തിരക്കാണെങ്കിലും കുഞ്ഞിന് മുലപ്പാല്‍ കൊടുക്കാം

സമയക്രമം തീരുമാനിക്കുക

പ്രസവാവധി തീരുന്നതിനു മുൻപ് തന്നെ കുഞ്ഞിന് പാൽ കൊടുക്കുന്നതിനുള്ള സമയക്രമം തീരുമാനിക്കുക. പരിചാരകരെ നിങ്ങളുടെ മുന്നിൽ വച്ച് തന്നെ കുപ്പിയിലാക്കിയ മുലപ്പാൽ കുഞ്ഞിന് കൊടുത്തു ശീലിപ്പിക്കുക. അപ്പോൾ കുഞ്ഞും അതുമായി പരിചയപ്പെടും.

പാൽ സൂക്ഷിച്ചു കൊടുക്കുന്നത്

ഓഫീസിൽ പോകുന്നതിനു ഒരാഴ്ച മുൻപ് തന്നെ പാൽ പമ്പു ചെയ്തു സൂക്ഷിച്ചു കൊടുക്കുന്നത് തുടങ്ങുക.

പാലിന്റെ അളവിനെ

പാലിന്റെ അളവിനെ ഓർത്തു വേവലാതിപ്പെടാതിരിക്കുക. ചിലപ്പോൾ അത് 10 മില്ലി ,15 അല്ലെങ്കിൽ 50 മില്ലി വരെ ആകാം. പതിവായി പമ്പു ചെയ്തു തുടങ്ങുമ്പോൾ നിങ്ങളുടെ തലച്ചോറിൽ സിഗ്നൽ എത്തുകയും കുഞ്ഞിനായി കൂടുതൽ പാൽ ലഭിക്കുകയും ചെയ്യും.

സ്വകാര്യ സ്ഥലം ആവശ്യപ്പെടുക

ജോലി സ്ഥലത്തു നിങ്ങളുടെ ഉദ്ദ്യോഗസ്ഥരോട് കുഞ്ഞിനായി മുലപ്പാൽ പമ്പു ചെയ്യാനായി സ്വകാര്യ സ്ഥലം ആവശ്യപ്പെടുക. അതിനെ വായു കടക്കാത്ത ബി പി എ ഇല്ലാത്ത കണ്ടയിനറിൽ സൂക്ഷിച്ചാൽ വീട്ടിലെത്തിയ ഉടൻ കുഞ്ഞിന് കൊടുക്കാനാകും. ഇപ്പോൾ മിക്കവാറും എല്ലാ ഓഫീസിലും ഈ സൗകര്യം ലഭ്യമാണ്.

പ്രകൃതിദത്തമായ രീതിയിൽ മുലപ്പാൽ

രാത്രിയിൽ നിങ്ങൾക്ക് കുഞ്ഞിന് പ്രകൃതിദത്തമായ രീതിയിൽ മുലപ്പാൽ നൽകാവുന്നതാണ്. ഇതുവഴി അമ്മയും കുഞ്ഞും തമ്മിലുള്ള ബന്ധം മെച്ചപ്പെടുത്താനാകും.