടെങ്കിലോ ആണ് പ്രധാനമായും സിസേറിയന്‍ ഡോക്ടര്‍മാര്‍ ശുപാര്‍ശ ചെയ്യുന്നത്.

പ്രസവശേഷം

യോനിയിലൂടെ കുഞ്ഞിനെ പുറന്തള്ളുന്നതാണ് പ്രസവം. ഇതില്‍ പ്രധാനമായും മൂന്ന് ഘട്ടങ്ങളാണ് ഉള്ളത്. ആദ്യഘട്ടം ഗര്‍ഭാശയ മുഖം ചുരുങ്ങുന്നതും വികസിക്കുന്നതുമാണ് രണ്ടാംഘട്ടമാണ് പ്രസവം മൂന്നാം ഘട്ടം എന്ന് പറയുന്നത് മറുപിള്ളയെ പുറന്തള്ളുന്നതാണ്.

പ്രസവ വേദന

പ്രസവ വേദന തുടങ്ങുന്നത് തന്നെ കൊളുത്തിപ്പിടിക്കുന്ന തരത്തിലുള്ള പുറം വേദനയോ വയറു വേദനയോ ആണ്. ഇത് ഇടവിട്ട് ഉണ്ടാവുകയും ചെയ്യുന്നു.