കുഞ്ഞിന്റെ പൊക്കിള്‍ക്കൊടി സംരക്ഷണം

പ്രസവശേഷം നവജാത ശിശുവിന്റെ പരിചരണം വളരെ പ്രധാനമാണ്. പ്രതിരോധശേഷി കുറവായതിനായും പുതിയ അന്തരീക്ഷിത്തിലേയ്ക്ക് ഇണങ്ങിച്ചേരുവാന്‍ സമയമെടുക്കുന്നതിനാലും വേണ്ട രീതിയില്‍ ശ്രദ്ധിച്ചില്ലെങ്കില്‍ അണുബാധകള്‍ വരാനുളള സാധ്യത ഏറെയാണ്.

പൊക്കിള്‍ക്കൊടി മുറിച്ചാണ് കുഞ്ഞിനെ അമ്മയില്‍ നിന്നും വേര്‍പെടുത്തുന്നത്. ഇതിന്റെ അറ്റം അല്‍പദിവസം കഴിഞ്ഞാലേ പൊഴിഞ്ഞു പോവുകയുള്ളൂ. അതുവരെ പൊക്കിള്‍ക്കൊടിയില്‍ അണുബാധകളില്ലാതെ സൂക്ഷിയ്‌ക്കേണ്ട്ത് ഏറെ പ്രധാനമാണ്.

പൊക്കിള്‍ക്കൊടി നനയാതെ ശ്രദ്ധിയ്ക്കണം. പ്രത്യേകിച്ച് കുഞ്ഞിനെ കുളിപ്പിയ്ക്കുമ്പോള്‍. നനഞ്ഞാല്‍ തന്നെ ഇത് ഉടനെ തുടച്ച് വെള്ളം കളഞ്ഞു വൃത്തിയാക്കുകയും വേണം.

പൊക്കിള്‍കൊടിയ്ക്ക് അസ്വസ്ഥതയില്ലാത്ത വിധത്തില്‍ കോട്ടന്‍ വസ്ത്രങ്ങള്‍ കുഞ്ഞിനെ ധരിപ്പിയ്ക്കുക. ഇറുകിയ വസ്ത്രങ്ങളും ധരിപ്പിയ്ക്കരുത്.

പൊക്കിള്‍ക്കൊടി തനിയെ വീണു പോവുകയാണ് വേണ്ടത്. പൊക്കിള്‍ക്കൊടിയുടെ മഞ്ഞനിറം പച്ചയും പിന്നീട് ബ്രൗണുമാകും. പൊക്കിള്‍ക്കൊടിയുണങ്ങി എന്നു നാടന്‍ ഭാഷയില്‍ പറയാം. ഈ സ്റ്റേജില്‍ ഇതു തനിയെ പൊഴിഞ്ഞു പോയിക്കൊള്ളും.