കുട്ടിവളര്‍ച്ച ശരിയായി നടക്കാന്‍ കോഡ്ലിവര്‍ ഓയില്‍

വൈറ്റമിന്‍ ഡി

കുട്ടികള്‍ക്ക് അത്യാവശ്യമായ ഒരു വൈറ്റമിനാണ് വൈറ്റമിന്‍ ഡി. ഇത് കാല്‍സ്യം ശരീരം ആഗിരണം ചെയ്യുവാനും അത്യാവശ്യമാണ്. കോഡ് ലിവര്‍ ഓയില്‍ വൈററമിന്‍ ഡിയുടെ നല്ലൊരു ഉറവിടമാണ്.

ടൈപ്പ് 1 ഡയബെറ്റിസ്

ടൈപ്പ് 1 ഡയബെറ്റിസ് കുട്ടികളില്‍ ധാരാളമായി കണ്ടു വരുന്ന ഒന്നാണ്. കോഡ് ലിവര്‍ ഓയില്‍ കുട്ടികള്‍ക്കു നല്‍കുന്നത് ഈ സാധ്യത കുറയ്ക്കാന്‍ സഹായിക്കുന്നു. ഇതിലെ ഒമേഗ 3 ഫാറ്റി ആസിഡുകളാണ് ഈ ഗുണം പ്രധാനമായും നല്‍കുന്നത്.

ബ്രെയിന്‍ വളര്‍ച്ചയ്ക്ക്

കുട്ടികളിലെ ബ്രെയിന്‍ വളര്‍ച്ചയ്ക്ക് അത്യാവശ്യമാണ് കോഡ് ലിവര്‍ ഓയില്‍. ഈ ഓയില്‍ കുഞ്ഞായിരിയ്ക്കുമ്പോഴോ ഗര്‍ഭത്തിന്റെ അവസാനത്തെ മൂന്നു മാസങ്ങളിലോ നല്‍കിയാല്‍ ഇത് കുട്ടിയുടെ ബ്രെയിന്‍ വളര്‍ച്ചയ്ക്ക് കാര്യമായ സഹായം ചെയ്യുമെന്നു വേണം, പറയാന്‍.

പ്രതിരോധ ശേഷി

പ്രതിരോധ ശേഷി വര്‍ദ്ധിപ്പിയ്ക്കുന്നതില്‍ പ്രധാനപ്പെട്ട ഒന്നാണ് കോഡ് ലിവര്‍ ഓയില്‍. കുട്ടികള്‍ പെട്ടെന്നു തന്നെ അസുഖങ്ങള്‍ക്ക് അടിമപ്പെടുന്നവരുമാണ്. ഇതിനുള്ള നല്ലൊരു പ്രതിവിധിയാണ് കുട്ടികള്‍ക്ക് കോഡ് ലിവര്‍ ഓയില്‍ നല്‍കുന്നത്. ഇത് കുട്ടികള്‍ക്ക് ബാക്ടീരിയല്‍, വൈറല്‍ അണുബാധകളില്‍ നിന്നും രക്ഷ നല്‍കുന്നു.

ശ്വാസകോശ സംബന്ധമായ അലര്‍ജി

ശ്വാസകോശ സംബന്ധമായ അലര്‍ജിയും ഇന്‍ഫെകഷനുകളും തടയാന്‍ കോഡ് ലിവര്‍ ഓയില്‍ ഏറെ നല്ലതാണ്. പ്രത്യേകിച്ചും അപ്പര്‍ റെസ്പിരിയേറ്ററി ട്രാക് ഇന്‍ഫെക്ഷനുകള്‍. കുട്ടികള്‍ക്ക് ഈ രീതിയിലും കോഡ് ലിവര്‍ ഓയില്‍ രക്ഷ നല്‍കുന്നു.

കുട്ടികളുടെ കണ്ണിന്റെ

കുട്ടികളുടെ കണ്ണിന്റെ ആരോഗ്യത്തിനും ഉത്തമമാണ് ഇത്. വൈറ്റമിന്‍ എ സമ്പുഷ്ടമായ ഇത് കാഴ്ച ശക്തി വര്‍ദ്ധിപ്പിയ്ക്കുന്നുവെന്നു മാത്രമല്ല, ഗ്ലൂക്കോമ പോലുളള അവസ്ഥകള്‍ തടയുകയും ചെയ്യുന്നു. കണ്ണിലേയ്ക്കുള്ള രക്തസഞ്ചാരം കൂടുതല്‍ മെച്ചപ്പെടുന്നു. ഇതിലെ ഒമേഗ 3 ഫാറ്റി ആസിഡാണ് ഈ ഗുണം നല്‍കുന്നത്.

കുട്ടികളിലെ ഡിപ്രഷന്

കുട്ടികളിലെ ഡിപ്രഷന് ഏറ്റവും നല്ലൊരു പ്രതിവിധിയാണ് കോഡ് ലിവര്‍ ഓയില്‍. ഇത് ഡിപ്രഷന്‍ സാധ്യത 30 ശതമാനം വരെ കുറയ്ക്കുന്നതായി പഠനങ്ങള്‍ പറയുന്നു. കുട്ടികളിലെ ഗ്യാസ്ട്രിക് അള്‍സര്‍ പോലുള്ള പ്രശ്‌നങ്ങള്‍ക്കും കോഡ് ലിവര്‍ ഓയില്‍ നല്‍കുന്നത് നല്ലൊരു പരിഹാരം തന്നെയാണ്.