പാലൂട്ടുന്നത് അമ്മക്കും കുഞ്ഞിനും അത്ഭുതഗുണം

രോഗപ്രതിരോധ ശേഷി

നിങ്ങളുടെ കുട്ടിയുടെ പ്രതിരോധശേഷി വര്‍ദ്ധിപ്പിക്കുന്നതിന് മുലയൂട്ടുന്നതിലൂടെ സാധിക്കുന്നുണ്ട്. മുലയൂട്ടുന്ന കുഞ്ഞുങ്ങള്‍ക്ക് അസുഖവും മരണനിരക്കും കുറവാണെന്ന് പഠനങ്ങള്‍ കണ്ടെത്തി. ഒരു കുഞ്ഞ് എത്രനേരം മുലയൂട്ടുന്നുവോ അത്രയും പ്രതിരോധശേഷി വര്‍ദ്ധിക്കുമെന്നും ഗവേഷകര്‍ പറയുന്നു. ഇതെല്ലാം നിങ്ങളുടെ ആരോഗ്യത്തിന് നല്‍കുന്ന ഗുണങ്ങള്‍ ചില്ലറയല്ല. അമ്മക്കും കുഞ്ഞിനും ഇത് പ്രതിരോധ ശേഷി വര്‍ദ്ധിപ്പിക്കുന്നുണ്ട്. ഇതിലൂടെ നിങ്ങളുടെ ആരോഗ്യത്തിന് ഉണ്ടാവുന്ന ഗുണങ്ങള്‍ അത്ഭുതം നിറക്കുന്നതാണ്. അതിലൂടെ ആരോഗ്യവും കരുത്തും വര്‍ദ്ധിക്കുന്നുണ്ട്. പെട്ടെന്നുണ്ടാവുന്ന രോഗങ്ങളില്‍ നിന്ന് മുക്തി നേടുന്നതിന് മികച്ചതാണ് മുലപ്പാല്‍ നല്‍കുന്നത്. പനി, ജലദോഷം എന്നീ അവസ്ഥകള്‍ വരാതിരിക്കുന്നതിന് അമ്മക്കും കുഞ്ഞിനും മികച്ചതാണ് ഇത്.

അലര്‍ജിയുണ്ടാവില്ല

നിങ്ങളുടെ കുട്ടിയെ അലര്‍ജികളില്‍ നിന്ന് സംരക്ഷിക്കുന്നതിന് മുലപ്പാല്‍ നല്‍കുന്നത് സഹായിക്കുന്നുണ്ട്. നവജാതശിശുക്കളില്‍ അലര്‍ജി തടയാന്‍ സഹായിക്കുന്ന പ്രോട്ടീനുകള്‍ മുലപ്പാലില്‍ അടങ്ങിയിരിക്കുന്നു. പാല്‍ അലര്‍ജി, എക്സിമ എന്നിവയില്‍ നിന്ന് ഉയര്‍ന്ന അപകടസാധ്യതയുള്ള ശിശുക്കളെ സംരക്ഷിക്കാന്‍ കുറഞ്ഞത് 4 മാസമെങ്കിലും തുടര്‍ച്ചയായി മുലയൂട്ടല്‍ സഹായിക്കുമെന്ന് പഠനങ്ങള്‍ തെളിയിച്ചിട്ടുണ്ട്. ഇത് കൂടാതെ ആരോഗ്യത്തിന് മികച്ചതാക്കി മാറ്റുന്നതിന് സഹായിക്കുന്ന അസ്വസ്ഥതകള്‍ക്ക് പരിഹാരം കാണുന്നതിന് മികച്ചതാണ് മുലപ്പാല്‍ നല്‍കുന്നത്.

മസ്തിഷ്‌ക വികസനത്തിന് സഹായിക്കുന്നു

കുട്ടികളില്‍ മസ്തിഷ്‌ക വികസനത്തിന് സഹായിക്കുന്ന ഒന്നാണ് മുലപ്പാല്‍ നല്‍കുന്നത്. സ്ഥിരമായി മുലയൂട്ടുന്നത് കുഞ്ഞുങ്ങളില്‍ മസ്തിഷ്‌ക വികസനം മെച്ചപ്പെടുത്താന്‍ സഹായിക്കുന്നു. ന്യൂറോണുകളുടെ ആക്‌സോണുകളില്‍ മെയ്‌ലിന്‍ രൂപപ്പെടുന്നതില്‍ മുലപ്പാലിലെ കൊഴുപ്പ് പദാര്‍ത്ഥങ്ങള്‍ ആണ് ഇതിന് സഹായിക്കുന്നത്. എന്‍സൈമുകളും ഹോര്‍മോണുകളും ഉള്‍പ്പെടെയുള്ള പോഷകേതര ഘടകങ്ങള്‍ - ശൈശവാവസ്ഥയില്‍ ന്യൂറോണുകളുടെ വികാസത്തിന് കാരണമാകുന്നു. അതുകൊണ്ട് തന്നെ ഇത്തരം അവസ്ഥകള്‍ക്ക് പരിഹാരം കാണുന്നതിന് സഹായിക്കുന്നുണ്ട്. അതുകൊണ്ട് തന്നെ ഇത്തരം അവസ്ഥകള്‍ അല്‍പം ശ്രദ്ധിക്കണം.

സ്തനാര്‍ബുദ സാധ്യത കുറയ്ക്കുന്നു

സ്ത്രീകളെ വളരെയധികം ബുദ്ധിമുട്ടിക്കുന്ന ഭയപ്പെടുത്തുന്ന ഒന്നാണ് സ്തനാര്‍ബുദം. ഇതിന് പരിഹാരം കാണുന്നതിന് വേണ്ടി കുഞ്ഞിന് മുലയൂട്ടുന്നത് സഹായിക്കും എന്നാണ് പറയുന്നത്. മുലയൂട്ടലും നിങ്ങളുടെ ആരോഗ്യത്തിന് നല്ലതാണ്. മുലയൂട്ടുന്ന അമ്മമാര്‍ക്ക് സ്തന, അണ്ഡാശയ, എന്‍ഡോമെട്രിയല്‍ കാന്‍സര്‍ വരാനുള്ള സാധ്യത കുറവാണ്. മുകളില്‍ പറഞ്ഞ എല്ലാ വിധത്തിലുള്ള ക്യാന്‍സറിനും പരിഹാരമാണ് മുലയൂട്ടല്‍. ഈ അവസ്ഥയില്‍ ഉണ്ടാവുന്ന അസ്വസ്ഥതകളെ ഇല്ലാതാക്കുന്നതിനും സഹായിക്കുന്നുണ്ട്.

ശരീരഭാരം കുറക്കാന്‍

അമിതവണ്ണം കൊണ്ട് ബുദ്ധിമുട്ടുന്നവര്‍ക്ക് പരിഹാരം കാണുന്നതിനും മുലയൂട്ടുന്നത് സഹായിക്കുന്നുണ്ട്.

പ്രസവ ശേഷം അമ്മമാരുടെ അമിതവണ്ണം സാധാരണമാണ്. എന്നാല്‍ പ്രസവ ശേഷം ഉണ്ടാവുന്ന ശരീരഭാരം കുറയ്ക്കാന്‍ മുലയൂട്ടല്‍ സഹായിക്കും. ഒരു പഠനം വെളിപ്പെടുത്തിയത് കുറഞ്ഞത് ആറുമാസത്തേക്കെങ്കിലും മുലയൂട്ടുന്നത് അമ്മമാര്‍ക്ക് ചെറിയ അരക്കെട്ടിലും ഇടുപ്പ് ചുറ്റളവിലും ഉള്ള കൊഴുപ്പിനെ ഇല്ലാതാക്കുന്നതിന് സഹായിക്കുന്നു എന്നാണ്.