ആകാശക്കാഴ്ച; ഈ ദശകത്തിലെ അവസാന സൂര്യഗ്രഹണം 14ന്

സൂര്യഗ്രഹണം സമയം

ഇന്ത്യന്‍ സ്റ്റാന്‍ഡേര്‍ഡ് സമയം അനുസരിച്ച് ഡിസംബര്‍ 14 ന് വൈകുന്നേരം 7:03 നും ഡിസംബര്‍ 15 ന് പുലര്‍ച്ചെ 12:23 നും ഇടയിലാണ് ഗ്രഹണം നടക്കുക. ഗ്രഹണത്തിന്റെ പാരമ്യത രാത്രി 9:43 ന് ആയിരിക്കും. ഗ്രഹണം ഏകദേശം അഞ്ച് മണിക്കൂര്‍ നീണ്ടുനില്‍ക്കും.

ഇന്ത്യയില്‍ ദൃശ്യമാകുമോ ?

ഇന്ത്യയിലോ ഏഷ്യന്‍ രാജ്യങ്ങളിലോ ഗ്രഹണം ദൃശ്യമാകില്ല. തെക്കേ അമേരിക്കന്‍ ഭൂഖണ്ഡത്തിലെ ചില രാജ്യങ്ങളില്‍ താമസിക്കുന്നവര്‍ക്ക് ഈ ആകാശ പ്രതിഭാസം ദൃശ്യമാകും. ചിലി, അര്‍ജന്റീനയുടെ ചില ഭാഗങ്ങള്‍ എന്നിവിടങ്ങളിലും പൂര്‍ണ ഗ്രഹണം കാണാന്‍ കഴിയും. ചിലിയിലെ സാന്റിയാഗോ, ബ്രസീലിലെ സാവോ പോളോ, അര്‍ജന്റീനയിലെ ബ്യൂണസ് അയേഴ്‌സ്, പെറുവിലെ ലിമ, ഉറുഗ്വേയിലെ മോണ്ടെവീഡിയോ, പരാഗ്വേയിലെ അസുന്‍സിയോണ്‍ എന്നിവിടങ്ങളാണ് ഭാഗിക സൂര്യഗ്രഹണം ദൃശ്യമാകുന്ന പ്രധാന സ്ഥലങ്ങള്‍.

സൂര്യഗ്രഹണം, ചന്ദ്രഗ്രഹണം

സൂര്യനും ചന്ദ്രനും ഭൂമിയും ഒരു നേര്‍രേഖയില്‍ വിന്യസിക്കുമ്പോള്‍ സംഭവിക്കുന്ന പ്രതിഭാസമാണ് ചന്ദ്രഗ്രഹണവും സൂര്യഗ്രഹണവും (3 ആകാശഗോളങ്ങള്‍ ഒരു നേര്‍രേഖയില്‍ വരുന്നു). ഭൂമിക്കും സൂര്യനും ഇടയിലായിലായി ചന്ദ്രന്‍ വരുമ്പോഴാണ് സൂര്യഗ്രഹണം സംഭവിക്കുന്നത്. സൂര്യനും ചന്ദ്രനും ഇടയിലായില്‍ ഭൂമി വരുമ്പോള്‍ ചന്ദ്രഗ്രഹണവും സംഭവിക്കുന്നു.

സൂര്യഗ്രഹണം എത്ര തവണ സംഭവിക്കുന്നു

എല്ലാ വര്‍ഷവും 2 മുതല്‍ 5 വരെ സൂര്യഗ്രഹണങ്ങള്‍ സംഭവിക്കുന്നു. ഓരോന്നും ഭൂമിയില്‍ പരിമിതമായ പ്രദേശത്ത് മാത്രം ദൃശ്യമാവുകയും ചെയ്യുന്നു. അതിനാല്‍, മിക്കവാറും കലണ്ടര്‍ വര്‍ഷങ്ങളില്‍ 2 സൂര്യഗ്രഹണങ്ങള്‍ സംഭവിക്കാറുണ്ട്. ഒരേ വര്‍ഷം സംഭവിക്കാവുന്ന പരമാവധി സൂര്യഗ്രഹണങ്ങളുടെ എണ്ണം 5 ആണ്, എന്നാല്‍ ഇത് വളരെ അപൂര്‍വവുമാണ്.

5 സൂര്യഗ്രഹണങ്ങള്‍

നാസയുടെ കണക്കുകൂട്ടലുകള്‍ അനുസരിച്ച്, കഴിഞ്ഞ 5,000 വര്‍ഷങ്ങളില്‍ ഏകദേശം 25 വര്‍ഷങ്ങളില്‍ മാത്രമേ 5 സൂര്യഗ്രഹണങ്ങള്‍ ഉണ്ടായിട്ടുള്ളൂ. ഇത് അവസാനമായി സംഭവിച്ചത് 1935 ലാണ്. അടുത്തത് 2206ല്‍ ആയിരിക്കും.