ഹോളി ദിനത്തില്‍ ഈ വാസ്തു പ്രതിവിധി ചെയ്താല്‍ വീട്ടില്‍ ഐശ്വര്യം

ഹോളി 2023

ഹിന്ദു കലണ്ടര്‍ മാസമായ ഫാല്‍ഗുണത്തിലാണ് ഹോളി വരുന്നത്. ഹോളി വസന്തകാലത്തിന്റെ ആഗമനത്തെയും ശൈത്യകാലത്തിന്റെ അവസാനത്തെയും അടയാളപ്പെടുത്തുന്നു. ഈ വര്‍ഷം 2023 മാര്‍ച്ച് 8 നാണ് ഹോളി ആഘോഷിക്കുന്നത്. ഇന്ത്യയിലുടനീളം വലിയ ഉത്സാഹത്തോടെയും ആഡംബരത്തോടും കൂടിയാണ് ഈ ഉത്സവം ആഘോഷിക്കുന്നത്. ഹിന്ദു വിശ്വാസപ്രകാരം ഏറ്റവും വലിയ ആഘോഷങ്ങളിലൊന്നാണ് ഹോളി. നിറങ്ങളുടെ ഉത്സവം എന്നും ഹോളി അറിയപ്പെടുന്നു.

വീടിന് പുറത്ത് രംഗോലി വരയ്ക്കുക

നിറങ്ങള്‍ എല്ലാവരുടെയും ജീവിതത്തില്‍ സന്തോഷം നല്‍കുന്നു. നിറങ്ങള്‍ പോസിറ്റിവിറ്റിയുടെ പ്രതീകമായി കണക്കാക്കപ്പെടുന്നു. കുടുംബാംഗങ്ങള്‍ക്കിടയില്‍ അകല്‍ച്ചയുണ്ടെങ്കില്‍, ഹോളി ദിനത്തില്‍ നിങ്ങളുടെ വീടിന് പുറത്ത് രംഗോലി ഇടുക. രംഗോലി ഉണ്ടാക്കാന്‍ ചുവപ്പ്, പച്ച, പിങ്ക്, മഞ്ഞ നിറങ്ങള്‍ ഉപയോഗിക്കുക. ഇത് ചെയ്യുന്നത് കുടുംബത്തില്‍ സന്തോഷം കൊണ്ടുവരും. കുടുംബാംഗങ്ങള്‍ക്കിടയില്‍ ഐക്യവും നിലനില്‍ക്കും.

ഗണപതി ആരാധന

ഒട്ടുമിക്ക വീടുകളിലും ഗണപതിയെ നിത്യേന ആരാധിക്കാറുണ്ടെങ്കിലും അദ്ദേഹത്തിന്റെ പ്രത്യേക അനുഗ്രഹം ലഭിക്കാന്‍ ഹോളി ദിനത്തില്‍ മധുരപലഹാരങ്ങള്‍ നല്‍കി ആരാധിക്കുക. ഇത് ഗണപതിയുടെ പ്രത്യേക കൃപ നല്‍കുന്നു.

വീട്ടില്‍ ചെടികള്‍ നടുക

ആരുടെയെങ്കിലും വീട്ടില്‍ ഗ്രഹദോഷം ഉണ്ടെങ്കില്‍, അത് മൂലം വീട്ടംഗങ്ങള്‍ക്കിടയില്‍ അകല്‍ച്ചയും കലഹവും ഉണ്ടാകും. ഇതിനു പ്രതിവിധിയായി ഹോളി ദിനത്തില്‍ വീടിനുള്ളില്‍ പച്ച നിറത്തിലുള്ള ഇന്‍ഡോര്‍ ചെടികള്‍ നടുക. ഇതുമൂലം പോസിറ്റിവിറ്റി കൈമാറ്റം ചെയ്യപ്പെടുകയും ഗ്രഹദോഷങ്ങള്‍ പരിഹരിക്കപ്പെടുകയും ചെയ്യുന്നു.

ശ്രീകൃഷ്ണന്റെയും രാധയുടെയും ചിത്രം വെക്കുക

ഭാര്യാഭര്‍ത്താക്കന്മാര്‍ തമ്മില്‍ വഴക്കുണ്ടെങ്കില്‍, ഹോളി ദിനത്തില്‍ വീട്ടില്‍ ഏതെങ്കിലും സ്ഥലത്ത് ശ്രീകൃഷ്ണന്റെയും രാധയുടെയും ചിത്രമോ പ്രതിമയോ സ്ഥാപിക്കണം. യഥാര്‍ത്ഥത്തില്‍, ശ്രീകൃഷ്ണനും രാധായും സ്‌നേഹത്തിന്റെ പ്രതീകങ്ങളായി കണക്കാക്കപ്പെടുന്നു. ഇത് ചെയ്യുന്നതിലൂടെ ഭാര്യാഭര്‍ത്താക്കന്മാരുടെ ബന്ധം ദൃഢമാകുമെന്ന് വിശ്വസിക്കുന്നു.

കരിയറില്‍ വിജയിക്കാന്‍

ഹോളി ദിനത്തില്‍, കിഴക്ക് ദിശയില്‍ ഉദിക്കുന്ന സൂര്യന്റെ ചിത്രം നിങ്ങളുടെ വീട്ടിലോ ജോലിസ്ഥലത്തോ സ്ഥാപിക്കണം. ഇത് നിങ്ങള്‍ക്ക് കരിയറില്‍ വിജയം നേടുന്നതിന് സഹായിക്കും. ഈ പ്രതിവിധി ചെയ്യുന്നതിലൂടെ നിങ്ങള്‍ക്ക് നേട്ടങ്ങള്‍ ലഭിക്കാന്‍ തുടങ്ങും. ഇതോടൊപ്പം നിങ്ങളുടെ അന്തസ്സും വര്‍ദ്ധിക്കും.

ഹോളി; ചരിത്രം

ഐതിഹ്യം അനുസരിച്ച്, പ്രഹ്ലാദന്റെ കഥയുമായി ഹോളി ആഘോഷം ബന്ധപ്പെട്ടിരിക്കുന്നു. ഹരി ഭക്തനായിരുന്നു പ്രഹ്ളാദന്‍. എന്നാല്‍ പിതാവായ ഹിരണ്യകശിപു ഇതിനെ എതിര്‍ത്തു. നാരായണ ഭക്തിയില്‍ നിന്ന് പ്രഹ്ലാദനെ പിന്തിരിപ്പിക്കാനുള്ള എല്ലാ വഴികളും രാജാവ് ചെയ്തു. അദ്ദേഹം ഫാല്‍ഗുണ ശുക്ലപക്ഷ അഷ്ടമി ദിവസം പ്രഹ്ലാദനെ ബന്ദിയാക്കി പീഢനമുറകള്‍ ആരംഭിച്ചു. എന്നാല്‍ അപ്പോഴും പ്രഹ്ളാദന്‍ വിഷ്ണുവിനെ ഭജിച്ചുകൊണ്ടിരുന്നു. ഏഴു ദിവസം കഴിഞ്ഞ് എട്ടാം ദിവസം, ഹിരണ്യകശിപുവിന്റെ സഹോദരി ഹോളിക പ്രഹ്ലാദനെ തീയില്‍ ദഹിപ്പിക്കാന്‍ നിര്‍ദ്ദേശിച്ചു. അത് ഹിരണ്യകശിപു അംഗീകരിച്ചു. ഹോളിഗയ്ക്ക് അഗ്നിദേവന്‍ ഒരു വരം നല്‍കിയിരുന്നു. അഗ്നിദേവന്‍ സമ്മാനിച്ച വസ്ത്രമണിഞ്ഞാല്‍ അഗ്നിക്കിരയാകില്ലെന്നായിരുന്നു അത്. പക്ഷെ ഒറ്റയ്ക്കു തീയിലിറങ്ങിയാല്‍ മാത്രമേ വരത്തിനു ശക്തിയുണ്ടാവൂ എന്ന് ഹോളിഗ അറിഞ്ഞിരുന്നില്ല. ഹിരണ്യകശ്യപുവിന്റെ ആജ്ഞപ്രകാരം ഹോളിഗ പ്രഹ്ലാദനെയും കൈകളിലെടുത്തു അഗ്നിയിലേക്കിറങ്ങി. വിഷ്ണുവിന്റെ അനുഗ്രഹത്താല്‍ പ്രഹ്ലാദന്‍ പൊള്ളല്‍ ഏല്‍ക്കാതെ രക്ഷപ്പെട്ടു. എന്നാല്‍, ഹോളിഗ തീയില്‍ വെന്തുമരിക്കുകയും ചെയ്തു. ഈ എട്ട് ദിവസത്തെ പീഢനത്തിന്റെ സ്മരണയിലാണ് ഹോളാഷ്ടക് ആയി ആഘോഷിക്കുന്നത്.